اتىراۋدا وقۋشىلاردىڭ نەدەن ۋلانعانى انىقتالدى

اتىراۋ. 23 قاڭتار. اتىراۋ قالاسىنا تاياۋ ورنالاسقان «جۇمىسكەر» ەلدى مەكەنىندەگى ي.تايمانوۆ اتىنداعى مەكتەپ وقۋشىلارىنىڭ نەدەن ۋلانعانى بەلگىلى بولدى. بۇل تۋرالى egemen.kz ءتىلشىسى حابارلادى. كەشە, ياعني, 22 قاڭتاردا اتىراۋ قالاسىنا قاراستى «جۇمىسكەر» كەنتىندەگى ي.تايمانوۆ اتىنداعى مەكتەپتىڭ 21 وقۋشىسى مەن ءبىر قىزمەتكەرى ۋلانۋ دياگنوزىمەن اۋرۋحاناعا جاتقىزىلعان بولاتىن. وسىعان وراي «وقۋشىلاردىڭ ءبىرى ءبىرىنشى قاباتتاعى كيىم ىلەتىن بولمەگە گاز باللونىنان بۇركىگەن. سونىڭ سالدارىنان جوعارى سىنىپتاردىڭ 21وقۋشىسى مەن ءبىر قىزمەتكەرى اەروزولدىق گازعا ۋلانۋ بەلگىسىمەن اۋرۋحاناعا جەتكىزىلدى. زارداپ شەككەندەرگە دەر كەزىندە كومەك كورسەتىلدى. جانساقتاۋ بولىمىنە ءبىر دە ءبىر وقۋشى, ءبىر دە ءبىر قىزمەتكەر تۇسكەن جوق. 22 قاڭتار كۇنى 18:00 ساعاتا 18 وقۋشى اۋرۋحانادان شىعارىلدى. ءۇش وقۋشى ءارتۇرلى شاعىممەن  دارىگەرلەردىڭ قاراۋىندا قالدىرىلدى», دەپ حابارلادى وبلىس اكىمدىگىنىڭ ءباسپاسوز قىزمەتى. «الدىن الا مالىمەتتەر بويىنشا, وقۋشىلاردىڭ ءبىرى اۋەستىكپەن گاز باللونىن بۇرىككەنىن موينىنا الدى», دەدى اتىراۋ قالاسى ءبىلىم ءبولىمىنىڭ جەتەكشىسى نۇرساۋلە سايلاۋوۆا. اتىراۋ وبلىسىنىڭ اكىمى باقتىقوجا ىزمۇحامبەتوۆ وقيعا ورنىنا, سونىمەن بىرگە اۋرۋحاناعا بارىپ, زارداپ شەگۋشىلەردىڭ جاعدايىمەن تانىستى. جاۋاپتى ورگاندارعا ءوڭىر وقۋشىلارىنىڭ اراسىندا وسىنداي ورەسكەل وقيعاعا جول بەرمەۋدىڭ الدىن الۋدى تاپسىردى. جولداسبەك شوپەعۇل. دەرەك: egemen.kz. سۋرەت: i-news.kz.