فوتو: FlyArystan
«تەحنيكالىق سەبەپتەرگە بايلانىستى رەيستەردى كەشىكتىرۋ جاعدايلارىنىڭ كوبەيۋىنە بايلانىستى «Air Astana» اق جانە «FlyArystan» اق اۆياكومپانيالارىنا, سونداي-اق جولاۋشىلاردىڭ قۇقىقتارىن ساقتاۋعا قاتىستى كوپتەگەن شاعىمدار كەلىپ ءتۇستى», دەپ حابارلادى ازاماتتىق اۆياتسيا كوميتەتى.
قازىرگى كەزدە ارنايى كوميسسيا قۇرىلعان. ساراپشىلار رەيستەردىڭ ورىندالماۋى, كەشىگۋى جانە ءتيىستى قىزمەتتەردى كورسەتپەۋ سەبەپتەرىن, سونداي-اق اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭناما تالاپتارىن بۇزۋعا بايلانىستى باسقا دا جاعدايلاردى انىقتايتىنىن تۇسىندىرەدى.
«سونىمەن قاتار «قازاقستاننىڭ اۆياتسيالىق اكىمشىلىگى» اق باس ديرەكتورىنىڭ بۇيرىعىمەن «Air Astana» اق جانە «FlyArystan» اق اۆياكومپانيالارىنا جوسپاردان تىس تەكسەرۋ تاعايىندالدى», دەلىنگەن اقپاراتتا.
