ءمۇسىن اۆتورى – قاشار كەنتىنىڭ تۇرعىنى, كەن بايىتۋ سالاسىندا جۇمىس ىستەيتىن قولونەر شەبەرى بۇركىت كەرىمباەۆ.
«ارعى اتالارىم زەرگەر, ۇستا كىسىلەر بولعان. قاندا بار قابىلەت بولسا كەرەك, ارنايى كاسىبي ءبىلىم العان ادام ەمەسپىن. وزبەكستاننان قونىس اۋدارعان جىلدارى تارازدىڭ ماڭىنداعى قاراتاۋ دەگەن شاعىن قالاشىقتا 7 جىل تۇردىم. تۇراقتى جۇمىسىم بولماعان سوڭ, اسىق, كيىز ءۇي, ساندىق, ۇكى, ايۋ كەيپىندەگى نەشە ءتۇرلى تيىن-تەبەن جيناعىش كادەسىيلار جاساپ ساتتىم. تازا بىلعارىدان ءاميان, باسقا دا بۇيىمدار جاسايمىن. بىلعارى بۇيىمداردىڭ سىرتىنا ويىپ سۋرەت سالىپ, بەزەندىرەمىن. تاپسىرىس بويىنشا قامشى ورەمىن. ال جاستايىمنان ماشىقتانعان نەگىزگى كاسىبىم – تۇيەكەش», دەيدى قولونەر شەبەرى.
قاشار تۇرعىندارى ۇستا دەپ اتاپ كەتكەن بۇركىت اعامىز الاش كوسەمىنىڭ ءمۇسىنىن قالىپتاۋعا تۋرا ءبىر اي ۋاقىت جۇمساپتى. ءمۇسىن گيپستەن جاسالعان.
قوستانايداعى ءاليحان بوكەيحان اتىنداعى مەكتەپ ديرەكتورى جانار اسانقىزىنىڭ ايتۋىنشا, ءبيۋستىڭ استىڭعى تۇعىرى اسحات ىبىراەۆ ەسىمدى جيھاز شەبەرىنىڭ قولىنان شىققان. ءمۇسىننىڭ اشىلۋ سالتاناتىنا حالىق كوپ جينالىپ, سوڭى ءاليحان بوكەيحاننىڭ قايراتكەرلىگى مەن اسىل مۇراسىنا ارنالعان عىلىمي كونفەرەنتسياعا ۇلاسقان.
«اسحات دەگەن شەبەر ءارى كاسىپكەر جىگىت ءبىراز جيھاز جاساپ, مەكتەپكە سىيعا تارتقان. سوعان حابارلاسىپ, ء«مۇسىننىڭ استىنا اعاشتان ادەمىلەپ تۇعىر جاساپ بەرە الاسىڭ با؟ قۇنى قانشا بولادى؟» دەپ ەدىك. ول ء«اليحانداي ارىستىڭ ءمۇسىنىن ورناتامىن دەسەڭىز, تەگىن جاساپ بەرەمىن», دەپ قۋانتىپ تاستادى. الداعى ۋاقىتتا الاش كوسەمىنىڭ اتىنداعى مەكتەپ مۋزەيىن اشقىمىز كەلەدى», دەيدى جانار اسانقىزى.
قوستاناي وبلىسى
