سولتۇستىك قازاقستاندا باسقارماعا جاڭا باسشى تاعايىندالدى

پەتروپاۆل. 26 قاڭتار. سولتۇستىك قازاقستان وبلىسىنىڭ اكىمى ەرىك سۇلتانوۆتىڭ وكىمىمەن كاسىپكەرلىك جانە تۋريزم باسقارماسىنىڭ باسشىسى بولىپ كەرىمبەك ايدىن جانۇزاق ۇلى تاعايىندالدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. ا.كەرىمبەك 1984 جىلى تۋعان. جوعارى ءبىلىمدى. قازاق گۋمانيتارلىق-زاڭ ۋنيۆەرسيتەتىن, نوتيمگەم ۋنيۆەرسيتەتىن ( ۇلىبريتانيا) بىتىرگەن. حالىقارالىق قۇقىق سالاسىنىڭ مامانى, مەملەكەتتىك ساياسات جانە باسقارۋ ماگيسترى. ەڭبەك جولىن 2004 جىلى الماتىداعى جاۋاپكەرشىلىگى شەكتەۋلى سەرىكتەستىكتەردىڭ بىرىندە زاڭ جانە كادرلىق جۇمىس ءبولىمىنىڭ جەتەڭشىسى رەتىندە باستاعان. 2006-2008 جىلدار ارالىعىندا مەملەكەتتىك م ۇلىك جانە جەكەشەلەندىرۋ كوميتەتى زاڭ دەپارتامەنتىنىڭ جەتەكشى مامانى بولىپ قىزمەت اتقاردى. 2008-2011 جىلدارى اۋىل شارۋاشىلىعى مينيسترلىگىنىڭ اكىمشىلىك قامتاماسىز ەتۋ دەپارتامەنتىنىڭ ساراپشىسى, باسقارما باستىعى, ديرەكتورى لاۋازىمىندا ەڭبەك ەتتى. 2011 جىلدىڭ ءساۋىر ايىنان باستاپ وسى تاعايىنداۋعا دەيىن رەسپۋبليكالىق بيۋدجەتتىڭ ورىندالۋىن قاداعالاۋ بويىنشا ەسەپ كوميتەتىنىڭ اكىمشىلىك-قارجىلىق ءبولىمى مەڭگەرۋشىسىنىڭ ورىنباسارى بولدى. جولدىباي بازار. دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: capital.kz.