كومپانيا ءشوپ شابۋ ءۇشىن 200-گە جۋىق ەشكى اسىراپ العان دەسەدى. بۇل ءشوپ شاباتىن ماشينالارعا دەگەن قاجەتتىلىكتى ازايتادى. قاتتى شۋ شىعاراتىن, اۋانى لاستايتىن ماشينالاردى پايدالانۋدىڭ ورنىنا, كومپانيا ەشكىنى تاڭداعان. اۋماقتى ۇقىپتى ۇستاۋدىڭ ەكولوگيالىق تازا ءتاسىلى كوپتى تاڭداندىردى.
كوپەرنيكتىڭ كومپاسى
پولشادا جەراستى تۋننەلىنەن نيكولاي كوپەرنيكتىڭ كومپاسى مەن تسيركۋلى تابىلدى. XVI عاسىرعا تيەسىلى ولجالار فرومبورك قالاسىنىڭ شىركەۋ باقتارىندا 500 جىل كومۋلى جاتقان.
كوپەرنيك ءومىرىنىڭ كوپ بولىگىن فرومبوركتە وتكىزدى ءارى ءبىراز ۋاقىت فرومبورك سوبورىنىڭ ءدىني قىزمەتكەرى بولدى. «بۇل تۇجىرىمنىڭ تاريحي ماڭىزى زور, ويتكەنى كومپاس – كوپەرنيكتىڭ پراكتيكالىق عىلىمي جۇمىسىنىڭ تىكەلەي دالەلدەرىنىڭ ءبىرى», دەيدى فرومبورك مۇراسىن زەرتتەيتىن ميحال انتچاك.
تەسلانىڭ تاكسيى
«Tesla» روبوت-تاكسي شىعاردى. تۇساۋكەسەر «Warner Bros» ستۋدياسىندا وتەدى.
باستاپقىدا «robo-taxi» پرەزەنتاتسياسى تامىز ايىنا جوسپارلانعان بولاتىن. ديزاينعا وزگەرىستەر ەنگىزۋ ءۇشىن كەيىنگە قالدىرىلدى. كولىك تۋرالى ازىرگە مالىمەت از. جاڭالىق «Cybertrack»-كە ۇقساس بولادى دەگەن بولجام بار. بىراق رۋل مەن پەدال جوق. جەتكىزۋ قىزمەتىنىڭ قۇنى ءالى ايتىلمادى. ءبىر بىلەرىمىز, ادامداردى روبوت تاسيتىن بولادى.
