وقۋ-اعارتۋ مينيسترلىگى حابارلاعانداي, ەلىمىزدە بالالاردى مەكتەپتەر اراسىندا اۋىستىرۋ بويىنشا مەملەكەتتىك قىزمەت اۆتوماتتاندىرىلدى. وسىعان وراي eGov.kz پورتالىنداعى ء«بىلىم» بولىمىندە تۇرعىلىقتى جەرى بويىنشا نەمەسە ودان تىس جەرلەردە كورسەتىلگەن كەز كەلگەن ءبىلىم ۇيىمىن تاڭداۋ مۇمكىندىگى بەرىلەدى.
جاڭا ۇدەرىس ەسەپتەن شىعارۋ جانە بەكىتۋ تالوندارىن, سونداي-اق جەكە ءىس قۇجاتتارىن تاپسىرۋدى قاجەت ەتپەيدى. مەكتەپ تاڭداعان كەزدە وقۋ ءتىلى دە كورسەتىلەدى. سونداي-اق ءوتىنىش بەرۋشىنىڭ ءوتىنىمدى قايتارىپ الۋعا مۇمكىندىگى بار.
بۇل مەملەكەتتىك قىزمەتتى الۋ ءۇشىن الدىمەن eGov.kz پورتالىندا تىركەلىپ, ء«بىلىم» بولىمىنە ءوتۋ كەرەك. سودان سوڭ «ورتا ءبىلىم» بولىمىندە «بالالاردى مەكتەپتەن مەكتەپكە اۋىستىرۋ ءۇشىن قۇجاتتاردى قابىلداۋ» مەملەكەتتىك قىزمەتىن تاڭداپ, قاجەتتى جولداردى تولتىرۋ جانە ەلەكتروندى تسيفرلىق قولتاڭبا كومەگىمەن وتىنىشكە قول قويۋ قاجەت. قىزمەت ناتيجەسىمەن «جەكە كابينەتتە» تانىسۋعا بولادى.
جاڭا مەملەكەتتىك قىزمەت ءتۇرىن وقۋ-اعارتۋ مينيسترلىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «احمەت بايتۇرسىن ۇلى اتىنداعى «تالداۋ» ۇلتتىق زەرتتەۋلەر جانە ءبىلىمدى باعالاۋ ورتالىعى» اكتسيونەرلىك قوعامى جانە «ۇلتتىق اقپاراتتىق تەحنولوگيالار» اكتسيونەرلىك قوعامى بىرلەسىپ ازىرلەدى.
