قۇمار ويىندارعا قارسى قۇجات

كەزدەسۋگە قارجى نارى­عىن رەتتەۋ جانە دامىتۋ اگەنت­تىگىنىڭ توراعاسى مادينا ابىل­قاسىموۆا, قارجى ءمينيسترى ءمادي تاكيەۆ, تۋريزم جانە سپورت ءمينيسترى ەرمەك مار­جىقپاەۆ, ۇلتتىق بانك تور­اعاسىنىڭ ورىنباسارى اقىلجان بايماعامبەتوۆ, مادە­نيەت جانە اقپارات ۆيتسە-ءمينيسترى قانات ىسقاقوۆ قاتىستى.

جيىندى اشقان اگەنتتىك توراعاسى دميتري مالاحوۆ قولدانىستاعى زاڭنامادا قۇمار ويىندار مەن لوتەرەيا قىزمەتىن رەتتەۋگە باعىت­تالعان بىرقاتار شارا­نىڭ قاراس­تىرىلعانىن اتاپ ءوتتى. الايدا ونلاين ويىن­قۇمار­لىق قوعامدا ءالى دە وزەكتىلىگىن جويعان جوق.

وتكەن جىلى اگەنتتىك مادەنيەت جانە اقپارات مينيسترلىگىمەن بىرلەسىپ, TikTok-تا جاپپاي كارتا ويىندارىن ۇيىمداستىرۋدىڭ الدىن العان ەدى. ناتيجەسىندە, 300-دەن اسا ۇيىمداستىرۋشى اككاۋنتى انىقتالىپ, قۇقىققا قايشى كونتەنتتىڭ ەفيرىن جەدەل تۇردە بۇعاتتاۋعا مۇم­كىندىك بەرەتىن جاساندى ينتەللەكت ەنگىزىلگەن بولاتىن. قازىرگى ۋاقىتتا Instagram-داعى زاڭسىز لوتەرەيالاردى ۇيىمداستىرۋشىلارعا قارسى جۇمىس جۇرگىزىلىپ كەلەدى.

سالا باسشىسى اگەنت­تىك ازاماتتاردى زاڭسىز لوتە­رەيالارعا تارتاتىن ادامداردى انىقتاۋدا مادەنيەت جانە سپورت مينيسترلىگىنە كومەك كورسەتۋگە, سونداي-اق تولەنبەگەن سالىقتاردى قوسىمشا ەسەپتەۋ ءۇشىن مەم­لەكەتتىك كىرىستەر كومي­تەتىنە اقپارات ۇسىنۋعا دايىن ەكەنىن مالىمدەدى.

بۇگىندە ونلاين-كازينو­لارعا قارسى كۇرەس بويىنشا اۋقىمدى ءارى جۇيەلى جۇمىس جۇرگىزىلىپ كەلەدى. جىل با­سىنان بەرى 6 مىڭنان اسا زاڭ­سىز سايت بۇعاتتالىپ, كوشىر­مەلەرى تاۋلىك ىشىندە جويىل­دى. مامانداردىڭ ايتۋىن­شا, زاڭسىز ونلاين-قۇمار ويىن­دارعا قارسى كۇرەستە ولاردىڭ قارجىلىق وپەراتسيالارىن توقتاتۋ ماڭىزدى. «شەتەلدىك ۇيىمداستىرۋشىلار قازاق­ستاندىق ويىنشىلاردان تىكەلەي اقشا قابىلداي المايدى, سوندىقتان ولار جەرگىلىكتى تولەم ۇيىمدارى مەن بانكتەردى پايدالانادى. الايدا قۇمار ويىندار تۋرالى جاڭا زاڭ كۇشىنە ەنگەننەن كەيىن ينتەرنەت-كازينوعا جاسالاتىن ترانزاكتسيالار شەكتەلەدى. ال بانك­تەر مەن تولەم ۇيىمدارى كومەك كورسەتكەنى ءۇشىن جاۋاپ­كەرشىلىككە تارتىلادى», دەيدى اگەنتتىك وكىلدەرى.

بۇل ماسەلە بويىنشا قما, تۋريزم جانە سپورت مينيسترلىگى, ۇلتتىق بانك بىرلەسىپ جۇمىس ىستەپ, زاڭسىز اقشا اۋدارىمدارىن انىقتاپ, بۇعاتتاۋدى جۇزەگە اسىرادى.

جيىن سوڭىندا قا­تىسۋ­شىلار قۇمار ويىن­دارعا پاتولوگيالىق تاۋەلدىلىك­تەن جاس ۇرپاقتى قورعاۋعا باعىت­تالعان شارالار مەن ءىس-قيمىل الگوريتمىن قامتيتىن ىنتىماقتاستىق تۋرالى مەموراندۋمعا قول قويدى.