وزدىگىنەن سۇندەتتەلىپ قالعان ءسابي

سىرىم اۋدانىنىڭ ورتا­لىعى – جىمپيتى كەنتىندە ادام سەن­بەستەي تاڭعاجايىپ وقي­عا ورىن الدى. وسى جەردىڭ تۇر­عىنى بولات تەمىرعاليەۆتىڭ ەكى جارىم جاستاعى ايات دەگەن نەمەرەسى وزدىگىنەن سۇندەتتەلىپ قالىپتى. بۇل ءجايتتى كوزىمەن كور­گەن «ەگەمەننىڭ» جان­اشىرى ءارى تۇراقتى اۆتورى شىنار مولدانيازوۆا بىلاي دەپ حابارلادى. – تاڭ قىلاڭ بەرە ايات اۋىرسىنىپ جىلاپ ويانادى. اتاسى: «نەگە جىلادىڭ, ءبىر جەرىڭ اۋىرىپ تۇر ما؟» – دەپ نەمەرەسىنىڭ دەنەسىنە كوز سالسا, ناسىبايىنىڭ ۇشى پىشاقپەن ءتىلىپ جىبەرگەندەي ەكىگە ايىرىلىپ تۇر ەكەن. سول ساتتە بولات اعا اياتتىڭ وزىنەن ءوزى ءبىر قۇدىرەتتى كۇشتىڭ اسەرىمەن سۇندەتتەلىپ قالعانىنا كوز جەت­كىزەدى. ول سول كۇنى ءسال اۋىرسىنىپ قىزۋى كوتەرىلگەنىمەن, قازىر شاۋىپ ءجۇر. بولات اعانىڭ ايتۋىنشا, كىشكەنە كۇنىندە ءوزىن دە, ومىردەن وزعان ۇلى ەربولدى دا وسىلاي «پەرىشتەلەر سۇندەتتەپ» كەتكەن ەكەن. «مۇنداي وقيعا ءبىز ءۇشىن تاڭسىق ەمەس. اۋلەتىمىزدە ءۇشىنشى رەت ورىن الىپ وتىرعان جايت. اتالارىمىزدىڭ رۋحى شوپشەك, نەمەنەمىزدىڭ دەنەسىنە پىشاق تيمەسىن دەگەن نيەتپەن وسىلاي ەتكەن شىعار. دارىگەرگە كورسەتەتىن ەشتەڭەسى جوق», دەيدى ول. وسى جاعدايدان كەيىن بولات اعا سىرىم اۋداندىق مەشىتىنىڭ وكىل يمامى ارمات كارىموۆتى شاقىرتىپ قۇدايى بەرىپ, قۇران وقىتتى. «بۇل – تەك اللانىڭ قالاۋىمەن بولعان ءىس. مۇنداي وقيعا ارقىلى جاراتقان يەمىز ادامنىڭ ورەسى جەتپەيتىن تىلسىم كۇشتىڭ بارىن سەزدىرتىپ, ادامدارعا وي سالعىسى كەلگەن شىعار», دەدى وكىل يمام تاڭ­عاجايىپ وقيعا جونىندە. تەمىر قۇسايىن, «ەگەمەن قازاقستان».