فوتو: استانا اكىمدىگى
7 قىركۇيەكتە ساعات 11:00-دە «كوشپەلىلەر الەمى» ەتنواۋىلى جۇرتشىلىقتى اشىلۋ ءىس-شاراسىنا شاقىرىپ, ءوز قاقپاسىن اشادى. ەتنواۋىل بىرنەشە ورىنعا بولىنەدى: ورتالىق الاڭ, ۇلتتىق ويىندارعا ارنالعان بالالار ويىن الاڭى, حالىق مۋزىكاسىنا ارنالعان شاتىر, اشىق اسپان استىنداعى كوشپەلى وركەنيەتتەر مۇراجايى, سپورتتىق ءىس-شارالار, ۇلتتىق تاعامدار, باستى ساحنا, ايماقتاردىڭ ەتنو-قونىستارى, قولونەرشىلەر جانە شىعىس بازارى بار ارنايى قالا. سونداي-اق ەتنواۋىل اۋماعىندا كوپتەگەن كادەسىيلار تابۋعا بولاتىن شىعىس بازارى ۇيىمداستىرىلادى. ەلىمىزدىڭ 200-دەن استام قولونەرشىلەرى ءوز ونىمدەرىن ۇسىنادى.
كۇن سايىن ەتنواۋىلدا قازاق حالقىنىڭ باي مادەني مۇراسى مەن داستۇرلەرىن كورسەتە وتىرىپ, «شاتتىق كەرۋەنى» اتتى ۇلكەن شەرۋدەن باستالادى.
«ونەر ورداسى» باستى ساحناسىندا كۇن سايىن ساعات 12:00-دەن 17:00-گە دەيىن ەلىمىزدىڭ تۇكپىر-تۇكپىرىنەن ۇزدىك وڭىرلىك ۇجىمداردى تانىستىراتىن «دۋماندى دالا» كونتسەرتتەرى وتەدى. ەتنوفولكلورلىق انسامبلدەر, قازاق ۇلتتىق وركەسترلەرى, سوليستەر مەن بي ۇجىمدارى ءداستۇرلى ەتنيكالىق ستيلدە ونەر كورسەتەدى.
كەشكى باعدارلامادا ساعات 18:00-دە قوناقتاردى قازاقستاندىق ەسترادا ارتىستەرى مەن حالىقارالىق ۇجىمداردىڭ, ونىڭ ىشىندە «اركايم» اسپاپتىق دۋەتى, «بىرلىك» ءان جانە بي ءانسامبلى جانە الەم حالىقتارىنىڭ بي ءسوليستى انەل ماراباەۆا, «حازار» ەتنو-توبىنىڭ, «Steppe Sons», «The Nomads Fire» جوباسى جانە مۋلتياسپاپشى ەدىل قۇسايىنوۆ ۇلى قويىلىمدارىمەن اياقتالاتىن « ۇلى دالا ءۇنى» گالا-كونتسەرتتەرى كۇتەدى.
«ونەر ورداسى» باستى ساحناسىنداعى بارلىق كونتسەرتتەر تەگىن ۇيىمداستىرىلادى.
ەتنواۋىلدا تۋريستەر مەن قوناقتار ءداستۇرلى جانە ۇلتتىق تاعامداردان ءدام تاتۋ ءۇشىن قازاق ۇلتتىق تاعامدارىنىڭ مەيرامحانالارى ۇسىنىلادى.
بالالار ءۇشىن «بالالار الاڭى» ويىن الاڭى قاراستىرىلعان, وندا ولار كوڭىلدى جانە تانىمدىق باعىتتا ۋاقىت وتكىزە الادى.
سونىمەن قاتار كوشپەلىلەر ويىندارى اياسىندا ءتۇرلى اۋداندار بويىنشا 4 ەتنواۋىل تارتىلادى.
ەسىل اۋدانىنىڭ اۋماعىندا ەتنواۋىل «بايتەرەك» مونۋمەنتىنىڭ الاڭىندا ورنالاسادى. ول 6-13 قىركۇيەك ارالىعىندا جۇمىس ىستەيدى.
الماتى اۋدانىنىڭ اۋماعىندا ەتنواۋىل «قازاق ەلى» مونۋمەنتىنىڭ جانىندا ورنالاسادى.
بايقوڭىر اۋدانىنىڭ اۋماعىندا «اتاتۇرىك» ساياباعىندا ەتنواۋىل ۇيىمداستىرىلادى.
نۇرا ەتنواۋىل اۋدانىنىڭ اۋماعىندا ورتالىق ساياباقتا ورنالاساتىن بولادى. ول 5-13 قىركۇيەك ارالىعىندا جۇمىس ىستەيدى.
كونتسەرتتىك باعدارلاما ەتنواۋىلداردا ءار كەش سايىن 8 قىركۇيەك پەن 13 قىركۇيەك ارالىعىندا ساعات 18:00-دەن 20:00-گە دەيىن وتەدى.
ەلوردا تۇرعىندارى مەن قوناقتارىن دۇنيەجۇزىلىك كوشپەلىلەر ويىندارىن وتكىزۋ ورىندارىنا قوعامدىق كولىكپەن قامتاماسىز ەتۋ ماقساتىندا 15 قىركۇيەكتى قوسا العاندا №18, 37, 303, 323 مارشرۋتتاردىڭ قوزعالىس سىزبالارى ۋاقىتشا وزگەرتىلدى.
ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاپ العانى ءجون.
