شاراينا
ساۋد ارابياسىنىڭ كورولى ابداللا بەن ابدەل ءازيز ءال ساۋد 91 جاسقا قاراعان شاعىندا ومىردەن وزدى. وتكەن ايدا مونارح وكپەسىنە سۋىق تيگىزىپ الدى دەگەن دياگنوزبەن اۋرۋحاناعا جاتقىزىلعان ەكەن. ول ەل استاناسى – ەر-رياد قالاسىنداعى كلينيكالاردىڭ بىرىندە مەديتسينالىق تەكسەرۋدەن ءوتىپتى.
وسى ايدىڭ باسىندا جاسى كەلگەن قاريا «وكپە ينفەكتسياسى» دەگەن دياگنوزبەن اۋرۋحانادان شىعارىلىپ, ونىڭ دەم الۋىن جەڭىلدەتۋ ءۇشىن ارنايى تۇتىكشە ەنگىزىلسە كەرەك. سوڭعى ءتورت جىل ىشىندە ءال ساۋد ومىرتقاسىنا دا بىرنەشە رەت حيرۋرگيالىق وپەراتسيا جاساتىپتى. العاشقى ساۋديا كورولى ابدۋل-ءازيز ءىى-ءنىڭ ۇلكەن ۇلى بولىپ تابىلاتىن مونارح تاققا 2005 جىلى وتىرعان بولاتىن.
جاڭا پرەمەر-مينيستر تاعايىندالدى
كورەيا رەسپۋبليكاسىنىڭ پرەزيدەنتى پاك كىن حە ەلدىڭ جاڭا پرەمەر-ءمينيسترى لاۋازىمىنا بيلىك پارتياسى فراكتسياسىنىڭ جەتەكشىسى لي ۆان گۋدى تاعايىندادى.
«رەنحاپ» اگەنتتىگىنىڭ حابارلاۋىنشا, ول چون حون ۆوندى اۋىستىرعان. جاڭا پرەمەر-مينيستر زاڭگەرلىك ءبىلىمدى اقش-تا العان ەكەن. ول وپپوزيتسيامەن ۇنقاتىسۋدى جولعا قويۋعا تىرىساتىنىن جانە پرەزيدەنت پاك كىن حەمەن بارلىق مەملەكەتتىك ماسەلەلەر بويىنشا اشىق پىكىرتالاسقا شىعاتىنىن مالىمدەپتى. پرەزيدەنت, سونداي-اق, ءوزىنىڭ بىرقاتار كەڭەسشىلەرىن قايتا تاعايىنداعان كورىنەدى.
پرەزيدەنتتىڭ وتستاۆكاسىن قابىلدامادى
يەمەننىڭ پرەزيدەنتى ابد راببۋ مانسۋرۋ حادي ەل پارلامەنتىنە وتستاۆكاعا كەتەتىنى جونىندە ءوتىنىش بەردى. پارلامەنت مەملەكەت باسشىسىنىڭ وتستاۆكاسىن قابىلدامادى.
جەرگىلىكتى تەلەارنالاردىڭ حابارلارىنا قاراعاندا, دەپۋتاتتار ەلدەگى جاعدايعا بايلانىستى پالاتانىڭ شۇعىل وتىرىسىن وتكىزۋى ىقتيمال. ال پرەزيدەنتتىڭ وتستاۆكا سۇراۋىنا مەملەكەتتىك توڭكەرىس سيپاتىنداعى جاعداي سەبەپ بولىپ وتىر. بۇدان ەكى كۇن بۇرىن پرەزيدەنت شيتتىك حوۋسيتتەر قوزعالىسى وكىلدەرىمەن كەلىسسوز وتكىزىپ, ەل كونستيتۋتسياسىنا وزگەرىستەر ەنگىزۋگە كەلىسكەن ەدى. يەمەن بيلىگى شيتتىك سودىرلارعا يران قولداۋ كورسەتىپ وتىر دەپ سانايدى.
اسسامبلەيا سپيكەرى قاماۋعا الىندى
نيۋ-يورك شتاتى اسسامبلەياسىنىڭ سپيكەرى شەلدون سيلۆەر سىبايلاس جەمقورلىق كۇدىگى بويىنشا قاماۋعا الىندى. بۇل جونىندە «اسسوشەيتەد پرەسس» اگەنتتىگى فتب-عا سىلتەمە جاساي وتىرىپ حابارلادى.
تەرگەۋشىلەردىڭ بولجامىنا قاراعاندا, ول ءوزىنىڭ قىزمەتىن اسىرا پايدالانۋ ارقىلى اقشالاي پارا الىپ كەلگەن. ونىڭ كولەمى 1 ميلليون دوللارعا جۋىقتايدى. جەتپىس جاستاعى ساياساتكەرگە قارسى بەس ءتۇرلى ايىپ تاعىلىپ وتىر. سپيكەردىڭ ادۆوكاتى وعان تاعىلعان ايىپ «نەگىزسىز» دەپ اتادى. جوعارى لاۋازىمداعى شەنەۋنىكتىڭ تۇتقىندالۋى نيۋ-يوركتىك زاڭ شىعارۋشى ورگانى ءۇشىن كۇتپەگەن جاعداي بولدى.
قىسقا قايىرىپ ايتقاندا:
*«شرەك», «كۋنگ-فۋ پاندا» جانە «ماداگاسكار» فيلمدەرىمەن تانىمال DWA ستۋدياسى وسى جىلى ءوزىنىڭ بارلىق بولىمشەلەرىنەن 500-گە جۋىق قىزمەتكەرىن قىسقارتادى. وعان ستۋديانىڭ سوڭعى جىلدارى پروكاتقا شىعارعان مۋلتفيلمدەرىنىڭ سۇرانىسقا يە بولا الماعاندىعى سەبەپ بولعان.
*اقش وزبەكستانعا 328 بروندى ماشينا بەرۋى ىقتيمال. بۇل قورعانىس تەحنيكالارى قايتارىمسىز نەگىزدە بەرىلمەك.
*ماسكەۋدىڭ ورتالىق اكىمشىلىك وكرۋگى اۋماعىندا پوليتسەيلەر زاڭدى ۇرىلار «جيىنىنىڭ» جولىن كەستى. ۇستالعان 15 ادامنىڭ اراسىندا ىزدەۋدە جۇرگەندەر دە بار ەكەن.
*امەريكالىق رەجيسسەر مارتين سكورسەزە اقش-تىڭ ەكس-پرەزيدەنتى بيل كلينتون تۋرالى دەرەكتى فيلم ءتۇسىرۋدى ساياساتكەرمەن كەلىسپەۋشىلىككە بايلانىستى كەيىنگە قالدىردى.
كەپىلدەگىلەردىڭ تاعدىرى ازىرشە بەلگىسىز
«يسلام مەملەكەتى» دەگەننىڭ سودىرلارى ۋلتيماتۋم مەرزىمى وتكەننەن سوڭ, كەپىلگە الىنعان ەكى جاپوندىققا قاتىستى جاڭا بەينەۇندەۋدى جاريا ەتتى.
وندا «جاپونيا پرەمەر-ءمينيسترى سيندزو ابە وتىرىكتى جالعاستىرىپ كەلەدى. ول تۇتقىنداعى ەكى جاپوندىققا قاتىستى اياۋشىلىقتى سەزىنبەۋدە. جاپوندىقتار ەشقانداي جامانشىلىق جاساعان جوق. ءبىز ۋادەمىزدى ورىندايتىن بولامىز», – دەلىنگەن بەينەروليكتە. ۋلتيماتۋم مەرزىمى كەشە ءبىتتى. كەپىلدەگىلەردىڭ تاعدىرى ازىرشە بەلگىسىز.
چينناۆاتقا دا قاۋىپ تونگەن سياقتى
تايلاندتىڭ باس پروكۋراتۋراسى ەلدىڭ بۇرىنعى پرەمەر-ءمينيسترى ينگلاك چينناۆاتقا كۇرىش سالاسىن سۋبسيديالاۋ بارىسىندا جاۋاپسىزدىق تانىتتى دەگەن ايىپ تاعۋى ىقتيمال.
«رەيتەر» اگەنتتىگىنىڭ حابارلاۋىنشا, وعان قاتىستى قىلمىستىق ءىس تايلاندتىڭ جوعارعى سوتىندا قارالاتىن بولادى. قىلمىسى دالەلدەنەتىن بولسا, ەكس-پرەمەر 10 جىلعا سوتتالۋى مۇمكىن. ي.چينناۆات وپپوزيتسيانىڭ تالاپ ەتۋىمەن 2013 جىلدىڭ قاراشاسىندا وتستاۆكاعا كەتكەن بولاتىن.
ءبىر-بىرىنە وق اتۋ جيىلەپ بارادى
ارمەنيا قارۋلى كۇشتەرىنىڭ ەكى اسكەري قىزمەتشىسى ازەربايجاننىڭ ارنايى ماقساتتاعى بولىمشەسىمەن جارتى ساعاتقا سوزىلعان ۇرىس كەزىندە قازا تاپتى.
ارمەنيا قورعانىس ءمينيسترىنىڭ ءباسپاسوز حاتشىسى ارتسرۋن وۆاننيسياننىڭ ايتۋىنشا, جۇماعا قاراعان ءتۇنى ۋاقىتشا ءبىتىم رەجىمىن ازەربايجان تاراپى شامامەن 300 رەت بۇزعان. سونداي-اق, ول جۇما كۇنى ەرتەڭگىلىك ازەربايجاندىق اسكەريلەر ارمەنيانىڭ سولتۇستىك-شىعىسىنداعى بىرقاتار اسكەري بەكىنىستەرگە شابۋىل جاساعانىن ايتىپ وتىر. ال كەشە ازەربايجان قورعانىس مينيسترلىگىنىڭ ءباسپاسوز قىزمەتى ءوز سايتىندا ارمەنيانىڭ قارۋلى كۇشتەرى وق اتپاۋ رەجىمىن 87 رەت بۇزعانى جونىندە حابارلادى.
ينتەرنەت ماتەريالدارى نەگىزىندە ازىرلەندى.
ساۋد ارابياسىنىڭ كورولى ابداللا بەن ابدەل ءازيز ءال ساۋد 91 جاسقا قاراعان شاعىندا ومىردەن وزدى. وتكەن ايدا مونارح وكپەسىنە سۋىق تيگىزىپ الدى دەگەن دياگنوزبەن اۋرۋحاناعا جاتقىزىلعان ەكەن. ول ەل استاناسى – ەر-رياد قالاسىنداعى كلينيكالاردىڭ بىرىندە مەديتسينالىق تەكسەرۋدەن ءوتىپتى.
وسى ايدىڭ باسىندا جاسى كەلگەن قاريا «وكپە ينفەكتسياسى» دەگەن دياگنوزبەن اۋرۋحانادان شىعارىلىپ, ونىڭ دەم الۋىن جەڭىلدەتۋ ءۇشىن ارنايى تۇتىكشە ەنگىزىلسە كەرەك. سوڭعى ءتورت جىل ىشىندە ءال ساۋد ومىرتقاسىنا دا بىرنەشە رەت حيرۋرگيالىق وپەراتسيا جاساتىپتى. العاشقى ساۋديا كورولى ابدۋل-ءازيز ءىى-ءنىڭ ۇلكەن ۇلى بولىپ تابىلاتىن مونارح تاققا 2005 جىلى وتىرعان بولاتىن.
جاڭا پرەمەر-مينيستر تاعايىندالدى
كورەيا رەسپۋبليكاسىنىڭ پرەزيدەنتى پاك كىن حە ەلدىڭ جاڭا پرەمەر-ءمينيسترى لاۋازىمىنا بيلىك پارتياسى فراكتسياسىنىڭ جەتەكشىسى لي ۆان گۋدى تاعايىندادى.
«رەنحاپ» اگەنتتىگىنىڭ حابارلاۋىنشا, ول چون حون ۆوندى اۋىستىرعان. جاڭا پرەمەر-مينيستر زاڭگەرلىك ءبىلىمدى اقش-تا العان ەكەن. ول وپپوزيتسيامەن ۇنقاتىسۋدى جولعا قويۋعا تىرىساتىنىن جانە پرەزيدەنت پاك كىن حەمەن بارلىق مەملەكەتتىك ماسەلەلەر بويىنشا اشىق پىكىرتالاسقا شىعاتىنىن مالىمدەپتى. پرەزيدەنت, سونداي-اق, ءوزىنىڭ بىرقاتار كەڭەسشىلەرىن قايتا تاعايىنداعان كورىنەدى.
پرەزيدەنتتىڭ وتستاۆكاسىن قابىلدامادى
يەمەننىڭ پرەزيدەنتى ابد راببۋ مانسۋرۋ حادي ەل پارلامەنتىنە وتستاۆكاعا كەتەتىنى جونىندە ءوتىنىش بەردى. پارلامەنت مەملەكەت باسشىسىنىڭ وتستاۆكاسىن قابىلدامادى.
جەرگىلىكتى تەلەارنالاردىڭ حابارلارىنا قاراعاندا, دەپۋتاتتار ەلدەگى جاعدايعا بايلانىستى پالاتانىڭ شۇعىل وتىرىسىن وتكىزۋى ىقتيمال. ال پرەزيدەنتتىڭ وتستاۆكا سۇراۋىنا مەملەكەتتىك توڭكەرىس سيپاتىنداعى جاعداي سەبەپ بولىپ وتىر. بۇدان ەكى كۇن بۇرىن پرەزيدەنت شيتتىك حوۋسيتتەر قوزعالىسى وكىلدەرىمەن كەلىسسوز وتكىزىپ, ەل كونستيتۋتسياسىنا وزگەرىستەر ەنگىزۋگە كەلىسكەن ەدى. يەمەن بيلىگى شيتتىك سودىرلارعا يران قولداۋ كورسەتىپ وتىر دەپ سانايدى.
اسسامبلەيا سپيكەرى قاماۋعا الىندى
نيۋ-يورك شتاتى اسسامبلەياسىنىڭ سپيكەرى شەلدون سيلۆەر سىبايلاس جەمقورلىق كۇدىگى بويىنشا قاماۋعا الىندى. بۇل جونىندە «اسسوشەيتەد پرەسس» اگەنتتىگى فتب-عا سىلتەمە جاساي وتىرىپ حابارلادى.
تەرگەۋشىلەردىڭ بولجامىنا قاراعاندا, ول ءوزىنىڭ قىزمەتىن اسىرا پايدالانۋ ارقىلى اقشالاي پارا الىپ كەلگەن. ونىڭ كولەمى 1 ميلليون دوللارعا جۋىقتايدى. جەتپىس جاستاعى ساياساتكەرگە قارسى بەس ءتۇرلى ايىپ تاعىلىپ وتىر. سپيكەردىڭ ادۆوكاتى وعان تاعىلعان ايىپ «نەگىزسىز» دەپ اتادى. جوعارى لاۋازىمداعى شەنەۋنىكتىڭ تۇتقىندالۋى نيۋ-يوركتىك زاڭ شىعارۋشى ورگانى ءۇشىن كۇتپەگەن جاعداي بولدى.
قىسقا قايىرىپ ايتقاندا:
*«شرەك», «كۋنگ-فۋ پاندا» جانە «ماداگاسكار» فيلمدەرىمەن تانىمال DWA ستۋدياسى وسى جىلى ءوزىنىڭ بارلىق بولىمشەلەرىنەن 500-گە جۋىق قىزمەتكەرىن قىسقارتادى. وعان ستۋديانىڭ سوڭعى جىلدارى پروكاتقا شىعارعان مۋلتفيلمدەرىنىڭ سۇرانىسقا يە بولا الماعاندىعى سەبەپ بولعان.
*اقش وزبەكستانعا 328 بروندى ماشينا بەرۋى ىقتيمال. بۇل قورعانىس تەحنيكالارى قايتارىمسىز نەگىزدە بەرىلمەك.
*ماسكەۋدىڭ ورتالىق اكىمشىلىك وكرۋگى اۋماعىندا پوليتسەيلەر زاڭدى ۇرىلار «جيىنىنىڭ» جولىن كەستى. ۇستالعان 15 ادامنىڭ اراسىندا ىزدەۋدە جۇرگەندەر دە بار ەكەن.
*امەريكالىق رەجيسسەر مارتين سكورسەزە اقش-تىڭ ەكس-پرەزيدەنتى بيل كلينتون تۋرالى دەرەكتى فيلم ءتۇسىرۋدى ساياساتكەرمەن كەلىسپەۋشىلىككە بايلانىستى كەيىنگە قالدىردى.
كەپىلدەگىلەردىڭ تاعدىرى ازىرشە بەلگىسىز
«يسلام مەملەكەتى» دەگەننىڭ سودىرلارى ۋلتيماتۋم مەرزىمى وتكەننەن سوڭ, كەپىلگە الىنعان ەكى جاپوندىققا قاتىستى جاڭا بەينەۇندەۋدى جاريا ەتتى.
وندا «جاپونيا پرەمەر-ءمينيسترى سيندزو ابە وتىرىكتى جالعاستىرىپ كەلەدى. ول تۇتقىنداعى ەكى جاپوندىققا قاتىستى اياۋشىلىقتى سەزىنبەۋدە. جاپوندىقتار ەشقانداي جامانشىلىق جاساعان جوق. ءبىز ۋادەمىزدى ورىندايتىن بولامىز», – دەلىنگەن بەينەروليكتە. ۋلتيماتۋم مەرزىمى كەشە ءبىتتى. كەپىلدەگىلەردىڭ تاعدىرى ازىرشە بەلگىسىز.
چينناۆاتقا دا قاۋىپ تونگەن سياقتى
تايلاندتىڭ باس پروكۋراتۋراسى ەلدىڭ بۇرىنعى پرەمەر-ءمينيسترى ينگلاك چينناۆاتقا كۇرىش سالاسىن سۋبسيديالاۋ بارىسىندا جاۋاپسىزدىق تانىتتى دەگەن ايىپ تاعۋى ىقتيمال.
«رەيتەر» اگەنتتىگىنىڭ حابارلاۋىنشا, وعان قاتىستى قىلمىستىق ءىس تايلاندتىڭ جوعارعى سوتىندا قارالاتىن بولادى. قىلمىسى دالەلدەنەتىن بولسا, ەكس-پرەمەر 10 جىلعا سوتتالۋى مۇمكىن. ي.چينناۆات وپپوزيتسيانىڭ تالاپ ەتۋىمەن 2013 جىلدىڭ قاراشاسىندا وتستاۆكاعا كەتكەن بولاتىن.
ءبىر-بىرىنە وق اتۋ جيىلەپ بارادى
ارمەنيا قارۋلى كۇشتەرىنىڭ ەكى اسكەري قىزمەتشىسى ازەربايجاننىڭ ارنايى ماقساتتاعى بولىمشەسىمەن جارتى ساعاتقا سوزىلعان ۇرىس كەزىندە قازا تاپتى.
ارمەنيا قورعانىس ءمينيسترىنىڭ ءباسپاسوز حاتشىسى ارتسرۋن وۆاننيسياننىڭ ايتۋىنشا, جۇماعا قاراعان ءتۇنى ۋاقىتشا ءبىتىم رەجىمىن ازەربايجان تاراپى شامامەن 300 رەت بۇزعان. سونداي-اق, ول جۇما كۇنى ەرتەڭگىلىك ازەربايجاندىق اسكەريلەر ارمەنيانىڭ سولتۇستىك-شىعىسىنداعى بىرقاتار اسكەري بەكىنىستەرگە شابۋىل جاساعانىن ايتىپ وتىر. ال كەشە ازەربايجان قورعانىس مينيسترلىگىنىڭ ءباسپاسوز قىزمەتى ءوز سايتىندا ارمەنيانىڭ قارۋلى كۇشتەرى وق اتپاۋ رەجىمىن 87 رەت بۇزعانى جونىندە حابارلادى.
ينتەرنەت ماتەريالدارى نەگىزىندە ازىرلەندى.
