فوتو: ۇلتتىق بانك
«بۇل رەتتە 10 000 تەڭگەلىك جاڭا بانكنوتتار شامامەن 2024 جىلدىڭ قىركۇيەگىندە جاپپاي اينالىمعا شىعادى, ويتكەنى ەلىمىزدىڭ بارلىق ايماقتارىنا جەتكىزۋ جانە جابدىقتى (بانكوماتتار, تەرمينالدار جانە باسقا دا كاسسالىق جابدىقتار) بەيىمدەۋ ءۇشىن قوسىمشا ۋاقىت قاجەت», دەلىنگەن حابارلامادا.
سونداي-اق ۇلتتىق بانك جاڭا ديزاينداعى 10 000 تەڭگەلىك بانكنوتتىڭ نەگىزگى قورعانىش ەلەمەنتتەرى تۋرالى ايتتى, بۇل ناقتى بانكنوتتاردى جالعان اقشادان ءوز بەتىنشە اجىراتۋعا كومەكتەسەدى.
بانكنوتادا رەلەفتى جاسايتىن ارنايى باسپا ءتۇرى – التىن ينتاگليو قولدانىلادى. قازاقستان رەسپۋبليكاسىنىڭ ەلتاڭباسى التىن ءتۇستى مەتالل بوياۋدىڭ جوعارى رەلەفتى قاباتىندا بەينەلەنگەن.
