بيىل 7 ايدا اۋىل شارۋاشىلىعى جالپى ءونىمىنىڭ كولەمى 3,7%-عا ۇلعايىپ, 2,1 ترلن تەڭگەنى قۇرادى. بۇل رەتتە, مال شارۋاشىلىعى جالپى ءونىمىنىڭ ناقتى كولەم يندەكسى 103,7%-عا جەتتى جانە مال شارۋاشىلىعى ءونىمىن ءوندىرۋ كولەمى 1,7 ترلن تەڭگەنى, وسىمدىك شارۋاشىلىعىنىڭ ناقتى كولەم يندەكسى 104%-دى قۇراپ, ءونىم ءوندىرۋ كولەمى 402,9 ملرد تەڭگە بولدى.
جوسپارلانعان كورسەتكىشكە قول جەتكىزۋ ەگىن جيناۋ جۇمىستارى اياقتالعاننان كەيىن ەكىنشى جارتىجىلدىقتا قامتاماسىز ەتىلەدى دەپ كۇتىلۋدە, ويتكەنى وسىمدىك شارۋاشىلىعى ونىمدەرىن ءوندىرۋ جالپى ءونىمنىڭ جارتىسىنان كوبىن الادى.
مينيسترلىك العا قويىلعان ماقساتتارعا جەتۋ ءۇشىن بارلىق قاجەتتى شارالاردى قابىلداپ كەلەدى. ماسەلەن, كوكتەمگى ەگىس جۇمىستارىن جەڭىلدەتىلگەن نەسيەلەۋ ءۇشىن قاراستىرىلعان 580 ملرد تەڭگەنىڭ 342,6 ملرد تەڭگەسى يگەرىلدى. قازىرگى ۋاقىتتا قوسىمشا 20,4 ملرد تەڭگەنىڭ وتىنىمدەرى قاراستىرىلۋدا, ەگىن جيناۋ جۇمىستارىنا وتىنىمدەر جيناۋ جالعاسۋ ۇستىندە.
سولتۇستىك قازاقستان, قوستاناي, پاۆلودار, شىعىس قازاقستان, قىزىلوردا جانە اقمولا وبلىستارى اكك ارقىلى جەڭىلدىكتى كرەديتتەۋ بويىنشا بەلسەندى جۇمىس اتقارىپ وتىر. بۇل وڭىرلەرگە وسى ماقساتتار ءۇشىن 75 ملرد تەڭگە قاراستىرۋ كوزدەلگەن. «قازاگروقارجى» ارقىلى اۋىل شارۋاشىلىعى تەحنيكاسىنىڭ جەڭىلدەتىلگەن ليزينگى بويىنشا 62,7 ملرد تەڭگە سوماسىنا 2 298 بىرلىك اۋىل شارۋاشىلىعى تەحنيكاسىنا شارتتار جاسالدى.
بيىلعى 7 ايدا ازىق-ت ۇلىك ءوندىرىسى 0,4%-عا ارتىپ, 1,8 ترلن تەڭگەنى قۇرادى. ىرىمشىك پەن سۇزبە ءوندىرىسىنىڭ 13,5%-عا, وڭدەلگەن كۇرىشتىڭ 14,2%-عا, وسىمدىك مايىنىڭ 9,8%-عا, اشىتىلعان ءسۇت ونىمدەرىنىڭ 5%-عا وسكەنىن ەرەكشە اتاپ وتكەن ءجون.
جوسپارلانعان ينديكاتورلارعا قول جەتكىزۋ ءۇشىن بيىل 50,9 ملرد تەڭگە سوماسىنا 79 ينۆەستيتسيالىق جوبا ىسكە اسىرىلدى. ونىڭ ىشىندە اۋىل شارۋاشىلىعى ونىمدەرىن قايتا وڭدەۋ بويىنشا – 8,8 ملرد تەڭگە سوماسىنا 14 جوبا, مال شارۋاشىلىعىنا – 4,9 ملرد تەڭگەگە 11 جوبا, وسىمدىك شارۋاشىلىعىنا – 14,9 ملرد تەڭگەگە 36 جوبا, قۇس فابريكاسىنا – 6,7 ملرد تەڭگەگە 4 جوبا, تاۋارلى-ءسۇت فەرمالارى – 11,5 ملرد تەڭگەگە 5 جوبا جانە بۇدان باسقا دا ءبىرشاما جوسپارلار قاراستىرىلعان.
وتاندىق وندىرۋشىلەردى قولداۋ ماقساتىندا اۋىل شارۋاشىلىعى ونىمدەرىن قايتا وڭدەۋدى دامىتۋدىڭ 2028 جىلعا دەيىنگى كەشەندى جوسپارى ازىرلەندى. ونى ىسكە اسىرۋ ءۇشىن رەسپۋبليكالىق بيۋدجەتتەن 372 ملرد تەڭگە مولشەرىندە قوسىمشا قاراجات ءبولۋدى تالاپ ەتەدى.
جالپى العاندا, قابىلدانىپ جاتقان اۋقىمدى ءىس-شارالار اۋىل شارۋاشىلىعىنىڭ جالپى ءونىمىن 11,6% دەڭگەيىندە ۇلعايتۋعا مۇمكىندىك بەرىپ وتىر دەپ سەنىمدى تۇردە ايتا الامىز.
