پەتروپاۆلداعى مەكتەپ-ينتەرنات جىل ۇزدىگى اتاندى

پەتروپاۆل. 26 قاڭتار. ەستۋ كەمىستىگى بار بالالارعا ارنالعان سولتۇستىك قازاقستان وبلىستىق ارنايى مەكتەپ-ينتەرناتى 2014 جىلدىڭ ۇزدىك مەكەمەسى اتانىپ, ۇلتتىق سەرتيفيكاتپەن, ۇجىم ديرەكتورى جانكەلدى ءتاجين «ەڭبەك سىڭىرگەن مەملەكەتتىك قىزمەتكەر» وردەنىمەن ماراپاتتالدى. بۇل تۋرالى egemen ءتىلشىسى حابارلادى. رەسپۋبليكا ورتا بۋىنداعى كاسىپورىنداردىڭ سوڭعى ەكى جىل ىشىندەگى جۇمىس كورسەتكىشتەرىنىڭ قورىتىندىلارىن «ەكونوميكالىق قىزمەت تۇرلەرىنىڭ جالپى كلاسسيفيكاتورى» نەگىزىندە «ساۋدا-وندىرىستىك» جشس جۇرگىزگەن. ستاتيستيكالىق باعامداۋ ستاتيستيكا اگەنتتىگى توراعاسىنىڭ بۇيرىعىمەن بەكىتىلگەن. ەستۋ قابىلەتى كەم بالالار تاربيەلەنەتىن مەكتەپ-ينتەرنات ەكونوميكالىق قىزمەت تۇرلەرىنىڭ جالپى كلاسسيفيكاتورى بويىنشا نەگىزگى جانە ورتا ءبىلىم مەكەمەلەرى اراسىندا العاشقى ۇزدىك قاتارىنا كىردى. كوشباسشى كاسىپورىندار ءتىزىمى حالىقارالىق WRC ۇيىمىنىڭ ادىستەمەلىك جۇيەسى نەگىزىندە ايقىندالعان. مەكتەپ-ينتەرنات سايتىنا ورنالاستىرىلعان, ءباسپاسوز بەتتەرىندە جاريالانعان ماتەريالدارعا, وقۋشىلار مەن ۇجىمنىڭ جەتىستىكتەرىگە, مەن ءبىلىم وشاعىندا جۇرگىزىلگەن وقۋ-تاربيەلىك جۇمىستار مەن تاعى باسقا اتقارىلعان شارالارعا سىرتتاي ىرىكتەۋ جۇرگىزىلىپ, رەيتينگ قورىتىندىسى بويىنشا توپ جارعان. 2014 جىلدىڭ ەڭ ۇزدىك مەكەمەسى استانا قالاسىندا وتەتىن ماراپاتتاۋ راسىمىنە شاقىرىلىپ وتىر. ءومىر ەسقالي. دەرەك: egemen.kz. سۋرەت: deaf.kz.