قوستانايدا ءبىر تۇندە 7 كولىك ۇرلاندى

قوستاناي. 23 قاڭتار. قوستاناي قالاسىندا ءبىر تۇندە 7 كولىكتى ۇرلاپ كەتكەن. بۇل تۋرالى egemen.kz ءتىلشىسى حابارلادى. قوستانايدا جىل باسىنان بەرگى ءبىر ايعا تولمايتىن ۋاقىتتىڭ ىشىندە 18 جەڭىل كولىك ۇرلانعان. اسىرەسە, 16قاڭتاردان 17 قاڭتارعا قاراعان ءتۇنى بىردەن7 كولىك قولدى بولعان. ۇرىلار ۆاز ماركالى اۆتوموبيلدەردى الىپ كەتىپ وتىرعان. كولىكتەردىڭ ۇرلانۋى جۇرتشىلىقتى الاڭداتىپ وتىر. وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى ادىلبەك نۇرماحين: «18 ۇرلىقتىڭ ءىزى سۋىماي تۇرىپ 11-ءى اشىلدى. جەڭىل كولىكتەر اۋلالاردا ۇزاق تۇرىپ قالادى. ولاردىڭ كوبىسىنىڭ قورعانىس سيگنالدارى جوق. ۇرىلار دا وسىنداي كولىكتەردى توريدى» دەيدى. وبلىستا وسى ماسەلەنىڭ ماڭىزدىلىعىنا وراي جەدەل ىزدەستىرۋ توبى قۇرىلدى. وعان كريمينالدىق پوليتسيا, اكىمشىلىك جانە جول پوليتسياسى ماماندارى كىردى. توپ دەرەك ىسكە كىرىسىپ كەتتى. ءنازيرا جارىمبەتوۆا. دەرەك, سۋرەت: egemen.kz.