ايەلدەر جانە «جاسىل» كاسىپكەرلىك

قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن كەزەكتى بريفينگتىڭ تاقىرىبى «G-Global جاسىل ەكونوميكا جانە دامۋ كواليتسياسى» بولدى. جۋرناليستەرگە اتقارىلعان جۇمىستار جايلى اڭگىمەلەگەن «جاسىل» ەكونوميكا ءۇشىن جانە G-Global-دى دامىتۋ كواليتسياسى» زتب اتقارۋشى ديرەكتورى اسحات سۇلەيمەنوۆ: «2014 جىلدىڭ ىشىندە قازاقستاننىڭ بارلىق ايماقتارىن قامتيتىن 20-عا جۋىق جاسىل جوبالاردى جۇزەگە اسىرىپ, وڭ ناتيجەلەرگە قول جەتكىزدىك. كواليتسيانىڭ ۇلىبريتانياداعى ارنايى وكىلى ءبىزدىڭ جوبالارىمىزدى, قازاقستاننىڭ جاسىل باستامالارىن حالىقارالىق دەڭگەيدە تانىستىرىپ, جوبانىڭ تۇساۋكەسەرىن وتكىزدى», دەي كەلە, كواليتسيانىڭ قارقىندى جۇمىسىنىڭ ارقاسىندا ەلىمىزدە «جاسىل ەكونوميكا» نەگىزدەرىن ۇيرەتەتىن وقۋلىق كۋرسى, قازاقستاندىق «جاسىل كوم­پانيالاردىڭ» العاشقى كاتالوگى, ەلىمىزدىڭ «جاسىل ەكونوميكاداعى» الەۋەتىن دارىپتەيتىن بەينەفيلمدەر, «جاسىل ەكونوميكا» تاقىرىبىنا ارنالعان بىرنەشە ينتەرنەت پورتالدار پايدا بولعانىن جەتكىزدى. سونىمەن قوسا, ول حالىق اراسىندا «جاسىل ەكونوميكانىڭ» باسىم باعىتتارى مەن قول­جە­تىم­دىلىگىن ناسيحاتتاۋعا باعىتتالعان ءىس-شارالار, ءتۇرلى دەڭگەيدەگى كونفەرەنتسيالار مەن دوڭگەلەك ۇستەلدەر تۇراقتى تۇردە ۇيىمداستىرىلىپ وتىراتىنىنا توقتالىپ, شارالاردىڭ قورىتىندىسى رەتىندە كوالي­تسيا­نىڭ ءاردايىم زاڭناماعا, مەم­لەكەتتىك باعدارلامالارعا وزگەرىس ەنگىزۋ جونىندەگى جانە باسقا دا ۇسىنىستارىن پارلامەنتكە, ۇكىمەتكە جولداپ وتىراتىنىن دا قاپەرگە سالىپ ءوتتى. ودان ءارى شەشەن جاسىل تەحنولوگيالاردى تۇرمىستىق دەڭگەيدەن حالىق ساناسىنا سىڭىرۋگە باعىتتالىپ جاسالىپ جاتقان جوبالاردىڭ دا بارشىلىق ەكەندىگىن ايتىپ, ولاردىڭ ىشىندە اۋىلدا جۇ­مىس­سىز وتىرعان ايەلدەردىڭ ءوز ىستەرىن اشۋلارىنا مۇمكىندىك بەرەتىن, وسىلايشا اۋىل ءومىرىنىڭ ساپاسىن ارتتىرۋعا ۇلەس قوساتىن جوبا­لاردىڭ الەۋمەتتىك ماڭىزىنىڭ ەرەكشەلىگىنە توقتالعان. بريفينگتە ءمالىم بولعانداي, «الەۋمەتتىك ديناميكا» قوعامدىق قورىمەن بىرلەسە وسىمەن ءۇشىنشى جىل قاتارىنان ۇيىمداستىرىلىپ وتىرعان جوبا بارىسىندا اۋىلدا تۇراتىن ايەلدەر «جاسىل» كاسىپكەرلىك نەگىزدەرىنە وقى­تى­لۋمەن قاتار, ءوز ىستەرىن باستا­عان ايەلدەرگە كەڭەستىك جانە ءادىس­نامالىق قولداۋ دا كورسەتىلىپتى. جوبا شەڭبەرىندە ۇيىمداستىرىلعان بايقاۋ ءناتي­جە­سىندە ەڭ ۇزدىك بيزنەس يدەيا­سى بار ايەلدەرگە ءوز ءىسىن اشۋعا گرانت بەرىلىپ تۇرعان. وسى ۋاقىتقا دەيىن جوبانى جۇزەگە اسىرۋ بارىسىندا 70-تەن اسا ترەنينگ وتكىزىلىپ, وعان 3400-دەن استام ايەل قاتىسقان. 12 ايەل ءوز شاعىن بيزنەسىن اشىپ ۇلگەرگەن. ءبىرىنشى جىلى بايقاۋ الماتى جانە استانا كولەمىندە عانا وتكىزىلسە, بىلتىرعى بايقاۋ رەسپۋبليكالىق دەڭگەيدى قامتىعان ەكەن. مىسالى, بىلتىرعى كونكۋرس جەڭىمپازدارى ەكوونىمدەر شىعارۋ, ەكوماتادان سومكە تىگۋ, كۇن ساۋلەسىن قولدا­نۋ ارقىلى ورگانيكالىق ءونىم­دەر­دى كەپتىرۋ (ساڭىراۋقۇلاق, جەمىس-جيدەك جانە ت.ب.), بيوگۋمۋس وڭدەۋ, ۆەرميكومپوست جانە ت.ب. باعىتتاردا ءوز شاعىن بيزنەستەرىن اشىپتى. اسحات سۇلەيمەنوۆ بيىلعى جىلى «جاسىل» ەكونوميكانى قول­داۋ جانە G-Global-دى دامىتۋ كواليتسياسى وسى رەتتە 9 گرانت بولەتىنىن, جوباسى ۇزدىك دەپ تانىل­عانداردىڭ ارقايسىسىنا 720 مىڭ تەڭگە قاراجات قاراس­تى­رىلىپ وتىرعانىن دا ايتىپ ءوتتى. «بۇگىننەن باستاپ, «جاسىل» بيزنەس-يدەيالارى بار جانە ءوز كاسىبىن اشقىسى كەلەتىن جۇ­مىسسىز ايەلدەر ccb.kz سايتىندا بيزنەس كونكۋرسقا قاتىسۋ ءۇشىن ءوتىنىم جىبەرۋلەرىنە بولادى. كونكۋرس اياسىندا قاتىسۋشى ايەلدەرگە بيزنەس نەگىزدەرى بويىنشا ساباقتار جۇرگىزىلىپ, ەڭ ۇزدىك بيزنەس-جوس­پار جاساعاندارىنا اقشالاي ىنتالاندىرۋ سىي­لىق­تارى بەرىلەدى. بايقاۋعا قاتىسۋعا نيەتتىلەر 2015 جىلدىڭ 1 ناۋ­رىزىنا دەيىن ءوتىنىش تاپسىرا الادى. كونكۋرسقا قاتىسۋ ءۇشىن جۇمىسسىز ايەلدەر جەكە كاسىپ­كەر رەتىندە تىركەلەدى نەمەسە ءوزىنىڭ شاعىن كاسىپورنىن اشادى. بيزنەس-جوسپار جاساپ, ۇيىم­داس­تىرۋ كوميتەتىنە جىبەرسە, كونكۋرس ايا­سىندا «جاسىل» بيزنەس-يدەيالار ارتىقشىلىققا يە بولادى», – دەدى ول. بريفينگتە Coca-Cola بەلەس­تەرi باعدارلاماسىنىڭ اياسىندا ەكوسومكەلەر شىعارۋعا مۇمكiندiك العان جانار بايبولوۆا: «كون­كۋرس­قا ەكوماتەريالدان جاسال­عان ەكوسومكەلەر جوباسىمەن قاتىس­قان بولاتىنمىن. بۇل جوبا ەكولو­گيالىق تۇرعىدان ءوندiرiس ۋاقىتىن­دا دا جانە ونى پايدالانۋ كەزەڭ­دەرiندە دە ەكولوگيالىق تازا ءونىم ەكەندىگىمەن ەرەكشە­لەنە­دى. ياعني, ءوندiرiستiڭ بارىسىندا بiز قولدانىپ وتىرعان قاجەتتi ونiمدەر, تەحنولوگيالار ەكولوگيالىق تازا. بۇل ونiمدەردi قولداناتىن ايەلدەر مەن بالالاردىڭ دەنساۋلىعىنا تيەتىن ەشبiر زيان جوق», – دەپ ءوز كاسىبىن اشۋعا قولىن سوزعان جوبانى ۇيىمداستىرۋشىلارعا العىسىن ايتتى. انار تولەۋحانقىزى, «ەگەمەن قازاقستان».