بۇل تۋرالى قۇنانباي شوبەرەسى ءارحام كاكىتاي ۇلى تومەندەگىدەي دەرەك كەلتىرەدى: «اباي ءوزى باسقارىپ مەككە جاقتىڭ جولىن, ءجونىن جازىپ-سىزىپ بەرىپ, اۋىزشا ۇقتىرىپ, جولعا سالىپ جىبەرەدى. ول كۇندە جول قاتىناسى وتە قيىن, سەمەيدەن ات-اربامەن شىعىپ, قارقارالىعا سوعىپ, ودان ومبى قالاسىنا بارىپ پويىزعا وتىرىپ, قارا تەڭىزدەن پاراحودقا وتىرىپ كوپ ميحنات كورىپ, ءبىر ايدان اسقاندا مەككە قالاسىنا جەتەدى».
شاكارىم قۇدايبەردى ۇلى قۇنانباي اتاسى مەككەدە تاكيە ءۇيىن تۇرعىزعانىن دەرەك قىلادى. ال م.اۋەزوۆ جازبالارىندا قاجىلىقتان قايتىپ كەلگەن سوڭ, «دۇنيە ءسوزىن سويلەمەيمىن» دەپ, ەشبىر جانمەن ءتىل قاتىسپاي, وڭاشا ۇيدە شىمىلدىقتىڭ ىشىندە جالعىز وتىرعانى كەزدەسەدى.
سول قاجىلىق ساپارىنان قايتقاندا قۇنانباي وسكەنباي ۇلى وزىنە ارنايى تاقيا تىككىزىپتى. تاقيادا قىزىل ماتاعا گۇل مەن جاپىراق بەينەسىندەگى كەستەلى ورنەكتەر سالىنعان. تاقيا – اباي مۋزەيىنىڭ ەلەۋلى ەكسپوناتتار قورىنداعى جادىگەرلەردىڭ ءبىرى. مۋزەي قورىنا ابايدىڭ شوبەرەسى باعفۋر اقىلباەۆ تاپسىرعان. بۇگىندە تاقيانىڭ كوشىرمەسى ابايدىڭ جيدەبايداعى مۋزەي-ۇيىندە كورەرمەن نازارىنا ۇسىنىلعان. تۇپنۇسقاسى ابايدىڭ «جيدەباي-ءبورىلى» مەملەكەتتىك مۋزەي-قورىندا ساقتالعان.
اباي وبلىسى
