فوتو: اشىق دەرەككوز
بۇعان دەيىن ءبىرىنشى ساتىداعى سوتتىڭ ۇكىمىمەن سوتتالۋشى ابايسىزدا ادام ولىمىنە اكەپ سوقتىرعانى ءۇشىن كىنالى دەپ تانىلىپ (قك 104-بابىنىڭ 1-بولىگى), 2 جىل 6 ايعا باس بوستاندىعىنان ايىرىلعان. بىراق سوت پروتسەسىنە قاتىسۋشىلار بۇل شەشىمگە اپەللياتسيالىق شاعىم تۇسىرگەن.
ءىس ماتەريالدارىن زەردەلەۋ بارىسىندا سوت القاسى 2023 جىلدىڭ قازان ايىندا كافەدەن شىعۋ بارىسىندا تاكسيگە قاتىستى تۋىنداعان جانجال كەزىندە, سوتتالۋشى ت. جابىرلەنۋشى ك.-نى كۇشتەپ يتەرىپ جىبەرگەنىن انىقتاعان. ناتيجەسىندە ك. ارىققا قۇلاپ, باسىنىڭ ارتقى جاعىمەن بەتون ارىعىنىڭ شەتىنە سوعىلىپ, العان جاراقاتىنان قايتىس بولعان.
ءىس ماتەريالدارى قايتا قارالىپ, كورسەتىلگەن ءمان-جايلاردى, سونداي-اق ساراپتامانىڭ قورىتىندىسىن ەسكەرە وتىرىپ, سوت القاسى بۇرىن شىعارىلعان ۇكىمنىڭ كۇشىن جويعان.
«القا قاۋلىسىمەن ت. ابايسىزدا ادام ولىمىنە اكەپ سوقتىرعان دەنساۋلىققا قاساقانا اۋىر زيان كەلتىرگەنى ءۇشىن كىنالى دەپ تانىلدى (قك 106 - بابىنىڭ 3-تارماعى) جانە وعان 8 جىل مەرزىمگە باس بوستاندىعىنان ايىرۋ جازاسى تاعايىندالدى», دەپ حابارلادى قالالىق سوت.
ۇكىم زاڭدى كۇشىنە ەندى.
