كەڭەسشى رەتىندە ادىلەت دەپارتامەنتىنىڭ ماماندارى, ادۆوكاتتار, نوتاريۋستار, زاڭگەرلەر, ساراپشىلار شاقىرىلدى. ولار ارنايى ۇسىنىس ايتىپ, تۇرعىندار كاسىبي كومەك الدى.
– ۇەۇ مەن ەلوردا ازاماتتارىنا اشىق ەسىك كۇنىن ءبىرىنشى رەت ۇيىمداستىرىپ وتىرمىز. جالپى, بارلىق وڭىردە ءبىر مەزگىلدە قۇقىقتىق ماسەلەلەر بويىنشا اشىق ەسىك كۇنى ءوتىپ جاتىر. نوتاريۋستار, ادۆوكاتتار كەڭەستەرىنىڭ اقىسىن تولەۋگە ءبارىنىڭ قالتاسى كوتەرە بەرمەيدى. اسىرەسە وتباسى دۇنيەسىن ءبولۋ نەمەسە بىرىكتىرۋ, مۇرا, جاردەماقى تولەۋ, شوتتاردى بۇعاتتاۋ سياقتى جانە باسقا دا ماڭىزدى ماسەلەلەر بويىنشا جۇگىنەدى. سوندىقتان بۇل ءىس-شارا تۇرعىندارعا ءوز قۇقىقتارى تۋرالى كوبىرەك بىلۋگە كومەكتەسەدى. قۇقىقتىق ساۋاتسىزدىق ازاماتتىق بەلسەندىلىكتى تومەندەتەدى. ادامدار ءوز قۇقىقتارىن بىلەتىن بولسا, ولار ءوز قالاسىنا, اۋدانىنا, اۋىلىنا ءبىر نارسە جاساۋعا مۇمكىندىگى بولادى, – دەدى استانا قالاسى ۇەۇ اليانسىنىڭ پرەزيدەنتى ماحاببات ەسپەنوۆا.
ءىس-شارا «ادال ازامات – بەلسەندى قوعام» ازاماتتىق قوعامدى دامىتۋ ۇلتتىق ورتالىعىنىڭ قىزمەتىن ۇيىمداستىرۋ» جوباسى اياسىندا ءوتتى.
– بۇل الاڭ ازاماتتارعا كومەك كورسەتۋگە بەرىلگەن. ادامدار كەرى بايلانىس, پايدالى اقپارات جانە كومەك الادى. مۇنداي اشىق ەسىك كۇندەرىن ماماندارعا ءوز بەتىنشە جۇگىنۋگە مۇمكىندىگى جوق تۇرعىندار ءۇشىن وتكىزۋ اسا ماڭىزدى, – دەيدى استانا قالاسى ادۆوكاتتار القاسىنىڭ مۇشەسى ارنۇر چەگيباەۆ.
ۇيىمداستىرۋشىلاردىڭ ايتۋىنشا, اشىق ەسىك كۇندەرىن تۇراقتى تۇردە وتكىزۋ جوسپاردا بار.
