"دياپازون" باسىلىمى جازعانداي, ايىپتالۋشى تاراپتا - قالالىق پوليتسيا ءبولىمىنىڭ 23 جاستاعى ۋچاسكەلىك ينسپەكتورى. قىلمىستىق ءىس ماتەريالدارى بويىنشا ونىڭ تانىسى الاياقتىق ءىسى بويىنشا جاۋاپ الۋ ءۇشىن بولىمگە جەتكىزىلگەن.
- ۋچاسكەلىك پوليتسيا قىزمەتكەرى ۇستالعان ادامنىڭ قىلمىسقا قاتىسى جوق ەكەنىن تۇسىنگەن, بىراق وعان بۇل تۋرالى ايتپاعان. ول وڭ پروتسەسسۋالدىق شەشىم قابىلدايتىنىن ايتىپ, تانىسىنان 1 ميلليون تەڭگە تالاپ ەتكەن. كەلىسسوزدەر بارىسىندا پوليتسەي بۇل سومانى 500 مىڭ تەڭگەگە دەيىن تۇسىرگەن, بىراق ونىڭ 300 مىڭىن ءۇش كۇننەن كەيىن بەرۋگە كەلىسكەن", - دەپ جازادى باسىلىم.
تانىسى كەلىسكەندەي كەيىپ تانىتىپ, ءوزى سىبايلاس جەمقورلىققا قارسى قىزمەتتىڭ call-ورتالىعىنا تەلەفون سوعادى. جەمقورلىققا قارسى كۇرەسكەرلەر پوليتسەيدى قاجەتتى سومانىڭ ءبىر بولىگىن العان ساتتە ۇستادى.
پوليتسەي الاياقتىق ارەكەتى ءۇشىن سوتتالدى. ايىپتالۋشى ءوز كىناسىن تولىق مويىنداپ, اتا-اناسىنىڭ قولىندا اقشا بار ەكەنىن ايتىپ, باس بوستاندىعىنان ايىرۋعا قاتىستى ەمەس جازا تاعايىنداۋدى سۇرادى.
سوت ۋچاسكەلىك پوليتسيا قىزمەتكەرىن الاياقتىق جاساعانى ءۇشىن كىنالى دەپ تانىپ, 2,2 ميلليون تەڭگە ايىپپۇل سالىپ, ءومىر بويىنا مەملەكەتتىك قىزمەتتە جۇمىس ىستەۋگە تىيىم سالدى. سونداي-اق ول سوت ۇكىمى بويىنشا اعا لەيتەنانت شەنىنەن ايىرىلادى.
