فوتو: كولىك مينيسترلىگى
سىناق رەجيمىندە جۇمىس ىستەيتىن جاڭا جۇيە قالاعا پاۆلودار, قاراعاندى, قوستاناي, كوكشەتاۋ, قوسشى, سونداي-اق قاراوتكەل جانە مالوتيموفەەۆكا كەنتتەرى تاراپىنان ورناتىلعان. سوڭعى ءبىر ايدا 10 مىڭنان استام زاڭبۇزۋشىلىق تىركەلگەن.
كولىك قۇرالدارىنىڭ رۇقسات ەتىلگەن ماسساسى تومەندە كەلتىرىلگەن نورمادان (توننامەن) اسپاۋى ءتيىس:
- ءۇش ءوستى (م3 ساناتىنداعى بۋىندى اۆتوبۋستاردى قوسپاعاندا) – 25 توننا;
- ءتورت ءوستى, ونىڭ ىشىندە ەكى باسقارىلاتىن ءوسى بار – 32 توننا;
- بەس ءوستى – 38 توننا
- التى نەمەسە ودان دا كوپ وستەرى بار – 44 توننا.
ايتا كەتەيىك, جالپى سالماق جۇكتىڭ دە, كولىكتىڭ دە سالماعىن قامتيدى.
وسىلايشا اۆتوماتتاندىرىلعان ولشەۋ جۇيەسى, ولاردىڭ ارقايسىسى اۆتوكولىك قۇرالىنىڭ ديناميكاسىنداعى وسكە شاققانداعى ماسسانى ولشەيدى جانە رۇقسات ەتىلگەن سالماق پارامەترلەرىنەن اسىپ كەتۋ جاعدايلارىن تىركەيدى. اۆتوكولىكتىڭ شامادان تىس سالماعى انىقتالعان كەزدە جۇيە اۆتوماتتى تۇردە فوتوفيكساتسيا جاسايدى, سودان كەيىن اقپارات كولىك دەرەكقورىنىڭ اقپاراتتىق-اناليتيكالىق جۇيەسىنە بەرىلەدى. بۇل كولىك كوميتەتىنە سالماق نورمالارىنان اسىپ كەتۋگە بايلانىستى قۇقىق بۇزۋشىلىقتار تۋرالى حابارلامالاردى جەدەل جىبەرۋگە مۇمكىندىك بەرەدى.
سونىمەن قاتار ايىپپۇلداردىڭ مولشەرى وسكە شاققانداعى سالماقتىڭ ارتۋ دارەجەسىنە بايلانىستى جانە كاسىپكەرلىك تۇرىنە بايلانىستى – شاعىن, ورتا نەمەسە ءىرى – 40 اەك-تەن (147 مىڭ 680 تەڭگە) 1000 اەك-كە (3 ملن 692 مىڭ تەڭگە) دەيىن وزگەرۋى مۇمكىن.
