«جاستار رۋحى» جاستار قاناتىنىڭ توراعاسى اقەركە ەسكەندىروۆانىڭ ايتۋىنشا, اتالعان جوبا جاستار اراسىندا سالاماتتى ءومىر سالتىن ناسيحاتتاپ, سۋبمادەنيەت وكىلدەرىنە قولداۋ كورسەتۋ جانە جاستاردىڭ بوس ۋاقىتىن ءتيىمدى پايدالانۋىنا جاعداي جاساۋدى ماقسات ەتەدى. ەكى كۇنگە سوزىلعان چەمپيوناتتا ەلىمىزدىڭ تۇكپىر-تۇكپىرىنەن, سونداي-اق كورشىلەس مەملەكەتتەردەن ارنايى كەلگەن تانىمال ۇجىمدار مەن بيشىلەر, سونداي-اق جاس تالانتتار ونەر جارىستىرعان.
بي دوداسىنا جاپونيانىڭ Waacking ءبيشىسى, Asian waacking sensetion جەتەكشىسى, World of Dance World Final ءفيناليسى, سrowd FAVORITE سىيلىعىنىڭ يەگەرى Mizuki Jane Flamingo, بەلگيانىڭ حيپ-حوپ ءبيشىسى, 2022 جىلعى جازعى فەستيۆالدىڭ جانە جاھاندىق كوپتەگەن بي جارىسىنىڭ جەڭىمپازى Alex the Cage, سونىمەن قاتار كورەيالىق Popping ءبيشىسى, Lineup 9 judge ءفيناليسى Firebac ارنايى تورەلىك ەتىپ, ءادىل باعاسىن بەردى. سونداي-اق ولار چەمپيونات اياسىندا شەبەرلىك ساعاتتارىن وتكىزىپ, تاجىريبەلەرىمەن ءبولىستى.
جاپون ءبيشىسى, تورەشى Mizuki Jane Flamingo ونەر جارىسى اسا تارتىستى وتكەنىن ايتتى. «قازاقستانعا العاش رەت كەلىپ وتىرمىن. ۇيىمداستىرۋشىلار وتە جىلى قارسى الدى. ەكى كۇن بويى ءتۇرلى اتالىم بويىنشا سىنعا تۇسكەن تالانتتى بيشىلەردىڭ تارتىستى باسەكەسىنە كۋا بولدىق. شىنىمدى ايتسام, دارىندى جاستار اراسىنان جەڭىمپازداردى انىقتاۋ قيىنعا سوقتى», دەدى ول.
300-دەن استام ونەرپاز سىنعا تۇسكەن چەمپيوناتتا جەتى اتالىم بويىنشا ۇزدىك ونەرپازدار ايقىندالدى. اتاپ ايتساق, Hip-Hop 2x2 Begginers – اماليا مەن ەستەل, Hip-Hop 1ح1 Male – Overhitz, Hip-Hop 1ح1 Female – Nursaya, Popping 2x2 Pro – Sss&VV, Waacking 2x2 Pro – Yumetaurus, Waacking 2x2 Beginners – كچاۋ ارۋانا & نۇرساۋلە, All Styles 5x5 Rep Your Country – وزبەكستان كومانداسى جەڭىسكە جەتتى.
ايتا كەتەيىك, سوڭعى اتالىم بويىنشا جاپونيا, وزبەكستان, قازاقستان ەلدەرىنىڭ بيشىلەرى ونەر جارىستىردى. وعان قوسا قازاقستان, وزبەكستان, قىتاي, جاپونيا مەملەكەتتەرىنىڭ بيشىلەرى وزگە دە اتالىمدار بويىنشا باق سىنادى.
ۇزدىكتەرگە ارنايى سىيلىقتار مەن ديپلومدار تابىستالدى.
ەسكە سالساق, اتالعان چەمپيونات بىلتىر «ەسىرتكىگە جول جوق» جوباسى اياسىندا وتسە, بيىل V دۇنيەجۇزىلىك كوشپەلىلەر ويىندارى اياسىندا ۇيىمداستىرىلدى.
بىلتىرعى دودادا وزا شاپقان وزبەكستان كومانداسىنىڭ مۇشەسى ۆلاديمير مەشچەرياكوۆ بيىل All Styles 5x5 Rep Your Country اتالىمىندا باق سىناۋ ءۇشىن كوماندامەن كەلگەن.
«ەل نامىسىن قورعاپ, جەڭىمپاز اتانعانىمىزعا قۋانىشتىمىز. جاپونيا مەن قازاقستان بيشىلەرىمەن سىنعا ءتۇسىپ, جەڭىسكە جەتۋ وڭاي بولمادى. بارلىعى مىقتى قارسىلاستار», دەدى ول.
