فوتو: ult.kz
«قازاقستان پرەزيدەنتى ق.توقاەۆ 2023 جىلدىڭ قىركۇيەگىندە ول «اتوم ەنەرگەتيكاسىن دامىتۋ اسا ماڭىزدى ەكونوميكالىق ءارى ساياسي ماسەلەگە اينالعانىن» ايتا كەلە, ەل ۇكىمەتىنە اەس قۇرىلىسى ماسەلەسىن جان-جاقتى تالقىلاپ قانا قويماي, ونى جالپىحالىقتىق رەفەرەندۋمعا شىعارۋدى تاپسىردى. بيىل ماۋسىم ايىنىڭ سوڭىندا باق قىزمەتكەرلەرىن ماراپاتتاۋ كەزىندە ق.توقاەۆ اتوم ەنەرگەتيكاسىن دامىتۋ ماسەلەسىنە قايتا ورالىپ, قازىرگى تاڭدا اەس قۇرىلىسىن قازاقستانداعى باق-تىڭ باستى تاقىرىبىنا اينالدىردى», دەپ جازادى پورتال.
ال اەس قۇرىلىسىن قولدايتىندار مۇنىڭ ەلدەگى ەنەرگيا تاپشىلىعىن جوياتىنىن العا تارتادى. «ەنەرگەتيكا سالاسىندا 20 جىلدان اسا ەڭبەك ەتكەن كاسىپكەر شىڭعىس سەرىكوۆ كەرىسىنشە, قازاقستاننىڭ بولاشاق ەنەرگەتيكالىق تاۋەلسىزدىگى تەك اتوم ەنەرگەتيكاسىمەن بايلانىستى ەكەنىنە سەنىمدى. ول ءوز سوزىنە بىرنەشە فاكتوردى دالەل رەتىندە كەلتىرەدى: قازاقستان بارلانعان ۋران قورى جونىنەن الەمدە ەكىنشى ەل, ال ونى وندىرۋدەن – ءبىرىنشى. جىلۋ شىعاراتىن ەلەمەنتتەر ءوندىرىپ, ونى ءتۇرلى ەلدەرگە ەكسپورتتايدى. «ەندى تەك اەس سالىپ, ەلەكتر ەنەرگياسى تاپشىلىعىن شەشۋ عانا قالىپ وتىر. ءبىز ەلدە تۇتىنىلاتىن ەنەرگيانىڭ 20 پايىزىن ۇنەمى رەسەيدەن ساتىپ الۋعا ءماجبۇرمىز» دەيدى ول. ونىڭ ايتۋىنشا, وتكەن عاسىردىڭ 30-50 جىلدارى سالىنعان جىلۋ جانە گيدروەلەكتر ستانسالارىن جاڭعىرتۋ ءتيىمسىز, وعان كوپ قارجى كەتەدى. ال كۇن پانەلدەرى ءۇش جىلدان كەيىن كومەسكىلەنىپ, ستانسانىڭ قۋاتىن ازايتادى. سوندىقتان قىتاي نەمەسە رەسەي سالاتىن اەس قانا ەلدەگى تاڭعى جانە كەشكى ەلەكتر ەنەرگياسىن تۇتىنۋ مولشەرىن جابا الادى. ويتكەنى ولاردىڭ ۇسىنىپ وتىرعان رەاكتورلارى «4+» بۋىنىنا جاتادى. بۇل باسقا ەلدەردىڭ رەاكتورلارىنا قاراعاندا وزىق», دەپ جازادى CAREC پورتالى.
