كوللاجدى جاساعان زاۋرەش سماعۇل, «ەQ»
«قازاقستان حالقى قازىر مۇلدە جاڭا ساياسي جاعدايدا ءومىر سۇرۋدە. سوڭعى 5 جىلدا اۋقىمدى رەفورمالار جاسالدى. ەلىمىزدىڭ ساياسي جۇيەسى تۇبەگەيلى وزگەردى. جۇرتتىڭ سانا-سەزىمىندە بەتبۇرىس بولىپ جاتىر. حالىقتىڭ قۇقىقتىق مادەنيەتى ارتىپ كەلەدى. ازاماتتاردىڭ بويىندا جاڭا ادەتتەر, داعدىلار قالىپتاسىپ, جاڭا قۇندىلىقتار ورنىعۋدا. ساياسي جانە قوعامدىق بولمىسىمىز, مەنتاليتەتىمىز جانە مادەني كودىمىز وزگەرە باستادى. ءبىر سوزبەن ايتساق, ادىلەتتى قازاقستان قۇرىلىپ جاتىر. مۇنىڭ ءبارى, ەڭ الدىمەن, حالىقتىڭ قالاۋىمەن جاسالۋدا. سوندىقتان ءبىز العان بەتىمىزدەن قايتپايمىز, باعىتىمىزدان تايمايمىز. بۇگىن ءبىز العا قويعان جوسپارىمىزدى پىسىقتاپ, ماقساتتارىمىزدى ايقىندايمىز», دەدى پرەزيدەنت.
مەملەكەت باسشىسىنىڭ ايتۋىنشا, قازىر جەر جۇزىندە گەوساياسي تەكەتىرەستەر بەلەڭ الىپ تۇر. سوعان قاراماستان, قازاقستان بەيبىت ءارى ەۆوليۋتسيالىق جولمەن دامىپ كەلە جاتىر.
ء«بىز دامۋدىڭ جاڭا باعدارىن بەلگىلەدىك. ەكونوميكانى ءارتاراپتاندىرۋ ىسىنە تىڭ سەرپىن بەردىك. ينفلياتسيا باياۋلادى, ياعني بىلتىرعى ەڭ جوعارعى دەڭگەيدەن 2,5 ەسە تومەندەدى. ەلىمىزدىڭ حالىقارالىق رەزەرۆى 100 ميلليارد دوللاردان استى. وڭدەۋ ونەركاسىبى تاۋ-كەن سالاسىمەن سالىستىرعاندا جىلدام ءوسىپ جاتىر. ءبىز وسى قارقىندى جوعالتپاۋىمىز كەرەك. بۇعان دەيىن جاسالعان قولايلى جاعدايدى ءتيىمدى پايدالانىپ, جاڭا ينۆەستيتسيالىق كەزەڭدى باستاۋىمىز قاجەت», دەدى ەل پرەزيدەنتى.
سونداي-اق قاسىم-جومارت توقاەۆ ۇكىمەت جانە اكىمدەر ەكونوميكانىڭ قۇرىلىمىن وزگەرتۋگە باسا نازار اۋدارۋعا ءتيىس ەكەنىن اتاپ ءوتتى
«ەلىمىزدىڭ تۇراقتى دامۋىنا مۇمكىندىك بەرەتىن جاڭا تەتىكتەردى قاراستىرعان ءجون. باستى ماقسات – ازاماتتاردىڭ تابىسىن ارتتىرۋ. جۇمىستى دۇرىس ۇيلەستىرە بىلسەك, بۇل – قولدان كەلەتىن شارۋا», دەدى پرەزيدەنت.
