فوتو: جوعارعى سوت
كەزدەسۋگە سوت اكىمشىلىگىنىڭ باسشىسى نايل احمەتزاكيروۆ پەن ۇكپ باسقارما توراعاسىنىڭ ورىنباسارى ەربول ۇستەمىروۆ تە قاتىستى.
اسلامبەك مەرعاليەۆ سوت جۇيەسىندە جۇرگىزىلىپ جاتقان رەفورمالارعا, ونىڭ ىشىندە كاسساتسيالىق قايتا قاراۋدى قايتا فورماتتاۋ ارقىلى دەربەس كاسساتسيالىق سوتتاردى قۇرۋعا, سۋديالاردىڭ جاۋاپكەرشىلىگىن ارتتىرۋعا ىقپال ەتەتىن تارتىپتىك ءىس جۇرگىزۋدى قوزعاۋدىڭ جاڭا مەحانيزمىن ەنگىزۋگە نازار اۋداردى.
رايىمبەك باتالوۆ ءوز كەزەگىندە اكىمشىلىك ادىلەت سالاسىن كەڭەيتۋدى قولدايتىنىن جانە كاسىپكەرلەردى سوتقا جۇگىنۋگە ماجبۇرلەيتىن مەملەكەتتىك ورگاندار تاراپىنان بولاتىن قۇقىق بۇزۋشىلىقتاردى جويۋ بويىنشا جۇيەلى شارالار قابىلداۋ قاجەت ەكەنىن اتاپ ءوتتى.
كەزدەسۋگە قاتىسۋشىلار ەكساۋماقتىق سوتتىلىق ينستيتۋتىنىڭ الەۋەتىن دامىتۋ جانە قىلمىستىق پروتسەستە سوت باقىلاۋىن كۇشەيتۋ ماسەلەلەرىن دە تالقىلادى.
جەكە تالقىلاۋ ەلەكتروندىق بىلەزىكتەردى قولدانۋ اياسىن كەڭەيتۋگە ارنالدى. تاراپتار كۇدىكتىلەر مەن ايىپتالۋشىلارعا باقىلاۋ جاساۋدىڭ زاماناۋي تاسىلدەرىن پايدالانۋ قاماۋعا الىنعانداردىڭ سانىن ايتارلىقتاي ازايتىپ, قىلمىستىق رەپرەسسيا دەڭگەيىن ەداۋىر تومەندەتەتىنىن ايتتى.
كەزدەسۋ قورىتىندىسىندا تاراپتار بيزنەستىڭ قۇقىقتارى مەن زاڭدى مۇددەلەرىن سوت ارقىلى قورعاۋدى كۇشەيتۋ سالاسىندا ودان ءارى ىنتىماقتاستىق ورناتۋعا ۋاعدالاستى.
