تەرگەۋشىلەر ەر ادامنىڭ جاس قىزعا تەز ارادا ەمتيحانسىز كولىك جۇرگىزۋ قۇجاتىن الۋعا كومەكتەسۋدى ۇسىنعانىن انىقتادى. الاياق ءوز جۇمىسى ءۇشىن 300 مىڭ تەڭگە سۇراعان. قاسكۇنەمنىڭ ۇسىنىسىمەن كەلىسكەن جابىرلەنۋشى وعان اۋدارىم ارقىلى اقشا اۋدارعان. اقشانى العاننان كەيىن ەر ادام بايلانىسىن توقتاتىپ, ەلوردا تۇرعىنى پوليتسياعا ارىزدانعان.
جەدەل-ىزدەستىرۋ شارالارى اياسىندا سارىارقا اۋداندىق قىلمىستىق پوليتسيا باسقارماسىنىڭ قىزمەتكەرلەرى جۇرگىزۋشى كۋالىگىن جاساپ بەرەمىن دەگەن سىلتاۋمەن الاياقتىق جولمەن اقشالاي قاراجاتتى يەمدەنگەن 34 جاستاعى قالا تۇرعىنىن انىقتادى.
ول جاساعان قىلمىسىن مويىنداپ, ماتەريالدىق شىعىندى وتەدى.
استانا قالاسى پوليتسيا دەپارتامەنتى جۇرگىزۋشى كۋالىگىن تەك ۋاكىلەتتى ورگان بەرەتىنىن, ونىڭ ۇستىنە جۇرگىزۋشى كۋالىگىن ساتىپ الۋ زاڭ بويىنشا جاۋاپكەرشىلىككە تارتىلاتىنىن ازاماتتاردىڭ ەسىنە سالادى.
