استانا. 24 قاڭتار. بۇكىلالەمدىك بوكس سەرياسىندا ەل نامىسىن قورعايتىن «استانا ارلاندارى» قوناقتا «پولشا اتتى اسكەرلەرىمەن» («HussarsPoland») جەكپە-جەك وتكىزىپ, 3:2 ەسەبىمەن جەڭىسكە جەتتى. بۇل تۋرالى egemen.kz حابارلادى.
تارتىس پولشانىڭ ليۋبين قالاسىندا ءوتتى. الدىمەن شارشى الاڭعا 52 كيلو سالماق دارەجەسىندەگى بوكسشىلار كوتەرىلدى. «ارلاندار» ساپىنان ولجاس ساتتىباەۆ شىقسا, الاڭ قوجايىندارى زامزا تۋبا ەسىمدى ساڭلاقتارىنا سەنىم ارتىپتى. «ءا» دەگەننەن ولجاس تىزگىندى قولىنا الدى. ءتىپتى, ءوز ۇيىندە ايقاسىپ جاتقانداي ساتتىباەۆ تۋبانىڭ تۇگىن قالدىرمادى. ناتيجەسىندە, تورەشىلەر قۇرامى ءبىراۋىزدان قازاق جىگىتىنىڭ جەڭىسىن مويىنداپ, قورجىنىمىزعا العاشقى ۇپايدى سالدى. قوس بوكسشى اراسىنداعى رەسمي كورسەتكىشكە كەلەر بولساق,ولجاس 3:0 (50:45, 48:47, 49:46) ەسەبىمەن باسىم ءتۇستى. ساتتىباەۆ وتكەن جىلعى ەل بىرىنشىلىگىندە توپ جارىپ, وسىنداي سىن ساعاتتا وزىنە سەنىم ارتۋعا بولاتىنىن دالەلدەگەن بوكسشى.
كەلەسى بولىپ 60 كيلوداعى بوكسشىلارعا كەزەك كەلدى. بۇل سالماقتا ءبىزدىڭ نامىسىمىزدى زاكىر سافيۋللين قورعادى. پولشالىقتار وعان قارسى سان مارتە ءوز ەلىنىڭ ۇزدىگى اتانعان داۆيد ميحەلۋس ەسىمدى مىقتىنى دايىنداپتى. زاكىر «ارلاندار» قاتارىنا جاقىندا قوسىلدى. سوندىقتان بۇل ونىڭ رەسمي جارىستارداعى العاشقى جەكپە-جەگى. ال ميحەلۋس كاسىپقوي رينگتە توسەلىپ قالعان بوكسشى. دەگەنمەن, ءبىزدىڭ «ارلان» قارسىلاسىنىڭ اتاق-داڭقىنان ەش قايمىققان جوق. الايدا, تورەشىلەردىڭ شەشىمىمەن جەڭىس «اتتى اسكەردىڭ» ەنشىسىندە كەتىپ, تارازى باسى تەڭەستى. بۇل تارتىستا دا 3:0 (48:47, 48:47, 48:47) ەسەبى تىركەلدى. تەك ءبىزدىڭ پايدامىزعا ەمەس.
ءۇشىنشى بولىپ 69 كيلوداعى ساڭلاقتار سايىس الاڭىنا شىقتى. اتالعان سالماقتا «ارلاندار» قاتارىندا الەم چەمپيونى (الماتى, 2013 ج.) دانيار ەلەۋسىنوۆتىڭ دە بار ەكەنى بەلگىلى. دەگەنمەن, وسى جولى ماماندار پولشاعا ماديار اشكەەۆتى اپارۋدى ۇيعارىپتى. ماديار قارسىلاسى ستيۆەن دجەرارد دونەلليمەن سوڭعى ساتكە دەيىن جۇدىرىقتاسقانىمەن, پولشالىقتىڭ شەبەرلىگى ءبىر ساتى جوعارى تۇردى. سوعان سايكەس, تورەشىلەر بۇل سايىستا دونەلليدىڭ پايداسىنا 3:0 (48:47, 49:46, 49:46) ەسەبىن تىركەدى. ياعني, جالپى ەسەپتە الاڭ يەلەرى 2:1 ەسەبىمەن العا شىقتى.
ەگەر ءبىزدىڭ جىگىتتەر بۇل كەزدەسۋدە جەڭىلىس تابار بولسا, وتاندىق بوكسسۇيەر قاۋىمعا اۋىر تيەر ەدى. سەبەبى, ولار مارات جاكيەۆ جاتتىقتىراتىن كوماندامىزدىڭ «اتتى اسكەرلەردەن» وڭاي ايلاسىن اسىراتىنىنا بەك سەنىمدى بولعان. جانكۇيەرلەردىڭ سول سەنىمىن «ارلاندار» ساپىنداعى قوس لەگيونەرىمىز اقتادى. الدىمەن 81 كيلوداعى حرۆوە سەپ قارسىلاسى ماتەۋش ترىتستى جەڭدى. اتالمىش جەكپە-جەكتە ترىتستىڭ تەك سوڭعى كەزەڭدەردە عانا وسالدىق تانىتىپ, تىزگىندى حرۆوەگەبەرىپ قويعانىن ايتا كەتەيىك. بەرىلگەن مۇمكىندىكتى ءمۇلت جىبەرمەگەن حورۆاتيادان كەلگەن «ارلان» تارتىستى 2:1 (47:48, 48:47, 48:47) ەسەبىمەن ءوز پايداسىنا اياقتادى.
وسىمەن قوس كوماندا اراسىنداعى جەكپە-جەكتە ەكىنشى رەت تارازى باسى تەڭەستى. ياعني, اسا اۋىر سالماقتاعى (+91 كيلو) سوڭعى شايقاس شەشۋشى بولماق. سول سەبەپتى, قوس تاراپ تا وزدەرى سەنىم ارتقان سپورتشىلارىنا اقىل-كەڭەستەرىن ايتىپ, شارشى الاڭعا قويا بەردى. ءبىزدىڭ جاقتان حرۆوەنىڭ وتانداسى فيليپپ حرگوۆيچ شىقتى. قارسى تاراپتىڭ نامىسىن پاۆەل ۆەرجبيتسكي ەسىمدى بوكسشى قورعادى. جانكۇيەرلەر «قوس الىپتىڭ تارتىسى», «ناعىز شايقاس ەندى بولادى» دەپ تاقىم قىسىپ, قيقۋعا باسقانىمەن, حرگوۆيچ ولاردىڭ سەنىمدەرىن سۋ سەپكەندەي باستى. سەبەبى, جارىس جولىنا شىعا سالىسىمەن تىزگىنگە يە بولعان «ارلانىمىز» ۆەرجبيتسكيدى بىلگەنىنەن جاڭىلدىردى. بارلىق كەزەڭدە دە باسىم بولعان فيليپپ 3:0 (50:44, 50:43, 50:44) ەسەبىمەن جەڭىسكە جەتىپ, كوماندامىزعا ماڭىزدى جەڭىس سىيلادى.
جاڭا ماۋسىمدى قاتارىنان ەكى جەڭىسپەن باستاعان «استانا ارلاندارى» قازىرگى تاڭدا 6 ۇپايمەن ءوز توبىندا كوش باستاپ تۇر. كەلەسى جەكپە-جەك 31 قاڭتار كۇنى سىرت الاڭدا ازەربايجاندىق «باكۋ وتتارى» كومانداسىنا قارسى وتەدى.
ەلامان قوڭىر.
دەرەك: egemen.kz.
سۋرەت: facebook.com.
استانا. 24 قاڭتار. بۇكىلالەمدىك بوكس سەرياسىندا ەل نامىسىن قورعايتىن «استانا ارلاندارى» قوناقتا «پولشا اتتى اسكەرلەرىمەن» («HussarsPoland») جەكپە-جەك وتكىزىپ, 3:2 ەسەبىمەن جەڭىسكە جەتتى. بۇل تۋرالى egemen.kz حابارلادى.
تارتىس پولشانىڭ ليۋبين قالاسىندا ءوتتى. الدىمەن شارشى الاڭعا 52 كيلو سالماق دارەجەسىندەگى بوكسشىلار كوتەرىلدى. «ارلاندار» ساپىنان ولجاس ساتتىباەۆ شىقسا, الاڭ قوجايىندارى زامزا تۋبا ەسىمدى ساڭلاقتارىنا سەنىم ارتىپتى. «ءا» دەگەننەن ولجاس تىزگىندى قولىنا الدى. ءتىپتى, ءوز ۇيىندە ايقاسىپ جاتقانداي ساتتىباەۆ تۋبانىڭ تۇگىن قالدىرمادى. ناتيجەسىندە, تورەشىلەر قۇرامى ءبىراۋىزدان قازاق جىگىتىنىڭ جەڭىسىن مويىنداپ, قورجىنىمىزعا العاشقى ۇپايدى سالدى. قوس بوكسشى اراسىنداعى رەسمي كورسەتكىشكە كەلەر بولساق,ولجاس 3:0 (50:45, 48:47, 49:46) ەسەبىمەن باسىم ءتۇستى. ساتتىباەۆ وتكەن جىلعى ەل بىرىنشىلىگىندە توپ جارىپ, وسىنداي سىن ساعاتتا وزىنە سەنىم ارتۋعا بولاتىنىن دالەلدەگەن بوكسشى.
كەلەسى بولىپ 60 كيلوداعى بوكسشىلارعا كەزەك كەلدى. بۇل سالماقتا ءبىزدىڭ نامىسىمىزدى زاكىر سافيۋللين قورعادى. پولشالىقتار وعان قارسى سان مارتە ءوز ەلىنىڭ ۇزدىگى اتانعان داۆيد ميحەلۋس ەسىمدى مىقتىنى دايىنداپتى. زاكىر «ارلاندار» قاتارىنا جاقىندا قوسىلدى. سوندىقتان بۇل ونىڭ رەسمي جارىستارداعى العاشقى جەكپە-جەگى. ال ميحەلۋس كاسىپقوي رينگتە توسەلىپ قالعان بوكسشى. دەگەنمەن, ءبىزدىڭ «ارلان» قارسىلاسىنىڭ اتاق-داڭقىنان ەش قايمىققان جوق. الايدا, تورەشىلەردىڭ شەشىمىمەن جەڭىس «اتتى اسكەردىڭ» ەنشىسىندە كەتىپ, تارازى باسى تەڭەستى. بۇل تارتىستا دا 3:0 (48:47, 48:47, 48:47) ەسەبى تىركەلدى. تەك ءبىزدىڭ پايدامىزعا ەمەس.
ءۇشىنشى بولىپ 69 كيلوداعى ساڭلاقتار سايىس الاڭىنا شىقتى. اتالعان سالماقتا «ارلاندار» قاتارىندا الەم چەمپيونى (الماتى, 2013 ج.) دانيار ەلەۋسىنوۆتىڭ دە بار ەكەنى بەلگىلى. دەگەنمەن, وسى جولى ماماندار پولشاعا ماديار اشكەەۆتى اپارۋدى ۇيعارىپتى. ماديار قارسىلاسى ستيۆەن دجەرارد دونەلليمەن سوڭعى ساتكە دەيىن جۇدىرىقتاسقانىمەن, پولشالىقتىڭ شەبەرلىگى ءبىر ساتى جوعارى تۇردى. سوعان سايكەس, تورەشىلەر بۇل سايىستا دونەلليدىڭ پايداسىنا 3:0 (48:47, 49:46, 49:46) ەسەبىن تىركەدى. ياعني, جالپى ەسەپتە الاڭ يەلەرى 2:1 ەسەبىمەن العا شىقتى.
ەگەر ءبىزدىڭ جىگىتتەر بۇل كەزدەسۋدە جەڭىلىس تابار بولسا, وتاندىق بوكسسۇيەر قاۋىمعا اۋىر تيەر ەدى. سەبەبى, ولار مارات جاكيەۆ جاتتىقتىراتىن كوماندامىزدىڭ «اتتى اسكەرلەردەن» وڭاي ايلاسىن اسىراتىنىنا بەك سەنىمدى بولعان. جانكۇيەرلەردىڭ سول سەنىمىن «ارلاندار» ساپىنداعى قوس لەگيونەرىمىز اقتادى. الدىمەن 81 كيلوداعى حرۆوە سەپ قارسىلاسى ماتەۋش ترىتستى جەڭدى. اتالمىش جەكپە-جەكتە ترىتستىڭ تەك سوڭعى كەزەڭدەردە عانا وسالدىق تانىتىپ, تىزگىندى حرۆوەگەبەرىپ قويعانىن ايتا كەتەيىك. بەرىلگەن مۇمكىندىكتى ءمۇلت جىبەرمەگەن حورۆاتيادان كەلگەن «ارلان» تارتىستى 2:1 (47:48, 48:47, 48:47) ەسەبىمەن ءوز پايداسىنا اياقتادى.
وسىمەن قوس كوماندا اراسىنداعى جەكپە-جەكتە ەكىنشى رەت تارازى باسى تەڭەستى. ياعني, اسا اۋىر سالماقتاعى (+91 كيلو) سوڭعى شايقاس شەشۋشى بولماق. سول سەبەپتى, قوس تاراپ تا وزدەرى سەنىم ارتقان سپورتشىلارىنا اقىل-كەڭەستەرىن ايتىپ, شارشى الاڭعا قويا بەردى. ءبىزدىڭ جاقتان حرۆوەنىڭ وتانداسى فيليپپ حرگوۆيچ شىقتى. قارسى تاراپتىڭ نامىسىن پاۆەل ۆەرجبيتسكي ەسىمدى بوكسشى قورعادى. جانكۇيەرلەر «قوس الىپتىڭ تارتىسى», «ناعىز شايقاس ەندى بولادى» دەپ تاقىم قىسىپ, قيقۋعا باسقانىمەن, حرگوۆيچ ولاردىڭ سەنىمدەرىن سۋ سەپكەندەي باستى. سەبەبى, جارىس جولىنا شىعا سالىسىمەن تىزگىنگە يە بولعان «ارلانىمىز» ۆەرجبيتسكيدى بىلگەنىنەن جاڭىلدىردى. بارلىق كەزەڭدە دە باسىم بولعان فيليپپ 3:0 (50:44, 50:43, 50:44) ەسەبىمەن جەڭىسكە جەتىپ, كوماندامىزعا ماڭىزدى جەڭىس سىيلادى.
جاڭا ماۋسىمدى قاتارىنان ەكى جەڭىسپەن باستاعان «استانا ارلاندارى» قازىرگى تاڭدا 6 ۇپايمەن ءوز توبىندا كوش باستاپ تۇر. كەلەسى جەكپە-جەك 31 قاڭتار كۇنى سىرت الاڭدا ازەربايجاندىق «باكۋ وتتارى» كومانداسىنا قارسى وتەدى.
ەلامان قوڭىر.
دەرەك: egemen.kz.
سۋرەت: facebook.com.
