فوتو: اقوردا
مەملەكەت باسشىسىنا مۇنداعى 13 ۇيىرمە مەن سەكتسياعا 1600 بالا قاتىساتىنى تۋرالى مالىمەت بەرىلدى. وقۋشىلار يگىلىگى ءۇشىن ورتالىقتا HI-TECH تسەح, شىعارماشىلىق شەبەرحانا, حورەوگرافيا زالى, ART-ستۋديا, دىبىس جازۋ, تەلەۆيدەنيە جانە فوتو ستۋديالارى, VR-ارحيتەكتۋرا جانە WEB-ديزاين كابينەتتەرى, Intellectum-ستۋديا, ينتەرنەت زاتتارى كابينەتى, روبوتتى تەحنيكا جانە تەحنيكالىق شىعارماشىلىق زەرتحاناسى, STEM-زەرتحانا, مۋزىكالىق ستۋديا, ەكولوگيالىق ورتالىق, سپورت جانە ويىن الاڭدارى اشىلعان.
جالپى اۋدانى 3,3 مىڭ شارشى مەتر بولاتىن عيمارات ساپالى قوسىمشا ءبىلىم الۋعا قاجەتتى قۇرالدارمەن تولىقتاي جابدىقتالعان.
مەملەكەت باسشىسى جاس ۇرپاقتىڭ شىعارماشىلىق جانە كرەاتيۆتى دامۋىنىڭ ءمانى زور ەكەنىنە نازار اۋداردى. سونداي-اق قورشاعان ورتانى قورعاۋعا, سونىڭ ىشىندە «تازا قازاقستان» ەكولوگيالىق اكتسياسىن وتكىزۋگە باسا ءمان بەرەتىنىن اتاپ ءوتتى. پرەزيدەنت وقۋشىلاردى وسى ماڭىزدى باستاماعا بەلسەندى تۇردە اتسالىسۋعا شاقىردى.
