ب ۇلىندى اۋدانى ماكينسك قالاسىنىڭ سۋ تاسقىنىنان زارداپ شەككەن تۇرعىندارىنىڭ ءبىرى مەملەكەتتىڭ قولداۋىنىڭ ارقاسىندا يۆان يۋششەنكو باسپانالى بولدى.
«مەملەكەتكە كومەك كورسەتكەنى ءۇشىن راقمەت. ءۇي بەرىلدى. بىزگە ءوز ءۇيىمىزدى تاڭداۋعا مۇمكىندىك بەردى. جارقىن, تازا, ۇقىپتى. مونشاسى, باقشاسى بار. بۇكىل وتباسىمنىڭ اتىنان ءبىزدى قيىنشىلىقتا قالدىرماعانى ءۇشىن بارلىقتارىڭىزعا ريزاشىلىشىعىمدى بىلدىرەمىن. پرەزيدەنتىمىز قاسىم-جومارت توقاەۆقا راقمەت», دەدى يۆان يۋششەنكو.
سونىمەن قاتار وڭىردە 331 جەكە تۇرعىن ءۇي, ونىڭ ىشىندە 115-ءى بۇلاندى اۋدانىندا بەلسەندى سالىنىپ جاتىر. جۇمىستار اۋداننىڭ ءتورت اۋىلى جۋراۆلەۆكا, كاپيتونوۆكا, يۆانكوۆكا جانە ۆوزنەسەنكادا جۇرگىزىلىپ جاتىر. جاڭا ۇيلەردىڭ اۋدانى كەمىندە 80 شارشى مەتردى قۇرايدى. قۇرىلىس بارىسىن پورتال ارقىلى (gov.kz) ونلاين رەجيمدە باقىلاۋعا بولادى.
وعان قوسا, اقمولا وبلىسىندا 715 تۇرعىن ۇيدە, ونىڭ 112-ءسى بۇلاندى اۋدانىندا جوندەۋ جۇمىستارى اياقتالعان.
ايتا كەتەيىك, ونەركاسىپ جانە قۇرىلىس مينيسترلىگىنىڭ احۋالدىق ورتالىعى سۋ تاسقىنىنان زارداپ شەككەندەر ءۇشىن تۇرعىن ءۇيدى قالپىنا كەلتىرۋ بارىسىنا كۇندەلىكتى مونيتورينگ جانە باقىلاۋ جۇرگىزىپ وتىر.
