سولتۇستىك قازاقستاندا مەڭگەرۋشى قىزمەتىنەن بوساتىلدى

پەتروپاۆل. 26 قاڭتار. سولتۇستىك قازاقستان وبلىستىق تارتىپتىك كەڭەستىڭ مۇشەلەرى   سىبايلاس جەمقورلىققا قارسى كۇرەس زاڭناماسىن بۇرمالاۋشىلىققا جول بەردى دەپ كىنا تاعىلعان قوس باسشىنى قاتاڭ جازاعا تارتۋ تۋرالى شەشىم قابىلدادى. بۇل جونىندە egemen.kz ءتىلشىسى حابارلادى. ەسىل اۋدانىنداعى جارقايىڭ باستاۋىش مەكتەبىنىڭ مەڭگەرۋشىسى كەمەل تاكيشەۆ بىلتىر قازان ايىندا نەگىزگى قىزمەتىنە قوسا, ءوزى باسقاراتىن ءبىلىم مەكەمەسى قازاندىعىنىڭ وتجاعۋشىسى مىندەتىن قوسا اتقارۋ جونىندە بۇيرىق شىعارعان. الايدا, وزگە ءۇش وتجاعۋشىعا بىرنەشە رەت كومەكتەسكەنى بولماسا ولارمەن بىردەي جۇمىس اتقارماعانىنا قاراماستان, تولىق جالاقى الىپ وتىرعان. وسى جايت پروكۋراتۋرا تەكسەرىسى بارىسىندا انىقتالىپ, كىناسى تولىق مويىندالعان. ول ءوز ءىس-ارەكەتى ءۇشىن اقتالۋعا تىرىسقانىمەن, تارتىپتىك كەڭەس مۇشەلەرىن يلاندىرا المادى. باستاۋىش مەكتەپ مەڭگەرۋشىسىن قىزمەتىنەنە بوساتۋ تۋرالى ۇسىنىس ءبىراۋىزدان قابىلداندى. ءومىر ەسقالي. دەرەك: egemen.kz. سۋرەت: nesvish-news.by.