اياگوز اۋدانى – اباي وبلىسىنا قارايتىن, حالقىنىڭ سانى 80 مىڭعا جۋىقتايتىن ىرگەلى ءوڭىر. ءتورت جىلدان كەيىن اۋداننىڭ قۇرىلعانىنا تۋرا 100 جىل تولادى. عاسىرلىق تويى الدىندا جەرگىلىكتى جۇرتتىڭ قۋانىشى ەسەلەنىپ, باسپانالى بولىپ جاتىر. اتاپ ايتقاندا, تاياۋدا جاستارعا ارنالعان ايماقتىق باعدارلاما بويىنشا جاس وتباسىلارعا جاڭا كىلتتەردى تاپسىرۋ ءراسىمى وتكەن. بۇل – اياگوز اۋدانى اكىمدىگى مەن «وتباسى بانكىنىڭ» بىرلەسكەن باعدارلاماسى. باستاپقى كەزەڭدە جەرگىلىكتى اكىمدىك ءوز بيۋدجەتىنەن 81 ملن تەڭگە كولەمىندە قاراجاتىن ءبولىپ وتىر.
اياگوز اۋدانىندا قۇرىلىس قارقىنى جىل سايىن ارتىپ كەلە جاتقانىن دا اتاپ ءوتۋ كەرەك. ماسەلەن, رەسمي مالىمەتكە سۇيەنسەك, 2024 جىلدىڭ قاڭتار مەن ءساۋىر ايلارىندا اۋداندا 4189 شارشى مەتر تۇرعىن ءۇي ىسكە قوسىلعان. بۇل – 2023 جىلدىڭ سايكەس كەزەڭىنە قاتىستى 107,8% دەڭگەيىندە.
اۋداندا اتالعان باعدارلاما جىلدىڭ باسىندا ىسكە قوسىلعان. وتباسى بانكتىڭ وڭىرلەرگە نازار اۋدارۋى كەرەكتىگىن بۇعان دەيىن ەستەرىڭىزدە بولسا, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ جولداۋىندا ايتقان ەدى.
«باستى نازاردى وبلىس ورتالىقتارىنا ەمەس, اۋداندارعا, مونو-قالالارعا جانە اۋىلدارعا اۋدارعان ءجون», دەدى پرەزيدەنت بىلتىرعى جولداۋىندا.
اكىمدىكتەر بەلسەندى بولسا باسپانالى بولعان وتباسىلاردىڭ سانى ارتادى. بۇگىندە وتباسى بانكىنىڭ وڭىرلەردە ءساتتى جۇمىس ىستەپ تۇرعان «وڭىرلىك باعدارلاما» اتتى جوباسى وسى ءسوزىمىزدىڭ دالەلى بولادى. تەك وبلىس اكىمدىكتەرى تاراپىنان بەلسەندىلىك كەرەك, سوندا عانا بانك پەن جەرگىلىكتى اتقارۋشى بيلىك ىنتىماقتاسىپ, ەلدىمەكەن تۇرعىندارىن باسپانامەن قامتاماسىز ەتپەك. ال بۇل جوبادان باس تارتپاي, بانكپەن ىمىراعا كەلگەن اياگوز اۋدانى اكىمدىگىنىڭ جانە اۋدان اكىمى ءادىلباي سەرىكقان ۇلىنىڭ ارقاسىندا بيىلعى جىلى جەرگىلىكتى تۇرعىندار قونىس تويلارىن بىرىنەن كەيىن ءبىرى اتاپ وتپەك. ال اياگوز جاستارىنىڭ باسپانالى بولۋى ارقىلى اۋدان اكىمى پرەزيدەنتتىڭ تاپسىرماسى ورىندالىپ جاتقانىن حابارلادى.
«اۋدانىمىزدا وسىنداي يگى باعدارلاما ىسكە اسىرىلىپ جاتقانىنا قۋانىشتىمىز. مەملەكەت باسشىسى جۇزەگە اسىرىپ جاتقان مەملەكەتتىك وڭىرلىك باعدارلامالار قازاقستاندىقتاردىڭ جايلى ءومىر سۇرۋىنە جانە باسپانامەن قامتاماسىز ەتۋگە باعىتتالعان. يگىلىگىن ءبىزدىڭ اۋدان جاستارى كورىپ, قۋانىپ جاتىر. مۇنداي باعدارلامالار جاستاردى اۋداندا قالىپ, ەڭبەك ەتۋگە ىنتالاندىرادى. سونىسىمەن پايداسى مول. ەلىمىزدىڭ ءار اۋدانىندا جاس قازاقستاندىقتاردى باسپانامەن قامتاماسىز ەتۋگە باعىتتالعان باعدارلامالار جۇزەگە اسسىن دەپ تىلەيمىز», دەيدى اۋدان اكىمى قانات ءادىلباي.
بۇل تاپسىرمانى بۇلجىتپاي ورىنداۋ – ءوڭىر باسشىلىقتارىنا مىندەت. وسى ماقساتتا وتباسى بانك اياگوز اۋدانى اكىمدىگىنىڭ جانە اۋدان اكىمى ءادىلباي قانات سەرىكقان ۇلىنىڭ قولداۋىمەن اۋدان تۇرعىندارىنا باعداردامانى جۇزەگە اسىرۋدىڭ باستى باعىتىن وزگەرتۋ بويىنشا بەلسەندى جۇمىس اتقارۋدا.
«جاڭا ۇيدەن باسپانالى بولىپ وتىرعانىمىزعا قۋانىشتىمىز. قالاعا كوشەمىز دەپ ويلاعانبىز. بىراق اۋداندا وسىنداي جاپ-جاقسى ۇيلەر بەرىلىپ, جۇمىسىمىز تۇراقتى بولسا, جايلى ءومىر دەگەن وسى ەمەس پە!؟», دەيدى سالتانات ەسىمدى جاس انا.
باعدارلامانىڭ شارتتارى قانداي
اياگوز اۋدانىنىڭ جاستارى ارلەۋى تازا جاڭا ۇيدەن جەڭىلدەتىلگەن نەسيەلەۋ شارتىمەن باسپاناعا قول جەتكىزدى. يپوتەكا بويىنشا سىياقى مولشەرلەمەسى 5% (جتسم 5,2%-دان 5,7%-عا دەيىن), باستاپقى جارناسى 10% قۇرايدى. تۇرعىن ءۇيدى العاشقى نارىقتان ساتىپ الۋعا مۇمكىندىك بەرىلگەن. نەسيەنىڭ ەڭ جوعارى سوماسى – 9 ملن تەڭگە. باعدارلاماعا دەنساۋلىق ساقتاۋ, ءبىلىم بەرۋ, مادەنيەت, سپورت, باق, الەۋمەتتىك سالا قىزمەتكەرلەرى مەن مەملەكەتتىك قىزمەتشىلەر قاتىسقان.
جالپى ايتا كەتەرلىگى, وتباسى بانك سەمەي قالاسىندا دا اكىمدىكپەن بىرلەسىپ, «اباي جاستارى» باعدارلاماسىنىڭ ەكىنشى كەزەڭىن دە باستاعان بولاتىن. ونى قارجىلاندىرۋعا 300 ملن تەڭگە بولىنگەن. باعدارلاماعا 35 جاسقا دەيىنگى اكىمدىك كەزەگىندە تۇرعان مادەنيەت پەن سپورت, دەنساۋلىق ساقتاۋ سالالارىنىڭ جاس قىزمەتكەرلەرى, باق وكىلدەرى قاتىسا الادى. وعان نيەتتى ازاماتتار اباي وبلىسى سەمەي قالاسىندا تىركەلگەن بولۋى ءتيىس. نەكەدە تۇرعان, سونداي-اق 18 جاسقا تولماعان بالالارى بار تۇلعالار ءۇشىن – وسى ەلدىمەكەندە وتباسىنىڭ بارلىق مۇشەلەرىن تىركەۋ مىندەتتى.
