فوتو: اشىق دەرەككوزدەن
ۇكىمەت وتىرىسىندا ءسوز العان سەرىك جۇمانعارين جاڭادان جاساقتالعان قۇرىلىمنىڭ ماقساتى شارۋالاردىڭ ماسەلەلەرىن شەشۋ ەكەنىن ايتتى.
«سونىڭ ىشىندە اۋىل شارۋاشىلىعى ماقساتىنا بەرىلگەن, بىراق جەردى پايدالانۋشىلار تاراپىنان يگەرىلمەي جاتقان جەرلەردى مەملەكەتكە قايتارۋ جۇمىستارى قايتا قارقىن الادى. ەندى كوميسسيانىڭ مىندەتىنە جەرلەردى ۇتىمدى پايدالانۋدى باقىلاۋ جانە قايتارىلعان اۋىل شارۋاشىلىعى ماقساتىنداعى جەرلەردى قايتا ءبولۋ كىرەدى. بۇعان قوسا جەردى الىپ, ونى ۋاقىتىندا يگەرۋگە نەمقۇرايدى قارايتىن تۇلعالارمەن جاسالعان كەلىسىمشارتتاردى بىرجاقتى بۇزۋ پراكتيكاسى ەنگىزىلەدى», دەدى ول.
ونىڭ ايتۋىنشا, ارنايى كوميسسيانىڭ اينالىسۋىمەن 2022-2023 جىلدارى 10 ملن گا يگەرىلمەگەن اۋىل شارۋاشىلىعى جەرلەرى مەملەكەتكە قايتارىلسا, 4,3 ملن گا جەر قايتا پايدالانۋعا بەرىلگەن. بيىل قايتارۋعا جوسپارلانعان 2 ملن گا اۋىل شارۋاشىلىعى جەرلەرىنىڭ 1,3 ملن گەكتارى قايتارىلعان.
