فوتو: primeminister.kz
«قازاقستاننىڭ جانە كسرو-نىڭ حالىق ءارتىسى, اتى اڭىزعا اينالعان ءانشى بيبىگۇل تولەگەنوۆنى Air Astana اۋە كومپانياسىنىڭ بورتىنا وتىرعىزۋ كەزىندە بولعان وتە ىڭعايسىز جاعداي مەنى دە قاتتى الاڭداتتى. اۋە كومپانياسى بۇل ماسەلە قاتىستى تۇسىنىكتەمە بەرىپ, اۋە قاۋىپسىزدىگىنىڭ حالىقارالىق ەرەجەلەرى ەسكە سالدى. ارينە, ۇشاقتىڭ جانە جولاۋشىلاردىڭ قاۋىپسىزدىگىن قامتاماسىز ەتۋگە ارنالعان ەرەجەلەر قاتاڭ ساقتالۋعا ءتيىس», دەدى ايدا بالاەۆا.
دەگەنمەن, مينيستر بۇل جاعدايعا بايلانىستى ءوز ويىن بىلدىرگىسى كەلەتىنىن ايتتى.
«ناقتىراق ايتقاندا, اۋە كومپانياسى مەن ونىڭ قىزمەتكەرلەرى ىشكى نۇسقاۋلىقتاردان بولەك, قاراپايىم ەتيكانى, ادامي قارىم-قاتىناستى ساقتاپ, ءوز كليەنتتەرىنە قۇرمەتپەن قاراۋى كەرەك دەپ ەسەپتەيمىن. اسىرەسە, جاسى ۇلكەن جولاۋشىلارعا, وتان الدىندا ايرىقشا ەڭبەگى بار ادامدارعا ەرەكشە قۇرمەت كورسەتىلۋگە ءتيىس. ويتكەنى اعا بۋىنعا قۇرمەت – تاربيە مەن ىشكى مادەنيەت ماسەلەسى. ال قازاق ونەرىنىڭ بۇلب ۇلى, ونەر مايتالمانى بيبىگۇل احمەتقىزىنا زور دەنساۋلىق, ۇزاق ءومىر مەن سارقىلماس كۇش-جىگەر تىلەيمىن!», دەپ جازدى ايدا بالاەۆا.
ايتا كەتەيىك, كەلەڭسىز وقيعا 2024 جىلدىڭ 3 قىركۇيەگىندە استانادان الماتىعا ۇشاتىن Air Astana 852 رەيسىندە بولعان.
پروديۋسەر لەكا ساۆەلەۆا اتالعان اۋەكومپانيا قىزمەتكەرى بيبىگۇل تولەگەنوۆاعا دورەكىلىك تانىتقانىن مالىمدەگەن ەدى.
