مەنىڭ مەملەكەتىم

تۇنگى ساعات ءبىردىڭ و جاق, بۇ جاعى. ءنومىر ماتەريالدارىن دايىن­داۋمەن الاشاپقىن بولىپ جاتساق, تەلەفون شىرىلدايدى. الماتىدان. بەلگىلى اقىنىمىز ءشومىشباي ساريەۆ. «ولەڭ تۋدى, ولەڭ تۋدى», دەيدى اسىعا سويلەپ. «قانداي ولەڭ؟». «قانداي ولەڭ بولۋشى ەدى, جاڭا عانا ەستىگەن جاقسى جاڭالىققا جازىلعان ولەڭ. دۇيسەنبىگە گازەت شىعاتىنىن ەستىدىم, وسى ولەڭىمدى نومىرگە سالىپ جىبەرىڭىزدەرشى». «كورەيىك, تەز جىبەرە قويىڭىز ەلەكتروندى پوشتامەن», دەيمىز. «ويباي, ونداي ونەر جوق قوي بىزدە, قىزدارىڭىز تەلەفونمەن جازىپ الا قويسىنشى», دەيدى. امال جوق, ولەڭ تەلەفونمەن جازىلىپ الىندى. ەلدىكتىڭ جەڭىسىنە قۋانعان اقىن جۇرەكتىڭ ءلۇپىلىن جەتكىزگەن  اقجولتاي جىردى «ەگەمەن قازاقستان» وقىرماندارىنىڭ نازارىنا ۇسىنىپ وتىرمىز. حالقى قالاپ قازاقستان پرەزيدەنتى بولىپ قايتا سايلانعان ەلباسىمىز نۇرسۇلتان ءابىش ۇلى نازارباەۆقا! اقوردادان باستاپ شەكاراعا دەيىن, اسپان-جەردى جالعاعان ەكى اراعا دەيىن, بۇلت اسقان اقيىق تاۋلارىما دەيىن, كەڭ كوسىلگەن دالامنىڭ اۋماعىنا دەيىن, مەنىڭ مەملەكەتىم!   ەتەگىنەن تاۋىمنىڭ شىڭدارىنا دەيىن, جەل ۇيىرگەن قۇيىندى قۇمدارىنا دەيىن مەنىڭ مەملەكەتىم! قۇم باسقان ەجەلگى قورعانىنا دەيىن, قالىڭ توعاي سىڭسىعان ورمانىنا دەيىن مەنىڭ مەملەكەتىم! ءبىر ۋىس توپىراعى, ءار تاسىنا دەيىن, كۇڭىرەنگەن ءۇنسىز جارتاسىنا دەيىن مەنىڭ مەملەكەتىم!   نار اتان تۇيەنىڭ نوقتاسىنا دەيىن, ءاربىر قازاق وتباسىنا دەيىن, مەنىڭ مەملەكەتىم! جەل ۇيىتقىپ جەتەر ءسوزىم – جەر مەن كۇن اراسىنا دەيىن, كوز اشىپ-جۇمعان ءاربىر قازاق بالاسىنا دەيىن, مەنىڭ مەملەكەتىم!   ءتاڭىر ءوزى بەتىن بۇرعانىنشا, جەر شارى قانشا تۇرعانىنشا, جاسا, مەنىڭ مەملەكەتىم!.. جاسا, مەنىڭ پرەزيدەنتىم! جاسا, مەنىڭ ەلباسىم! ءشومىشباي ساريەۆ, اقىن, قازاقستاننىڭ ەڭبەك سىڭىرگەن قايراتكەرى. الماتى.