اتىراۋ. 23 قاڭتار. اتىراۋ وبلىستىق سوتىندا تاريحي جادىگەرلىك مۇراجاي اشىلدى. بۇل تۋرالى egemen.kz ءتىلشىسى حابارلادى.
مۇراجايعا بيلەر تورەلىگى كەزەڭنەن بەرگى زاڭدىلىقتىڭ قالىپتاسۋىنان سىر شەرتەتىن جادىگەرلەر مولىنان قويلىعان. مۇنداعى ەڭ قۇندى جادىگەردىڭ ءبىرى رەتىندە ءابىلحايىر حاننىڭ 1731 جىلى رەسەي يمپەراتورى اننا يواننوۆناعا ارناپ جازعان حاتىن ايتۋعا بولادى. حاننىڭ حاتى جازىلعاننان بەرى ءبىراز جىل وتسە دە قۇجاتتىڭ ساقتالۋىندا ءمىن جوق. سونىمەن بىرگە, مۇراجايعا وزگە قۇجاتتار, جارلىقتار مەن قىلمىستىق ىستەردىڭ جازباسى قويىلعان. مۇراجايدان جىلدارى جۇمىس جاساعان سۋديالاردىڭ كيىمدەرى مەن ءتوس بەلگىلەرىن, مورلەرى مەن باسقا تۇتىنعان زاتتارىن كورۋگە بولادى. ەسكى فوتوسۋرەتتەر, سيا ساۋىت پەن پاتەفون, ديسكىلى تەلەفون مەن تەرۋ ماشينكاسى, Samsung ماركالى العاشقى كومپيۋتەر اتالعان مۇراجايدىڭ قۇندى جادىگەرىنە اينالعان.
«سوت بيلىگىنىڭ تاريحىمەن كەز كەلگەن ادام تانىسا الادى», دەيدى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ.
جولداسبەك شوپەعۇل.
دەرەك, سۋرەت: egemen.kz.
