فوتو:©El.kz/ارمان مۇحاتوۆ
CTS ءباسپاسوز قىزمەتىنىڭ حابارلاۋىنشا, دوستىق كوشەسىندەگى جوندەۋ جۇمىستارىنا بايلانىستى قابانباي باتىر داڭعىلى باعىتىنداعى «باعلانوۆا اتىنداعى قازاقكونتسەرت», «قورعانىس مينيسترىلىگى» ايالدامالارى مەن «كەرۋەن» ساۋدا ورتالىعىنا باراتىن جولدار ۋاقىتشا جابىلدى. № 18, 28, 30, 32, 40, 46, 50, 51, 56, 60 مارشرۋتتارى اتالعان ايالدامالارعا ۋاقىتشا توقتامايدى.
سونىمەن قاتار دوستىق كوشەسىنىڭ بويىنداعى ء«ابۋ ناسىر ءال-فارابي» مەشىتىنىڭ ايالداما پۋنكتىنە وتەتىن جول دا جابىلعان. وسىعان بايلانىستى № 30, 32, 40, 46, 51, 56 مارشرۋتتارى ۋاقىتشا جولاۋشىلاردى وتىرعىزبايدى جانە تۇسىرمەيدى.
ايتا كەتەيىك, جوندەۋ جۇمىستارىنىڭ اياقتالۋ مەرزىمى ءالى ناقتىلانعان جوق. قالا تۇرعىندارى مەن قوناقتارىنان رەسمي سايتتار مەن الەۋمەتتىك جەلىلەردەگى جاڭالىقتاردى قاداعالاپ وتىرۋ ۇسىنىلادى.
