استانا. 26 قاڭتار. يسپانيانىڭ گرانادا جانە سلوۆاكيانىڭ شتربسكە-پلەسو مەن وسربلە قالالارىندا ءوتىپ جاتقان ءححVىى قىسقى ۋنيۆەرسيادا ويىندارىندا ەلىمىز ەكى التىن مەدالمەن ءبىرىنشى كۇننەن جالپىكوماندالىق ەسەپتە العا شىقتى. بۇل تۋرالى egemen.kz حابارلادى.
العاشقى كۇنى سايىستىڭ 4 تۇرىنەن جەڭىمپاز انىقتالدى. سونىڭ ەكەۋى ءبىزدىڭ وتانداسىمىز. جارىستى جەڭىسپەن باستاعان سپورتشىلارىمىز – شاڭعىمەن سپرينتەرلىك تارتىستا توپ جارعان اناستاسيا سلونوۆا
(جوعارىداعى سۋرەتتە) مەن بياتلوننان 15 شاقىرىمدىق جەكەلەي سىندا الدىنا جان سالماعان الينا رايكوۆا
(تومەندەگى سۋرەتتە).
قورجىنعا تۇسكەن العاشقى التىن مەدالدىڭ يەگەرى اناستاسيا. شترەبسكە-پلەسونىڭ جارىس جولىندا ەل نامىسىن قورعاعان ول فينالدىق سىندى 3 مينۋت 22,75 سەكۋندتا ءجۇرىپ ءوتتى. قازاقستاندىق شاڭعىشى شيرەك جانە جارتىلاي فينالدىق باسەكەلەردە مارە سىزىعىن ەكىنشى بولىپ قيعان ەدى. سوندىقتان بولار, شەشۋشى باسەكەدە باس جۇلدەدەن ءۇمىتتى رەسەيلىك سۆەتلانا نيكولاەۆا ءبىزدىڭ قىزدان اسا قاۋىپ كۇتە قويمادى. ەسەسىنە, ول پولشالىق ەۆەلينا ءمارتسيشتى الدىنا جىبەرمەۋگە تىرىستى. جارىس باستالعان ساتتەن-اق ەكەۋى العا سۋىرىلىپ شىقتى. سوڭعى ارالىققا دەيىن سلونوۆا سول قوس سپورتشىنىڭ وكشەلەرىن باسىپ كەلدى. تەك مارەگە 100 مەتردەي قالعان كەزدە اناستاسيا ەكپىنىن كۇشەيتىپ, ەكى سپورتشىنى دا باسىپ وزدى. ناتيجەسىندە, التىن مەدال ءبىزدىڭ قورجىنعا تۇسسە, كۇمىس جۇلدە ەۆەلينانىڭ (+0,18 سەك.) ەنشىسىندە كەتتى. ال رەسەيلىككە بۇيىرعانى قولا مەدال عانا. ول ءبىزدىڭ سپورتشىدان 0,42 سەكۋندقا قالىپ قويدى.
وسى التىن مەدالدىڭ قۋانىشى باسىلماي جاتىپ وسربلەدەن تاعى ءبىر جاعىمدى جاڭالىق جەتتى. بياتلونشى قىزىمىز الينا رايكوۆا ايەلدەر اراسىنداعى 15 شاقىرىمدىق سايىستى 47 مينۋت 29,4 سەكۋندتا ءجۇرىپ ءوتىپ, ۋنيۆەرسيادا چەمپيونى اتاندى. جارىس بارىسىندا بياتلونشىلار ءتورت مارتە نىسانا كوزدەگەن بولاتىن. الينا بارلىق وقتىڭ بىرەۋىن عانا ءمۇلت جىبەردى. ال رەسەيلىك ەكاتەرينا اۆۆاكۋموۆا بارلىق نىسانانى ءدال كوزدەگەنىمەن, شاڭعىمەن جارىس كەزىندە ءبىزدىڭ سپورتشىدان 9 سەكۋندقا قالىپ قويىپ, كۇمىس مەدالدى قاناعات تۇتتى. قولا جۇلدە سلوۆاكيالىق پاۋلينا فيالكوۆانىڭ ەنشىسىنە جازىلدى. ول مارەگە چەمپيوننان 41,7 سەكۋندقا كەشىگىپ جەتتى. تاعى ءبىر وتانداسىمىز گالينا ۆيشنەۆسكايا بۇل جولى جارىستى ءتورتىنشى ورىنمەن اياقتادى (+56,9). سونداي-اق, قالعان قازاقستاندىقتاردىڭ كورسەتكىشتەرى مىناداي: داريا ۋسانوۆا 9-ورىن (+3:38,7), اناستاسيا كوندراتەۆا 29-ورىن (8:02,6), گالينا ميكريۋكوۆا 36-ورىن (+9:51,9).
العاشقى جارىس كۇنىنىڭ قورىتىندىسى بويىنشا جالپىكوماندالىق ەسەپتە قازاقستان 2 التىن مەدالمەن كوش باستادى. قورجىنىندا 1 التىن, 3 كۇمىس جانە 3 قولا جۇلدەسى بار رەسەي 2-ساتىعا نىق سەنىممەن جايعاستى. ۇزدىك ۇشتىكتى جالعىز التىنمەن ۋكراينا تۇيىندەپ تۇر. ءبىر كۇمىس مەدالى بار پولشا 4-ورىندا تۇرسا, جالقى قولا جۇلدەنى قورجىندارىنا سالعان سلوۆاكيا 5-تۇعىرعا ورنالاستى. ازىرگە مەدال ولجالاعان ەلدەر وسى بەسەۋى عانا.
جارىس تۋرالى ايتار بولساق, بيىلعى دودادا الەمنىڭ 43 ەلىنەن كەلگەن 1550 سپورتشى سايىستىڭ 11 تۇرىنەن باق سىناۋدا. 14 اقپانعا دەيىن سوزىلاتىن جارىس بارىسىندا 69 مەدال جيىنتىعى ساراپقا سالىنباق. ايتا كەتەر جايت, اتالمىش دودانى ءاۋ باستا جالعىز گرانادا وتكىزەتىن بولىپ شەشىلگەن. دەگەنمەن, وتكەن جىلدىڭ ماۋسىمىندا ۋنيۆەرسيتەتتىك سپورت تۇرلەرىنىڭ حالىقارالىق فەدەراتسياسى (FISU) قوجايىن مەملەكەتتىڭ قاتارىنا سلوۆاكيانى قوستى. ناقتى ايتساق, اتالمىش ەلدەگى قىسقى سپورت تۇرلەرىنىڭ ورتالىعى سانالاتىن شتربسكە-پلەسو مەن وسربلە قالالارى دا 2015 جىلعى قىسقى ۋنيۆەرسيادا استاناسى بولىپ تانىلدى. FISU مۇنداي شەشىمدى قارجى ماسەلەسىنە بايلانىستى قابىلدادى. الايدا, سلوۆاكيادا سپورتتىڭ 4 تۇرىنەن عانا, ياعني, شاڭعىمەن جارىس, تۇعىردان سەكىرۋ, بياتلون جانە قوسسايىس بويىنشا جارىستار وتەدى. قالعان حوككەي, مانەرلەپ سىرعاناۋ, شورت-ترەك, كەرلينگ, سنوۋبورد, فريستايل جانە تاۋ شاڭعىسى بويىنشا مەدالدار يسپانيا جەرىندە تاراتىلماق. دەگەنمەن, گراناداداعى جارىستار 1 اقپاندا عانا باستالاتىنىن ەسكەرسەك, ازىرگە باستى نازار سلوۆاكياعا اۋىپ تۇر.
ەلامان قوڭىر.
دەرەك: egemen.kz.
سۋرەت: tatry2015.sk.
استانا. 26 قاڭتار. يسپانيانىڭ گرانادا جانە سلوۆاكيانىڭ شتربسكە-پلەسو مەن وسربلە قالالارىندا ءوتىپ جاتقان ءححVىى قىسقى ۋنيۆەرسيادا ويىندارىندا ەلىمىز ەكى التىن مەدالمەن ءبىرىنشى كۇننەن جالپىكوماندالىق ەسەپتە العا شىقتى. بۇل تۋرالى egemen.kz حابارلادى.
العاشقى كۇنى سايىستىڭ 4 تۇرىنەن جەڭىمپاز انىقتالدى. سونىڭ ەكەۋى ءبىزدىڭ وتانداسىمىز. جارىستى جەڭىسپەن باستاعان سپورتشىلارىمىز – شاڭعىمەن سپرينتەرلىك تارتىستا توپ جارعان اناستاسيا سلونوۆا (جوعارىداعى سۋرەتتە) مەن بياتلوننان 15 شاقىرىمدىق جەكەلەي سىندا الدىنا جان سالماعان الينا رايكوۆا (تومەندەگى سۋرەتتە).
قورجىنعا تۇسكەن العاشقى التىن مەدالدىڭ يەگەرى اناستاسيا. شترەبسكە-پلەسونىڭ جارىس جولىندا ەل نامىسىن قورعاعان ول فينالدىق سىندى 3 مينۋت 22,75 سەكۋندتا ءجۇرىپ ءوتتى. قازاقستاندىق شاڭعىشى شيرەك جانە جارتىلاي فينالدىق باسەكەلەردە مارە سىزىعىن ەكىنشى بولىپ قيعان ەدى. سوندىقتان بولار, شەشۋشى باسەكەدە باس جۇلدەدەن ءۇمىتتى رەسەيلىك سۆەتلانا نيكولاەۆا ءبىزدىڭ قىزدان اسا قاۋىپ كۇتە قويمادى. ەسەسىنە, ول پولشالىق ەۆەلينا ءمارتسيشتى الدىنا جىبەرمەۋگە تىرىستى. جارىس باستالعان ساتتەن-اق ەكەۋى العا سۋىرىلىپ شىقتى. سوڭعى ارالىققا دەيىن سلونوۆا سول قوس سپورتشىنىڭ وكشەلەرىن باسىپ كەلدى. تەك مارەگە 100 مەتردەي قالعان كەزدە اناستاسيا ەكپىنىن كۇشەيتىپ, ەكى سپورتشىنى دا باسىپ وزدى. ناتيجەسىندە, التىن مەدال ءبىزدىڭ قورجىنعا تۇسسە, كۇمىس جۇلدە ەۆەلينانىڭ (+0,18 سەك.) ەنشىسىندە كەتتى. ال رەسەيلىككە بۇيىرعانى قولا مەدال عانا. ول ءبىزدىڭ سپورتشىدان 0,42 سەكۋندقا قالىپ قويدى.
وسى التىن مەدالدىڭ قۋانىشى باسىلماي جاتىپ وسربلەدەن تاعى ءبىر جاعىمدى جاڭالىق جەتتى. بياتلونشى قىزىمىز الينا رايكوۆا ايەلدەر اراسىنداعى 15 شاقىرىمدىق سايىستى 47 مينۋت 29,4 سەكۋندتا ءجۇرىپ ءوتىپ, ۋنيۆەرسيادا چەمپيونى اتاندى. جارىس بارىسىندا بياتلونشىلار ءتورت مارتە نىسانا كوزدەگەن بولاتىن. الينا بارلىق وقتىڭ بىرەۋىن عانا ءمۇلت جىبەردى. ال رەسەيلىك ەكاتەرينا اۆۆاكۋموۆا بارلىق نىسانانى ءدال كوزدەگەنىمەن, شاڭعىمەن جارىس كەزىندە ءبىزدىڭ سپورتشىدان 9 سەكۋندقا قالىپ قويىپ, كۇمىس مەدالدى قاناعات تۇتتى. قولا جۇلدە سلوۆاكيالىق پاۋلينا فيالكوۆانىڭ ەنشىسىنە جازىلدى. ول مارەگە چەمپيوننان 41,7 سەكۋندقا كەشىگىپ جەتتى. تاعى ءبىر وتانداسىمىز گالينا ۆيشنەۆسكايا بۇل جولى جارىستى ءتورتىنشى ورىنمەن اياقتادى (+56,9). سونداي-اق, قالعان قازاقستاندىقتاردىڭ كورسەتكىشتەرى مىناداي: داريا ۋسانوۆا 9-ورىن (+3:38,7), اناستاسيا كوندراتەۆا 29-ورىن (8:02,6), گالينا ميكريۋكوۆا 36-ورىن (+9:51,9).
العاشقى جارىس كۇنىنىڭ قورىتىندىسى بويىنشا جالپىكوماندالىق ەسەپتە قازاقستان 2 التىن مەدالمەن كوش باستادى. قورجىنىندا 1 التىن, 3 كۇمىس جانە 3 قولا جۇلدەسى بار رەسەي 2-ساتىعا نىق سەنىممەن جايعاستى. ۇزدىك ۇشتىكتى جالعىز التىنمەن ۋكراينا تۇيىندەپ تۇر. ءبىر كۇمىس مەدالى بار پولشا 4-ورىندا تۇرسا, جالقى قولا جۇلدەنى قورجىندارىنا سالعان سلوۆاكيا 5-تۇعىرعا ورنالاستى. ازىرگە مەدال ولجالاعان ەلدەر وسى بەسەۋى عانا.
جارىس تۋرالى ايتار بولساق, بيىلعى دودادا الەمنىڭ 43 ەلىنەن كەلگەن 1550 سپورتشى سايىستىڭ 11 تۇرىنەن باق سىناۋدا. 14 اقپانعا دەيىن سوزىلاتىن جارىس بارىسىندا 69 مەدال جيىنتىعى ساراپقا سالىنباق. ايتا كەتەر جايت, اتالمىش دودانى ءاۋ باستا جالعىز گرانادا وتكىزەتىن بولىپ شەشىلگەن. دەگەنمەن, وتكەن جىلدىڭ ماۋسىمىندا ۋنيۆەرسيتەتتىك سپورت تۇرلەرىنىڭ حالىقارالىق فەدەراتسياسى (FISU) قوجايىن مەملەكەتتىڭ قاتارىنا سلوۆاكيانى قوستى. ناقتى ايتساق, اتالمىش ەلدەگى قىسقى سپورت تۇرلەرىنىڭ ورتالىعى سانالاتىن شتربسكە-پلەسو مەن وسربلە قالالارى دا 2015 جىلعى قىسقى ۋنيۆەرسيادا استاناسى بولىپ تانىلدى. FISU مۇنداي شەشىمدى قارجى ماسەلەسىنە بايلانىستى قابىلدادى. الايدا, سلوۆاكيادا سپورتتىڭ 4 تۇرىنەن عانا, ياعني, شاڭعىمەن جارىس, تۇعىردان سەكىرۋ, بياتلون جانە قوسسايىس بويىنشا جارىستار وتەدى. قالعان حوككەي, مانەرلەپ سىرعاناۋ, شورت-ترەك, كەرلينگ, سنوۋبورد, فريستايل جانە تاۋ شاڭعىسى بويىنشا مەدالدار يسپانيا جەرىندە تاراتىلماق. دەگەنمەن, گراناداداعى جارىستار 1 اقپاندا عانا باستالاتىنىن ەسكەرسەك, ازىرگە باستى نازار سلوۆاكياعا اۋىپ تۇر.
ەلامان قوڭىر.
دەرەك: egemen.kz.
سۋرەت: tatry2015.sk.
