فوتو: اقوردا
ءىس-شارادا مەملەكەت باسشىسىنىڭ باستامالارىن ءتيىمدى جۇزەگە اسىرۋعا, ىشكى ساياسات سالاسىنداعى جۇمىستى ۇيىمداستىرۋعا, ەتنوسارالىق جانە كونفەسسياارالىق كەلىسىمدى نىعايتۋعا, ساياسي پارتيالارمەن, شىعارماشىلىق وداقتارمەن, قوعامدىق ۇيىمدارمەن, ازاماتتىق قوعامنىڭ وزگە دە قۇرىلىمدارىمەن قارىم-قاتىناس جاساۋعا, اقپارات جانە جاستار ساياساتىن جۇرگىزۋگە, سونداي-اق باسقا دا وزەكتى تاقىرىپتارعا قاتىستى ماسەلەلەر تالقىلاندى.
ەرلان قارين پرەزيدەنتتىڭ باستاماسىمەن جۇزەگە اسىرىلعان رەفورمالار جانە قوعامداعى وزگەرىستەر ەلىمىزدە مۇلدە جاڭا ساياسي احۋال قالىپتاستىرعانىن ايتتى. مۇنى, ەڭ الدىمەن, كوزقاراستار مەن ۇستانىمداردىڭ ءار الۋاندىعىنان بايقاۋعا بولادى. سوندىقتان ىشكى ساياسات سالاسىنداعى جۇمىستى جوسپارلاپ, ونى ۇيلەستىرۋ جانە ۇيىمداستىرۋ ءۇشىن ءاردايىم تىڭ تاسىلدەر قولدانۋ كەرەك ەكەنىن اتاپ ءوتتى.
سونىمەن قاتار مەملەكەتتىك كەڭەسشى قوعاممەن بايلانىستى جانە ازاماتتارمەن ديالوگتى كۇشەيتۋ ارقىلى ىشكى ساياسي تۇراقتىلىقتى قامتاماسىز ەتۋ, جالپىۇلتتىق كەلىسىمدى نىعايتۋ نەگىزگى باسىمدىق بولىپ قالا بەرەتىنىن اتاپ ءوتتى.
مەملەكەتتىك كەڭەسشى ەرلان قارين جيىن سوڭىندا پرەزيدەنت ۇسىنعان «ادىلەتتى قازاقستان» يدەياسى جانە جالپىۇلتتىق قۇندىلىقتار نەگىزىندە ىشكى ساياسات سالاسىنداعى جۇمىستى جەتىلدىرۋگە, قوعامدىق كەلىسىمدى نىعايتۋعا قاتىستى جاۋاپتى ورگاندارعا ناقتى تاپسىرمالار بەردى.
