قاتىسۋشىلارعا قىمىز قوسىلعان توقاش پەن شۇباتتان جاسالعان بالمۇزداق دايىنداۋ بويىنشا شەبەرلىك ساباعى وتكىزىلدى.
بيزنەس-جوسپارلاۋ باعىتىنداعى ترەنينگتە گەندەرلىك كوزقاراس ەسكەرىلە وتىرىپ, بالامالى قىزمەت تۇرلەرى مەن ءتۋريزمدى دامىتۋعا ەرەكشە نازار اۋدارىلدى. اتالعان جوبا جەرگىلىكتى تۇرعىندارعا اۋىلدى جەرلەردە ءتيىمدى تۋريستىك بيزنەس قۇرىپ, دامىتۋ ءۇشىن قاجەتتى داعدىلاردى ۇيرەتۋدى ماقسات ەتەدى.
ال قاتىسۋشىلار وسى سالادا تابىستى بيزنەس-جوسپار جاساۋ بويىنشا ءبىلىم الىپ, پراكتيكالىق قۇرالداردى مەڭگەردى. بۇل ولاردىڭ كىرىستەرىن ارتتىرىپ قانا قويماي, ايماقتىڭ تۇراقتى دامۋىنا ىقپال ەتەتىنى ءسوزسىز.
ء«بىز ءتۋريزمدى دامىتۋ باعىتىنداعى ترەنينگتەر وتكىزىپ, جەرگىلىكتى تۇرعىندارعا قوناقۇيلەر تۋرالى اقپارات بەرەمىز. كادەسىيلاردى قالاي ساتۋ كەرەك ەكەنىن جانە تۋريستەردىڭ ولاردان نە كۇتەتىنىن تۇسىندىرەمىز. ءىس-شارا بارىسىندا گەستحاۋس سالعىسى كەلەتىن بىرنەشە ادام دا تابىلدى. بۇل باعىتتاعى جۇمىس ءسوزسىز جالعاسادى, ويتكەنى جەرگىلىكتى حالىق بۇعان ۇلكەن قىزىعۋشىلىق تانىتىپ, ەكوتۋريزمدى دامىتۋعا ۇلەس قوسقىسى كەلەدى», دەيدى ترەنەر اجار بايباكيشەۆا.
سونىمەن قاتار وتكەن ترەنينگتەردىڭ ناتيجەلەرىن تالقىلاۋ, ۇلىتاۋ وڭىرىندە جەرگىلىكتى قوعامداستىقتى جۇمىلدىرۋ جانە جۇمىسپەن قامتۋدى ارتتىرۋ ستراتەگياسىنىڭ تيىمدىلىگىن تالداۋ ماقساتىندا دوڭگەلەك ۇستەل ۇيىمداستىرىلدى. قاتىسۋشىلار تۋريزم تاقىرىبىنداعى نەگىزگى ماسەلەلەردى تالقىلادى. جاڭا تۋريستىك باعىتتار مەن نىساندار قۇرۋ, تۋريستەردى كوبىرەك تارتۋ ءۇشىن ماركەتينگتىك اكتسيالار وتكىزۋ سياقتى جوبانى ودان ءارى دامىتۋ ءىس-شارالارى دا ايتىلدى.
