مەرەيلى جىل جانە ماڭىزدى جوسپارلار

سىرتقى ىستەر ءمينيسترى ەرلان ىدىرىسوۆ سىرتقى ساياسات ۆەدومستۆوسىنىڭ باسشىلىعىمەن جۇمىس وتىرىسىن وتكىزدى. مينيستر وتىرىستا 2015 جىلدىڭ ەلىمىز ءۇشىن ەرەكشە جىل بولاتىنىن جانە بيىل بىرنەشە مەرەيتويلىق وقيعالار, اتاپ ايتقاندا, قازاق حاندىعىنىڭ 550 جىلدىعى, كونستيتۋتسيانىڭ 20 جىلدىعى جانە قازاقستان حالقى اسسامبلەياسىنىڭ جىلى اتاپ وتىلەتىنىن ايتتى. سونىمەن قاتار, ۇلى وتان سوعىسىنداعى جەڭىستىڭ 70 جىلدى­عىنىڭ قازاقستان ءۇشىن ماڭىزى ەرەكشە. ودان باسقا, 2015 جىلى ءبى­رىككەن ۇلتتار ۇيىمىنىڭ 70 جىل­دىعى, ەقىۇ قۇرىلۋىنا اكەلگەن ەۋروپاداعى قاۋىپسىزدىك جانە ىنتىماقتاستىق جونىندەگى كەڭەستىڭ حەلسينكي قورىتىندى اكتىسىنە قول قويىلعانىنىڭ 40 جىلدىعى اتاپ وتىلەتىن بولادى, دەدى سىرتقى ىستەر ءمينيسترى. ە.ىدىرىسوۆ, بۇعان قوسا, قازاقستاننىڭ 2015 جىلى تاۋەلسىز مەملەكەتتەر دوستاستىعىندا جانە تۇركىتىلدەس مەملەكەتتەر ىنتى­ماقتاستىعىنىڭ كەڭەسىندە ءتور­اعالىق ەتۋ اياسىندا جۇمىستىڭ جەكە باعىتتارىن ايقىندادى. جاھاندىق ۇنقاتىسۋ الاڭ­دارى­نا اينالعان فورۋمداردى – الەمدىك جانە ءداستۇرلى دىندەر كوش­باسشىلارىنىڭ V سەزىن (ماۋسىم), ەۋرازيالىق مەديا فورۋمدى ء(ساۋىر), استانا ەكونوميكالىق فورۋمى مەن داعدارىسقا قارسى دۇنيە­جۇزىلىك كونفەرەنتسيانى (مامىر) ۇيىمداستىرۋعا قولعابىس كورسەتۋ جۇمىسىنىڭ ماڭىزدىلىعى اتاپ كورسەتىلدى. بۇل ورايدا, حاتشىلىعى استانادا ورنالاساتىن يسلام ىنتى­ماقتاستىعى ۇيىمى ازىق-ت ۇلىك قاۋىپسىزدىگى جونىندەگى يسلام ۇيى­مىن دامىتۋ ماسەلەسىنە ەرەكشە نا­زار اۋدارىلدى. جاقىن ارادا اتال­عان ۇيىمنىڭ جارعىسىنا بىرىك­كەن اراب امىرلىكتەرى قول قويىپ, ۇيىم مۇشەسىنە اينالعانى اتاپ ءوتىلدى. جالپى ءوڭىر ءۇشىن جانە جەكە قا­زاقستان ءۇشىن بۇل ۇيىم قۇرىلۋى­نىڭ ماڭىزى زور. ول قاجەتتى جەدەل جانە گۋمانيتارلىق كومەك كور­سەتۋ, سونىڭ ىشىندە ازىق-ت ۇلىك قاۋىپسىزدىگى قورلارىن قۇرۋ ماسەلە­لەرىمەن اينالىسادى دەپ كۇتىلۋدە. سونىمەن قاتار, ۇيىمنىڭ ىسكە قوسىلۋى قازاقستاندىق استىقتى جانە وزگە دە ازىق-ت ۇلىك تۇرلەرىن يىۇ-عا مۇشە مەملەكەتتەرگە جەت­كىزۋگە, قازاقستان مەن وزگە دە ەلدەردە ءىرى ينۆەستيتسيالىق جانە ينفرا­قۇ­رىلىمدىق جوبالاردى جۇزەگە اسىرۋعا جول اشادى دەپ كۇتىلۋدە. مينيستر قازاقستاننىڭ شەتەلدىك ارىپتەستەرمەن ۇكىمەت­ارالىق كوميس­سيالاردىڭ جۇمىسىن جۇيە­لەندىرۋ بويىنشا وڭ ۇدەرىستەر بايقالىپ وتىرعانىن اتاپ ءوتتى. سونداي-اق, ە.ىدىرىسوۆ سىرت­قى ىستەر مينيسترلىگى تاراپىنان اتقا­رىلىپ وتىرعان نەگىزگى ۇزاق مەرزىمدى سىرتقى ساياسي باستامالار بوي­ىنشا ءبىرىزدى جۇمىستىڭ ماڭىز­دىلىعىنا توقتالدى. بۇل جەردە اڭگىمە قازاقستاننىڭ 2017-2018 جىلدارعا بۇۇ قاۋىپسىزدىك كەڭەسىنە تۇراقتى ەمەس مۇشەلىگىنە كانديداتۋراسىن ىلگەرىلەتۋ, ەكسپو-2017 حالىقارالىق مامانداندىرىلعان كورمەسىن وتكىزۋگە دايىندىق جۇ­مىس­تارى, «KazAID» رەسمي دامۋ كو­مە­گى تەتىگىن ىسكە قوسۋ مەن الما­تى­دا بۇۇ كوپجاقتى ديپلوماتيا حابىن قۇرۋ ماسەلەلەرى تۋرالى بولىپ وتىر. مينيستر قۇرلىقتىڭ ءىرى ۇيىم­دارى – ەۋروپالىق وداق پەن ەۋرا­زيالىق ەكونوميكالىق وداق اراسىنا «كوپىر سالۋ» جۇمىسىنا ەرەكشە نازار اۋداردى. بۇل 2015 جىلعى 1 قاڭتاردان باستاپ ەۋرازيالىق ەكو­نوميكالىق وداق تۋرالى كەلىسىمنىڭ كۇ­شىنە ەنۋىنەن باستاپ وزەكتى ماسە­لەگە اينالعان. وتىرىستا, سونىمەن قوسا, ەكى­جاقتى پىشىمدە جانە قازاقستاننىڭ بىرىككەن ۇلتتار ۇيىمى (بۇۇ), ەۋروپا­داعى قاۋىپسىزدىك جانە ىنتى­ماق­تاستىق ۇيىمى (ەقىۇ), ازيادا­عى ءوزارا ءىس-قيمىل جانە سەنىم شارالارى جونىندەگى كەڭەس (اوسشك), شانحاي ىنتىماقتاستىق ۇيىمى (شىۇ), يسلام ىنتىماقتاستىعى ۇيىمى (يىۇ), اۋعانستان بويىنشا ىستامبۇل ۇدەرىسى جانە باسقا دا ايماقتىق, سونداي-اق, حالىقارالىق ۇيىمدار مەن فورۋمدارداعى ەلىمىزدىڭ باسشىلىعىمەن وتەتىن حالىقارالىق ءىس-شارالار كەستەسى قاراستىرىلدى. ساۋلەبەك ءبىرجان.