استانا. 24 قاڭتار. باسكەتبولدان ۆتب بىرىڭعاي ليگاسىنىڭ 17-تۋر اياسىندا ەلوردالىق «استانا» ءوز الاڭىندا رەسەيلىك «ەنيسەيدى» قابىلداپ, 86:95 ەسەبىمەن ەسە جىبەردى. بۇل تۋرالى bcastana.kz حابارلادى.
ويىن سالعان جەردەن قوناقتاردىڭ باسىمدىعىمەن باستالدى. ەسەپتى اشقان دا «ەنيسەي» باسكەتبولشىلارى. قازاقستاندىق كوماندا قانشا شابۋىلداعانىمەن قارسىلاستار قورعانىستا سىر الدىرمادى. ناتيجەسىندە, العاشقى شيرەك «ەنيسەيدىڭ» باسىمدىعىمەن اياقتالدى. ەسەپ 19:24.
ەكىنشى شيرەكتە الاڭ قوجايىندارى قوناقتار ساپىنداعى قوس امەريكالىق لەگيونەر دونەلل كۋپەر مەن تەرريكو ۋايتقا ەرەكشە كوڭىل ءبولىپ, جەكە باقىلاۋعا الدى. سەبەبى, العاشقى كەزەڭدە كوماندانىڭ نەگىزگى ۇيلەستىرۋشىلەرى وسى ەكى ويىنشى بولعان ەدى. دەگەنمەن, الەكساندر ءتريفۋنوۆيچتىڭ شاكىرتتەرى بۇل ارەكەتتەن ايتارلىقتاي ناتيجە شىعارا المادى. ەسەسىنە, اتتارى اتالعان قوس ويىنشى ءبىزدىڭ باسكەتبولشىلاردى قاپى قالدىرىپ, كومانداسىنىڭ ۇپاي سانىن مولايتا بەردى. تەك ۇلكەن ۇزىلىسكە ساناۋلى مينۋتتار قالعان كەزدە استانالىقتار ءوز ويىن ورنەگىن تاۋىپ, كەزەڭدى 43:40 ەسەبىمەن ءوز پايدالارىنا اياقتادى.
كەلەسى كەزەڭدە قوناقتاردىڭ باسىمدىعى ايقىن سەزىلدى. اسىرەسە, كۋپەر, ۋايت, كيكانوۆيچ جانە لەشيچ تورتتىگى تاماشا ۇندەستىك تاۋىپ, بىرنەشە ماڭىزدى ۇپايدى قورجىندارىنا سالدى. ءوز كەزەگىندە, ءبىزدىڭ كومانداعا سوڭعى شەشۋشى كەزەڭگە ءۇمىت ارتۋدان باسقا امال قالمادى. سەبەبى, بۇل كەزەڭدە «ەنيسەي» 58:71 ەسەبىمەن ۇزاپ كەتكەن ەدى.
وكىنىشكە قاراي, ءتورتىنشى شيرەكتە دە ويىنداعى جاعداي وزگەرىسسىز قالىپ, تورەشى ىسقىرىعى ەستىلگەن ساتتە تابلودا «ەنيسەيدىڭ» پايداسىنا 86:95 ەسەبى كورسەتىلىپ تۇردى.
ويىننىڭ باستى قاھارمانى رەتىندە «ەنيسەي» ساپىنداعى د.كۋپەر تانىلدى. ول وسى ويىندا 13 ۇپاي جيناپ قانا قويماي, 23 ناتيجەلى پاس شىعاردى. ال بۇل ۆتب ليگاسىنىڭ جاڭا رەكوردى. وسىلايشا, «سارىارقا» ۆەلوترەگىندە ليگانىڭ كەزەكتى رەكوردى تىركەلدى.
ويىن بارىسىندا ەڭ كوپ ۇپاي جيعان ويىنشى دا كراسنويارسكىدەن كەلگەن كوماندادا وينايدى. كۋپەردىڭ وتانداسى ت.ۋايت بۇل كەزدەسۋدە 33 ۇپاي جيعان. «استانا» ساپىنان ەڭ مەرگەن ويىنشى ەسەبىندە نيك كانەر-مەدليدىڭ ەسىمى اتالدى. ونىڭ ەنشىسىندە 31 ۇپاي.
ايتا كەتەر جايت, العاشقى اينالىمدا قوس كوماندا اراسىنداعى ويىن «استانانىڭ» جەڭىسىمەن اياقتالعان بولاتىن. «ەنيسەيدىڭ» الاڭىندا وتكەن سول تارتىستا ءبىزدىڭ كوماندا 81:83 ەسەبىمەن جەڭىسكە جەتكەن ەدى. سول كەزدە كەتكەن ەسەنى رەسەيلىك كوماندا بۇل جولى ارتىعىمەن قايتاردى.
ليگا اياسىندا وتكىزگەن سوڭعى بەس ويىننىڭ تورتەۋىندە جەڭىلگەن استانالىقتار تۋرنير كەستەسىندە 8-ساتىدا تۇر. جارىستىڭ پلەي-وفف كەزەڭىنە العاشقى 8 كوماندا وتەتىنىڭ ەسكەرسەك, بۇل ناتيجە جانعا دەمەۋ. دەگەنمەن, 9-ورىندا كەلە جاتقان لاتۆيالىق «ۆەف» كومانداسىنىڭ دا ۇپاي كورسەتكىشتەرى بىزبەن بىردەي. سوندىقتان «استاناعا» قالعان ويىنداردا بوساڭدىق تانىتپاي, شيراق قيمىلداۋ ءلازىم. ال «ەنيسەي» استانادان قاجەت ۇپايدى العانىنا قاراماستان, بۇگىندە 13-ورىندا كەلەدى.
ەلوردالىق ۇجىم كەلەسى ويىندى دا ءوز الاڭىندا وتكىزەدى. 1 اقپان كۇنى بولاتىن اتالمىش كەزدەسۋدە استاناعا تۋرنير كەستەسىنىڭ 14-ساتىسىندا تۇرعان چەحيانىڭ «نيمبۋرك» كومانداسى قوناققا كەلەدى.
ەلامان قوڭىر.
دەرەك, سۋرەت: bcastana.kz.
استانا. 24 قاڭتار. باسكەتبولدان ۆتب بىرىڭعاي ليگاسىنىڭ 17-تۋر اياسىندا ەلوردالىق «استانا» ءوز الاڭىندا رەسەيلىك «ەنيسەيدى» قابىلداپ, 86:95 ەسەبىمەن ەسە جىبەردى. بۇل تۋرالى bcastana.kz حابارلادى.
ويىن سالعان جەردەن قوناقتاردىڭ باسىمدىعىمەن باستالدى. ەسەپتى اشقان دا «ەنيسەي» باسكەتبولشىلارى. قازاقستاندىق كوماندا قانشا شابۋىلداعانىمەن قارسىلاستار قورعانىستا سىر الدىرمادى. ناتيجەسىندە, العاشقى شيرەك «ەنيسەيدىڭ» باسىمدىعىمەن اياقتالدى. ەسەپ 19:24.
ەكىنشى شيرەكتە الاڭ قوجايىندارى قوناقتار ساپىنداعى قوس امەريكالىق لەگيونەر دونەلل كۋپەر مەن تەرريكو ۋايتقا ەرەكشە كوڭىل ءبولىپ, جەكە باقىلاۋعا الدى. سەبەبى, العاشقى كەزەڭدە كوماندانىڭ نەگىزگى ۇيلەستىرۋشىلەرى وسى ەكى ويىنشى بولعان ەدى. دەگەنمەن, الەكساندر ءتريفۋنوۆيچتىڭ شاكىرتتەرى بۇل ارەكەتتەن ايتارلىقتاي ناتيجە شىعارا المادى. ەسەسىنە, اتتارى اتالعان قوس ويىنشى ءبىزدىڭ باسكەتبولشىلاردى قاپى قالدىرىپ, كومانداسىنىڭ ۇپاي سانىن مولايتا بەردى. تەك ۇلكەن ۇزىلىسكە ساناۋلى مينۋتتار قالعان كەزدە استانالىقتار ءوز ويىن ورنەگىن تاۋىپ, كەزەڭدى 43:40 ەسەبىمەن ءوز پايدالارىنا اياقتادى.
كەلەسى كەزەڭدە قوناقتاردىڭ باسىمدىعى ايقىن سەزىلدى. اسىرەسە, كۋپەر, ۋايت, كيكانوۆيچ جانە لەشيچ تورتتىگى تاماشا ۇندەستىك تاۋىپ, بىرنەشە ماڭىزدى ۇپايدى قورجىندارىنا سالدى. ءوز كەزەگىندە, ءبىزدىڭ كومانداعا سوڭعى شەشۋشى كەزەڭگە ءۇمىت ارتۋدان باسقا امال قالمادى. سەبەبى, بۇل كەزەڭدە «ەنيسەي» 58:71 ەسەبىمەن ۇزاپ كەتكەن ەدى.
وكىنىشكە قاراي, ءتورتىنشى شيرەكتە دە ويىنداعى جاعداي وزگەرىسسىز قالىپ, تورەشى ىسقىرىعى ەستىلگەن ساتتە تابلودا «ەنيسەيدىڭ» پايداسىنا 86:95 ەسەبى كورسەتىلىپ تۇردى.
ويىننىڭ باستى قاھارمانى رەتىندە «ەنيسەي» ساپىنداعى د.كۋپەر تانىلدى. ول وسى ويىندا 13 ۇپاي جيناپ قانا قويماي, 23 ناتيجەلى پاس شىعاردى. ال بۇل ۆتب ليگاسىنىڭ جاڭا رەكوردى. وسىلايشا, «سارىارقا» ۆەلوترەگىندە ليگانىڭ كەزەكتى رەكوردى تىركەلدى.
ويىن بارىسىندا ەڭ كوپ ۇپاي جيعان ويىنشى دا كراسنويارسكىدەن كەلگەن كوماندادا وينايدى. كۋپەردىڭ وتانداسى ت.ۋايت بۇل كەزدەسۋدە 33 ۇپاي جيعان. «استانا» ساپىنان ەڭ مەرگەن ويىنشى ەسەبىندە نيك كانەر-مەدليدىڭ ەسىمى اتالدى. ونىڭ ەنشىسىندە 31 ۇپاي.
ايتا كەتەر جايت, العاشقى اينالىمدا قوس كوماندا اراسىنداعى ويىن «استانانىڭ» جەڭىسىمەن اياقتالعان بولاتىن. «ەنيسەيدىڭ» الاڭىندا وتكەن سول تارتىستا ءبىزدىڭ كوماندا 81:83 ەسەبىمەن جەڭىسكە جەتكەن ەدى. سول كەزدە كەتكەن ەسەنى رەسەيلىك كوماندا بۇل جولى ارتىعىمەن قايتاردى.
ليگا اياسىندا وتكىزگەن سوڭعى بەس ويىننىڭ تورتەۋىندە جەڭىلگەن استانالىقتار تۋرنير كەستەسىندە 8-ساتىدا تۇر. جارىستىڭ پلەي-وفف كەزەڭىنە العاشقى 8 كوماندا وتەتىنىڭ ەسكەرسەك, بۇل ناتيجە جانعا دەمەۋ. دەگەنمەن, 9-ورىندا كەلە جاتقان لاتۆيالىق «ۆەف» كومانداسىنىڭ دا ۇپاي كورسەتكىشتەرى بىزبەن بىردەي. سوندىقتان «استاناعا» قالعان ويىنداردا بوساڭدىق تانىتپاي, شيراق قيمىلداۋ ءلازىم. ال «ەنيسەي» استانادان قاجەت ۇپايدى العانىنا قاراماستان, بۇگىندە 13-ورىندا كەلەدى.
ەلوردالىق ۇجىم كەلەسى ويىندى دا ءوز الاڭىندا وتكىزەدى. 1 اقپان كۇنى بولاتىن اتالمىش كەزدەسۋدە استاناعا تۋرنير كەستەسىنىڭ 14-ساتىسىندا تۇرعان چەحيانىڭ «نيمبۋرك» كومانداسى قوناققا كەلەدى.
ەلامان قوڭىر.
دەرەك, سۋرەت: bcastana.kz.
