سۋرەت: yuz.uz
وسى تۇرعىدان العاندا عىلىمي-تەحنولوگيالىق حاكاتوندار ءتيىمدى تەتىك بولىپ تۇر. بۇل تەتىك ءوندىرىس, عىلىم وكىلدەرىن جانە شەشىم قابىلدايتىن باسقارۋ قۇرامىن ءبىر پلاتفورماعا بىرىكتىرۋگە مۇمكىندىك بەرەدى. «قازاقمىس كورپوراتسياسى» جاۋاپكەرشىلىگى شەكتەۋلى سەرىكتەستىگىمەن بىرلەسىپ ۇيىمداستىرىلعان عىلىمي-يننوۆاتسيالىق حاكاتوندا بىرقاتار عىلىمي-تەحنولوگيالىق تاقىرىپتار ايقىندالدى. عىلىمنىڭ كۇش-جiگەرi كاسiپورىنداردىڭ ناقتى قولدانبالى قاجەتتىلىكتەرىن شەشۋگە باعىتتالادى. حاكاتون قورىتىندىلارى بويىنشا عىلىمي-تەحنيكالىق قىزمەتتى دامىتۋدىڭ باسىم باعىتتارىن قالىپتاستىرۋدىڭ جاڭا تەتىكتەرى مەن تاسىلدەرى, ناقتى ەكونوميكانىڭ سۇرانىستارى مەن قاجەتتىلىكتەرىن شەشۋ, عىلىم مەن بيزنەستىڭ كووپەراتسياسىن جاقسارتۋ, سونداي-اق جاڭا ءونىم ءوندىرۋ ءۇشىن, ونىڭ ىشىندە ۇلتتىق ەكونوميكا تۇتىنۋشىلارىنىڭ قاجەتتىلىكتەرىن جابۋ ءۇشىن كوممەرتسيالاندىرۋ جوبالارىن ىلگەرىلەتۋ جانە ەكسپورتتىق شەشىمدەر ازىرلەنىپ جاتىر. قازىرگى ۋاقىتتا «ERG», «KazMinerals», «KazAtomProm» سياقتى ءىرى كومپانيالارمەن جانە باسقا دا ونەركاسىپتىك كاسىپورىندارمەن ۇقساس ءىس-شارالاردى ۇيىمداستىرۋ بويىنشا بەلسەندى جۇمىس جۇرگىزىلىپ جاتىر.
سونداي-اق, پرەزيدەنت 102 زاڭ قابىلدانعانىن, ونىڭ ىشىندە عىلىم مەن بيزنەستىڭ ينتەگراتسياسىن تەرەڭدەتۋگە باعىتتالعان كوممەرتسيالاندىرۋ سالاسىنداعى عىلىم قورىنىڭ فۋنكتسيالارىن كەڭەيتكەن «عىلىم جانە تەحنولوگيالىق ساياسات تۋرالى» زاڭنىڭ قابىلدانعانىن ايتتى.
جاڭا فۋنكتسيالار قولدانبالى عىلىمي جوبالاردى ىلگەرىلەتۋ جانە قولداۋ قۇرالدارىن ازىرلەۋگە جانە ىسكە اسىرۋعا مۇمكىندىك بەرەدى. مىسالى, اكسەلەراتسيا جانە ينكۋباتسيا قولدانبالى عىلىمي جوبالاردى جوسپارلاۋ جانە ىسكە اسىرۋ جونىندەگى تاسىلدەردى بيزنەس-باعدارلانعان ورتاعا نەعۇرلىم ورنىقتى ەتە وتىرىپ جانە كاسىپكەرلەرمەن ينتەگراتسيالانۋ مۇمكىندىكتەرىن ارتتىرا وتىرىپ, وزگەرتۋ مۇمكىندىگىن ۇسىنادى. ءوز كەزەگىندە ۆەنچۋرلىك قارجىلاندىرۋدى دامىتۋ تاسىلدەرىن ىسكە اسىرۋ جوبالاردى قارجىلاندىرۋ تىزبەگىن كەڭەيتۋگە مۇمكىندىك بەرەتىن قولداۋدىڭ جاڭا قۇرالىن, ونىڭ ىشىندە deeptech جوبالارىنا ينۆەستيتسيالار تارتۋدىڭ باستاپقى راۋندتارىندا دا, سونداي-اق جاڭا نارىقتارعا ماسشتابتاۋ جانە ەكسپانسيا كەزەڭىندە دە ەنگىزۋگە جاعداي جاسايدى. قابىلدانعان شارالار ەل ەكونوميكاسىنا عىلىمنىڭ ۇلەسىن ارتتىرۋعا سەرپىن بەرەتىنى ءسوزسىز.
2022 جىلدان باستاپ ءبىز قولدانبالى عىلىمي جوبالاردى قارجىلاندىرۋدىڭ تۇراقتى ءوسۋىن بايقاپ وتىرمىز, بۇل وسى سالاداعى تۇراقتى دامۋعا نەگىز بولادى. عالىمدار جوعارى بەلسەندىلىكتى جانە جەكە ينۆەستورلارمەن ساپالى ءوزارا قارىم-قاتىناستى كورسەتىپ جاتىر, سەبەبى ەكونوميكانىڭ باسىم سەكتورلارىنىڭ وتىنىمدەرى بويىنشا جەكە قارجىلاندىرۋدى مىندەتتى تۇردە تارتۋ – قوردىڭ گرانتتىق قارجىلاندىرۋ تالابى. تۇپكىلىكتى ناتيجە عىلىمدى قاجەتسىنەتىن ەكونوميكا ءۇشىن كوپتەگەن وندىرىستەر قۇرۋ, جاڭا جۇمىس ورىندارى, الىس جاقىن شەت ەلدەرگە ەكسپورتتى جۇزەگە اسىرۋدان كورىنەدى.
كاميل اقاتوۆ,
«عىلىم قورى» اق باسقارما توراعاسى
