قازاقستاننىڭ ەڭبەك سىڭىرگەن ارتىسىنە بۇل ماراپات كونستيتۋتسيا كۇنىنە ارنالعان "ايبارى مىقتى - اتا زاڭ" ءىس-شاراسىندا تابىستالدى.
سالتاناتتى جيىنعا وبلىس اكىمى دارحان ساتىبالدى ارنايى قاتىسىپ, ءوڭىردىڭ جەتىستىكتەرى تۋرالى بايانداما جاسادى. سونىمەن قاتار تۇرعىنداردى مەرەكەمەن قۇتتىقتادى.
– سىزدەردى ەلىمىزدىڭ ماڭىزدى مەرەكەسى – كونستيتۋتسيا كۇنىمەن قۇتتىقتايمىن! بۇل مەرەكە – دەربەستىگىمىز بەن دارالىعىمىزدىڭ ايعاعى, ەلدىگىمىز بەن ەرلىگىمىزدىڭ بايراعى. مەملەكەتتىگىمىزدىڭ كەشەگىسى مەن كەلەشەگىنىڭ كەپىلى. مەملەكەت باسشىسى قاسىم-جومارت توقاەۆتىڭ تىكەلەي قولداۋىمەن وڭىردە اۋقىمدى جوبالار قولعا الىندى. وسى ماڭىزدى ىستەردى اتقارۋعا ۇلەس قوسىپ جۇرگەن بارشاڭىزعا العىسىمدى بىلدىرەمىن. وبلىس تۇرعىندارىنىڭ 80 پايىزى اۋىلدى ەلدى مەكەندەردە تۇرادى جانە اۋىلدى جەرلەردى قاجەتتى ينفراقۇرىلىممەن قامتۋ – باستى باعىتىمىزدىڭ ءبىرى. ەلىمىز بۇدان ءارى دامۋى ءۇشىن ءاربىر ازامات اتا زاڭىمىزدىڭ ۇستانىمىن قاتاڭ ساقتاي وتىرىپ, ەڭبەك ەتە ءبىلۋى ءتيىس. بۇل رەتتە, «ەڭبەك ادامى» بەينەسىن ناسيحاتتاۋ بولاشاق ۇرپاق ءۇشىن تاپتىرماس ۇلگى بولارى حاق. اتا زاڭدى ارداق تۇتقان ونەگەلى ەلىمىز وركەندەي بەرسىن! – دەدى وبلىس اكىمى.
ايتا كەتەيىك, «كونگرەسس حولل» كوپسالالى كەشەنىندە وتكەن ءىس-شارادا ءوڭىر باسشىسى بىرقاتار ازاماتتاردى ماراپاتتادى. «قۇرمەت» جانە ءىىى دارەجەلى «ەڭبەك داڭقى» وردەنى, «ەرەن ەڭبەگى ءۇشىن» مەدالى سىندى مەملەكەتتىك ناگرادالارىن تابىستادى.
سونىمەن قاتار وبلىستىڭ قۇرمەتتى ازاماتى اتاعىن تاپسىردى. ونىڭ ىشىندە قوعام قايراتكەرى, تۇركىستان وبلىسىنىڭ بۇرىنعى اكىمى ومىرزاق شوكەەۆ, قازاقستان مۇسىلماندارى ءدىني باسقارماسىنىڭ تۇڭعىش توراعاسى, قۇرمەتتى مۋفتي راتبەك قاجى جانە مەملەكەتتىك جانە قوعامدىق قىزمەتتە ەڭبەك سىڭىرگەن, ءوڭىردىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان ازاماتتار بار.
سالتاناتتى جيىن ءارى قاراي كونتسەرتتىك باعدارلاماعا ۇلاستى.
