فوتو: ادەلايدا اۋەسبەكوۆا
بۇرىن استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2029 جىلعى 29 اقپانداعى سوت ۇكىمىمەن مۇحامەدي ۇلى ا. لاۋازىمدىق وكىلەتتىكتەرىن تەرىس پايدالانا وتىرىپ, كىنالىگە سەنىپ تاپسىرىلعان بوتەننىڭ مۇلكىن تالان-تاراجعا سالۋ ارقىلى, اسا ءىرى مولشەردە ۇرلاۋدى ۇيىمداستىرعانى, رەيدەرلىك ارەكەتكە باعىتتالعانى, وكىلەتتىكتەرىن تەرىس پايدالانۋدى ۇيىمداستىرعانى ءۇشىن مەملەكەتتىك قىزمەت اتقارۋعا ءومىر بويىنا تىيىم سالىپ, 11 جىلعا باس بوستاندىعىنان ايىرۋعا ۇكىم شىعارعان ەدى.
سونداي-اق نۇرازحان ا. كىنالىگە سەنىپ تاپسىرىلعان بوتەننىڭ مۇلكىن تالان-تاراجعا سالۋ جولىمەن, اسا ءىرى مولشەردە ۇرلاۋعا قاتىسقانى ءۇشىن مەملەكەتتىك قىزمەت اتقارۋعا ءومىر بويىنا تىيىم سالا وتىرىپ, 7 جىل 1 ايعا باس بوستاندىعىنان ايىرۋعا;
كوشەنوۆ ا. مەن سادۆوكاسوۆا ا. كىنالىگە سەنىپ تاپسىرىلعان بوتەننىڭ مۇلكىن اسا ءىرى مولشەردە, تالان-تاراجعا سالۋ جولىمەن ۇرلاۋعا جاردەمدەسكەنى ءۇشىن كوممەرتسيالىق جانە وزگە دە ۇيىمداردا 10 جىل مەرزىمگە ماتەريالدىق-جاۋاپتى لاۋازىمدارمەن اينالىسۋ قۇقىعىنان ايىرىلا وتىرىپ, 7 جىل 1 ايعا باس بوستاندىعىنان ايىرۋعا, سونداي-اق ا.سادۆوكاسوۆاعا ۇكىمنىڭ ورىندالۋىن 5 جىلعا كەيىنگە قالدىرۋ جازاسى قولدانىلدى;
ساتۋبالدين ا. مەن كوچەتوۆ ل. كىنالىگە سەنىپ تاپسىرىلعان بوتەننىڭ مۇلكىن اسا ءىرى مولشەردە, تالان-تاراجعا سالۋ جولىمەن ۇرلاۋعا قاتىسقانى ءۇشىن مەملەكەتتىك قىزمەتتە قىزمەت اتقارۋعا ءومىر بويىنا تىيىم سالا وتىرىپ, 7 جىلعا باس بوستاندىعىنان ايىرۋعا;
جۋاسپاەۆا گ. وكىلەتتىگىن اسىرا پايدالانعانى جانە كورىنەۋ جالعان قۇجاتتى پايدالانعانى ءۇشىن 2 جىلعا باس بوستاندىعىنان ايىرۋعا سوتتالعان.
سونداي-اق جۋاسپاەۆا گ. «قر تاۋەلسىزدىگىنىڭ 30 جىلدىعىنا وراي راقىمشىلىق جاساۋ تۋرالى» زاڭنىڭ نەگىزىندە نەگىزگى جازادان, قك 385-بابى 3-بولىگى بويىنشا قك 71-بابى 1-بولىگىنىڭ 1) تارماعى بويىنشا ەسكىرۋ مەرزىمىنىڭ وتۋىنە بايلانىستى قىلمىستىق جاۋاپتىلىقتان بوساتىلدى.
مادەنيەت جانە سپورت مينيسترلىگىنىڭ تالاپ قويۋى قاناعاتتاندىرىلىپ, 3,5 ملرد تەڭگەدەن استام سومادا كەلتىرىلگەن زالال وندىرىلگەن.
ءبىرىنشى ساتىداعى سوت ا.مۇحامەدي ۇلى جانە باسقالارى لاۋازىمدىق وكىلەتتىكتەرىن اسىرا پايدالانىپ, كىنالىگە سەنىپ تاپسىرىلعان بوتەننىڭ مۇلكىن تالان-تاراجعا سالۋ جولىمەن, اسا ءىرى مولشەردە ۇرلاۋدى ۇيىمداستىرىپ, وعان قاتىسقانى انىقتالدى. قورعاۋشىلار, سوتتالعاندار جانە ولاردىڭ ادۆوكاتتارى سوت ۇكىمىمەن كەلىسپەي, وعان شاعىم كەلتىرگەن.
«استانا قالالىق سوتىنىڭ سوت القاسى شاعىمداردىڭ دالەلدەرىن زەردەلەپ, پروتسەسكە قاتىسۋشىلاردى تىڭداپ, قىلمىستىق ءىستىڭ ماتەريالدارىن زەرتتەپ, سوتتالعانداردىڭ كىناسىنىڭ دالەلدەنگەنى تۋرالى سوت قورىتىندىلارىمەن كەلىستى. ءبىرىنشى ساتىداعى سوت ۇكىمىنىڭ كۇشىن جويۋ نەمەسە وزگەرتۋ ءۇشىن نەگىزدەر انىقتالمادى», دەلىنگەن استانا سوتتارى تاراتقان حابارلامادا.
ۇكىم زاڭدى كۇشىنە ەندى.
