اتالعان گرانت 2021 جىلدان باستاپ مەملەكەت باسشىسىنىڭ باستاماسىمەن دارىندى جاستاردى قولداۋ ماقساتىندا بەرىلىپ كەلەدى. گرانت مولشەرى – 3 ملن تەڭگە. وعان كونكۋرستىق نەگىزدە 14 جاستان 35 جاسقا دەيىنگى (34 جاستى قوسا العاندا) ازاماتتار ۇمىتكەر بولا الادى.
جالپى, رەسمي ستاتيستيكا دەرەكتەرىنە سۇيەنسەك, جىل باسىندا رەسپۋبليكا جاستارىنىڭ سانى (14-35 جاس) 5 759 781 ادامدى نەمەسە حالىقتىڭ جالپى سانىنىڭ 30%-ىن قۇرادى (2022 جىلى – 3 833 435 ادام, 2023 جىل – 5 726 629 ادام), ونىڭ ىشىندە 2 937 229 ەر ادام جانە 2 822 552 ايەل.
بريفينگ بارىسىندا قايرات قامباروۆ ۆولونتەرلىكتى قولداۋ ءۇشىن 2024 جىلدان باستاپ قوسىمشا «ۆولونتەرلىك» باعىتى قاراستىرىلعانىن ايتتى.
«2021 جىلدان باستاپ مەملەكەت باسشىسىنىڭ باستاماسىمەن جىل سايىن جاستارعا 3 ملن تەڭگە مولشەرىندە «عىلىم», «مادەنيەت», «اقپاراتتىق تەحنولوگيالار», «بيزنەس» جانە «مەديا» باعىتتارى بويىنشا «تاۋەلسىزدىك ۇرپاقتارى» گرانتى بەرىلەدى. گرانت بەرۋدىڭ ماقساتى – جاستاردىڭ بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاڭا جانە قازىرگى كەزدەگى باستامالارىن مەملەكەتتىك قولداۋ. 2021 جىلدان باستاپ 93 جاس ازامات رەسپۋبليكالىق دەڭگەيدە «تاۋەلسىزدىك ۇرپاقتارى» گرانتىنىڭ يەگەرى اتاندى. اتاپ ايتقاندا, 2021 جىلى – 30 ادام, 2022 جىلى – 33 ادام, 2023 جىلى – 30 ادام. بيىلدان باستاپ ەلىمىزدەگى ۆولونتەرلىك سالانى قولداۋ ماقساتىندا گرانت باعىتتارىنىڭ تىزبەسىندە قوسىمشا «ۆولونتەرلىك» كوزدەلگەن. وسىلايشا, 2024 جىلدان باستاپ گرانت 6 باعىت بويىنشا بەرىلەتىن بولادى», دەدى ق.قامباروۆ.
جالپى, گرانت يەگەرلەرىن انىقتاۋ ەكى كەزەڭ بويىنشا جۇرگىزىلەدى. كونكۋرسقا وتىنىمدەردى قابىلداۋ 5 تامىزدان 6 قازانعا دەيىن جالعاسادى. قازىرگى ۋاقىتتا كونكۋرستىق راسىمدەر بويىنشا جۇمىستار جۇرگىزىلىپ جاتىر.
سونداي-اق جيىن بارىسىندا «تاۋەلسىزدىك ۇرپاقتارى» گرانتىنىڭ يەگەرلەرى ءوز باستامالارى تۋرالى ايتىپ بەردى. ماسەلەن, جاندوس اقتاەۆتىڭ جوباسى قولجەتىمدى تىلدە حالىقتىڭ بازالىق قۇقىقتىق ساۋاتتىلىعىن ارتتىرۋ بويىنشا اقپاراتتىق كونتەنت قۇرۋعا ارنالعان. ال 2023 جىلعى «تاۋەلسىزدىك ۇرپاقتارى» گرانتىنىڭ يەگەرى ارايلىم سەرىكباي گرانتتىق قاراجاتقا «عىلىم» باعىتى بويىنشا زاماناۋي جاسىل اگروتەحنولوگيالارى پايدالانىلعان «EcoTagam» يننوۆاتسيالىق وتاندىق ەكوپرودۋكتسيالار ورتالىعىن اشتى.
دارىندى جاستاردىڭ جاڭا يدەيالارى مەن ءتۇرلى جوباسىن ىسكە اسىرۋ ماقساتىندا «تاۋەلسىزدىك ۇرپاقتارى» گرانتىن بەرۋ 2029 جىلعا دەيىن جوسپارلانىپ وتىر.
