مەملەكەت باسشىسى جولداۋدا اتاپ وتكەن نەگىزگى 9 ستراتەگيالىق باعىتتا اقشا-نەسيە ساياساتى مەن فيسكالدى ساياساتتىڭ اراسىنداعى ۇيلەسىمسىزدىكتى جويۋ, ينۆەستيتسيالىق احۋالدى جانە بيزنەس جۇرگىزۋگە قاجەتتى جاعدايدى جاقسارتۋ جولىندا ۇزدىكسىز جۇمىس ىستەۋ, ەلىمىزدىڭ ونەركاسىپ الەۋەتىن تولىق پايدالانۋ ءۇشىن جان-جاقتى شارالار قابىلداۋ, ينفراقۇرىلىمعا قاتىستى وزەكتى ماسەلەلەردى شەشۋ, ەلىمىزدىڭ كادرلىق الەۋەتىن بىرتىندەپ ارتتىرۋ, ۇلت ساۋلىعىن نىعايتۋ ءۇشىن كەشەندى شارالاردى قولعا الىپ, حالىقتى الەۋمەتتىك قولداۋ جۇيەسىن جاڭعىرتۋ, ەكولوگيالىق احۋالدى جاقسارتۋ, مەملەكەتتىك باسقارۋ ءىسىنىڭ تيىمدىلىگىن بارىنشا ارتتىرۋ, سونداي-اق قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ جايىندا كەڭ كولەمدى باستامالارىن ورتاعا سالدى.
بۇل باعىتتار بويىنشا اتقارىلۋى كوزدەلگەن جۇمىستاردىڭ دەنى كەيىنگى بەس جىلدا ەلىمىزدە قولعا الىنعان اۋقىمدى رەفورمالىق ساياساتتىڭ جالعاسى سانالادى. اتقارىلعان جۇيەلى جۇمىستىڭ ناتيجەسىندە ءتيىستى العىشارتتار جاساۋ ارقىلى وسى ستراتەگيالىق باعىتتاردى جۇزەگە اسىرۋ مۇمكىندىگى تۋدى.
جولداۋ بارىسىندا اتالعان تەزيستەردىڭ اراسىنان اەس سالۋ بويىنشا رەفەرەندۋم مەرزىمىنىڭ انىقتالعانى ەڭ ماڭىزدى شەشىم بولعانى انىق. دەسە دە, ەلىمىزدىڭ ەنەرگەتيكالىق قاۋىپسىزدىگىن اەس سالۋ ارقىلى شەشۋدىڭ دۇرىس-بۇرىسىن وتانداستارىمىز كەيىنگى ءبىر جىل بويى قىزۋ تالقىلاپ كەلدى. ەندى شەشىم قابىلداۋ كەزەڭى تۋدى. بۇل تاڭداۋ ارقىلى حالقىمىزدىڭ اۋىزبىرشىلىگى ايقىن كورىنەرىنە سەنىمدىمىن.
مەملەكەت باسشىسىنىڭ وسى تۇرعىدان: ء«بىزدىڭ ۇزاق مەرزىمگە ارنالعان دامۋ جولىمىز ايقىن. بيىك ماقساتتارىمىز بار. وعان جەتۋ ءۇشىن, ەڭ الدىمەن, ەل بىرلىگىن ساقتاي ءبىلۋىمىز كەرەك. ءبىر-بىرىمىزگە قولداۋ ءبىلدىرىپ, قۇرمەت كورسەتۋىمىز قاجەت», دەپ اتاپ ءوتۋى بەكەر ەمەس.
الىشەر ساتۆالديەۆ,
سەنات دەپۋتاتى
