گرەكيا پارلامەنت سايلاۋىندا «سيريزا» جەڭىسكە جەتتى

استانا. 26 قاڭتار. كەشە وتكەن گرەكيا پارلامەنت سايلاۋىندا وپپوزيتسيالىق سولشىل «سيريزا» پارتياسى باسىم داۋىسپەن جەڭىسكە جەتتى. بۇل تۋرالى ريا «نوۆوستي» حابارلادى. قاتاڭ ۇنەمدەۋ ساياساتىنا قارسى شىعۋشىلار داۋىس بەرۋ قورىتىندىسىندا 35, 26 پايىزدىق كورسەتكىشكە قول جەتكىزدى. «مۇنىڭ ءوزى پارلامەنتتە 300 ورىندىق پارلامەنتتە 149 دەپۋتاتقا ورىن سايلاپ بەرەدى», دەپ جازادى AMNA اگەنتتىگى. ال بيلەۋشىلەردىڭ «جاڭا دەموكراتيا» دەپ اتالاتىن پارتياسى 27,91 پايىزدىق داۋىسپەن توقتادى. ونىڭ پارلامەنتتەگى ورنى سانى – 76. ءۇشىنشى ورىنعا سايلاۋشىلاردىڭ 6,31 پايىز قولداۋىنا يە بولعان «التىن اراي» پارتياسى ورنالاستى. بۇل وعان زاڭ شىعارۋشى ورگاندا 17 ورىن الۋعا مۇمكىن اپەرەدى. «سيريزاعا» ۇكىمەتتى ءوز بەتىنشە قۇرۋ قۇقىعىنا يە بولۋ ءۇشىن پارلامەنتتە 151 داۋىس الۋ كەرەك ەدى. ەندى سايلاۋدا 13 ورىنعا يە بولعان «تاۋەلسىز گرەكتەر» پارتياسى ونىمەن پارلامەنتتىك كواليتسيا قۇرماقشى بولىپ جاتىر. سول كەزدە الەكسيس تسيپراس باستاعان پارتيا ەمىن-ەركىن قيمىلدايدى. «جاڭا دەموكراتيا» پارتياسىنىڭ ليدەرى, قازىرگى پرەمەر-مينيستر انتنويس ساماراس ءوزىنىڭ باسەكەلەسى الەكسيس تسيپراستى سايلاۋداعى جەڭىسىمەن قۇتتىقتادى. مۇرات ايتقوجا. دەرەك, سۋرەت: ريا «نوۆوستي».