فوتو: 018.kz
زاڭ جوباسىندا كەلەسى جىلى بيۋدجەتكە 21,7 ترلن تەڭگە (2026 جىلى – 19,4 ترلن تەڭگە; 2027 جىلى – 20,9 ترلن تەڭگە) كولەمىندە تۇسىمدەر بولجانعان. سونىمەن قاتار ۇلتتىق قوردان 2 ترلن تەڭگە كولەمىندە كەپىلدەندىرىلگەن ترانسفەرت تارتۋ جوسپارلانعان. ال 2025 جىلعا ارنالعان بيۋدجەت شىعىستارى 25,8 ترلن تەڭگەنى قۇرايدى.
ايتا كەتۋ كەرەك, بيۋدجەت ءالى كۇنگە الەۋمەتتىك باعىتتا قالىپ وتىر. ەل ۇكىمەتى اتالعان سالاعا 9,8 ترلن تەڭگە ءبولدى. بۇل وتكەن جىلمەن سالىستىرعاندا 794 ملرد تەڭگەگە ارتىق.
قارجى مينيسترلىگىنىڭ دەرەگىنشە, شىعىستاردىڭ نەگىزگى بولىگى ينفلياتسيا دەڭگەيىندەگى الەۋمەتتىك تولەمدەردى يندەكساتسيالاۋعا (بازالىق زەينەتاقى مەن جاردەماقى 6,5%-عا, ورتاق زەينەتاقى 8,5%-عا), گرانتتار سانىن قوسىمشا 2,5 مىڭ ورىنعا ۇلعايتۋعا, جوو ستۋدەنتتەرىنە شاكىرتاقى مولشەرىن 15-20%-عا ارتتىرۋعا, تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە حالىقتى مەديتسينالىق كومەكپەن قامتۋدى ارتتىرۋعا باعىتتالماق.
