اقپاراتتار اعىنى

*جاقىن ۋاقىتتا تەڭگە باعامىندا كۇرت وزگەرىس بول­مايدى. ۇلتتىق بانكتىڭ ءتورا­عاسى قايرات كەلىمبەتوۆ اتاپ كورسەتكەندەي, ايىرباس باعامى 1 اقش دوللارىنا شاققاندا 170-188 تەڭگە دەڭگەيىندە ساق­تا­لاتىن كورىنەدى. *ەلىمىزدە ۇلى وتان سو­عىسى تۋرالى اقپاراتتىق پورتال قۇرىلادى. ەۋرازيالىق مەديافورۋمنىڭ باس ديرەكتورى رۋسلان جەمكوۆتىڭ ايتۋىنشا, وندا قازاقستاندىق ارداگەرلەردىڭمالىمەتتەر بازاسى ورنالاستىرىلادى. دالىرەگى, جوبا ارقىلى جەڭىسكە كومەگى تيگەندەر, سوعىسقا قاتىسقاندار جانە دالامىزدان شىققان باتىرلار تۋرالى اقپارات ۇسىنىلادى. *بىلتىر «تۇلپار-تال­گو» پويىزدارى قىزمەتىن 1 ملن.-نان استام جولاۋشى پايدالاندى. «جولاۋشىلار تاسىمالى» اق ءباسپاسوز قىز­مەتى حابارلاعانداي, اتالعان تاسىمال كولىكتەرى سوڭعى 3 جىلدىڭ ىشىندە اشىلعان جاڭا 8 باعىت بويىنشا قاتىنايدى. ايتا كەتەيىك, بۇل پويىزداردىڭ ۆاگوندارى زامان تالابىنا ساي جابدىقتالعان. *«شۇباركول كومىر» اق ءوز جۇمىسكەرلەرىنە جا­ڭا جاي سالىپ بەردى. قارا­عان­دى وبلىسىنداعى «ورتا­لىق» ۆاحتالىق كەنتىندە ور­نا­­لاس­قان 60 ورىندىق دەمالىس ۇيىنە ەۋرازيالىق توپ (ERG) قۇرامىنا كىرە­تىن كوم­پانياعا قاراس­تى №1 اۆتوكولوننانىڭ جۇمىس­شىلارى جايعاستى. *وڭتۇستىك قازاقستاندا 124 مىڭعا جۋىق اعاش كو­شەت­تەرى ەگىلدى. وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى مۇحيت وتارشيەۆتىڭ سوزىنە قاراعاندا, ورمان اعاش­تارىن مولايتۋدىڭ 2012-2014 جىلدارعا ارنالعان ءىس-شارالار جوسپارىنا سايكەس, بىلتىر وڭىردە 19 657 گا. جەرگە سەكسەۋىل ۇرىعى سەبىلسە, 860 گا. القاپقا ونىڭ كوشەتى وتىرعىزىلعان. *اقمولا وبلىسى ششۋ­چە قالالىق ىشكى ىستەر باس­قار­ماسىنىڭ جەدەل باسقارۋ ورتالىعى اشىلدى. جبو-نىڭ باقىلاۋ جۇيەسى 20 ەسەلىك وپتيكالىق ۇلكەيتۋ قاسيەتى بار, اۋا رايىنىڭ كەز كەلگەن جاع­دايىندا باسقارىلاتىن 20 بەي­نەباقىلاۋ كامەراسىنان تۇ­رادى. ونىڭ اشىلۋىنا اي­ماق باسشىسى سەرگەي كۋلاگين قاتىستى. *باتىس قازاقستاندا گازداندىرۋ جۇمىستارىنا 2,6 ملرد. تەڭگەدەن استام قارجى ءبولىنىپ وتىر. وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ ءبولىم باسشىسى نۇرجان بورانقۇلوۆ ءمالىم ەتكەندەي, كورسەتىلگەن قار­جىنىڭ 2,3 ملرد.-تان استام تەڭ­گەسى رەسپۋبليكالىق, ال 316 ملن. تەڭگەسى جەرگىلىكتى بيۋد­­­جەت­­تەن قارالعان. وسىنىڭ ەسەبى­­نەن 15,5 مىڭ تۇرعىنى بار 25 ەل­دى مەكەنگە گاز تارتىلادى. *سولتۇستىك قازاقستاندا شوب سالاسىندا 112 مىڭ­نان استام ادام ەڭبەك ەتە­ءدى. وبلىستىق ستاتيستيكا دەپار­تامەنتىنىڭ ءباسپاسوز قىزمەتى وتكەن جىلدىڭ قاڭتار-قىركۇيەك ايلارى ارالىعىندا بۇل سالادا 209,7 ملرد. تەڭگەنىڭ ونىمدەرى وندىرىلگەنىن مالىمدەدى. حابارلار ۇكىمەت, وبلىستىق اكىمدىكتەر سايتتارى مەن «قازاقپارات» دەرەكتەرى بويىنشا دايىندالدى.