جەرگىلىكتى باسىلىم جازعانداي, قالالىق جاعاجايدا دەمالىپ وتىرعان ايەلدەردى تانىس ەمەس ەر ادام مازاق ەتىپ, رۇقساتسىز كامەراعا ءتۇسىرىپ وتىرعان. وعان ايەلدەردىڭ ءبىرى ەسكەرتۋ جاساعان سوڭ, ارادا جانجال باستالادى.
«سول كەزدە مەن بالامدى ويناتىپ وتىردىم. جانجالدى توقتاتۋعا تىرىسىپ, ولارعا جاقىندادىم. الدىمنان ماس ەر ادام شىعا كەلدى دە, بەتىمنەن ۇردى. قۇلاپ ءتۇستىم, مۇرنىم سىندى, بەتىم قانجوسا بولدى, بىراق ول مەنى تاعى دا ۇرا ءتۇستى», - دەيدى ءجابىر كورگەن ايەل.
وقيعا ورنىنا پوليتسيا كەلگەن. ايەل قاتتى سوققىدان كەيىن ەسىنەن تانىپ قالعان. ول اۋرۋحانادا ءبىر اپتا بويى ەمدەلگەن.
«دەنساۋلىعىما ەداۋىر زيان كەلدى. مۇرنىمدى سىندىردى – 4,5 سم جىرتىلعان. ونىڭ قولىندا قاتتى ءبىر زات بولعان سياقتى. الايدا پوليتسيا ونى جەڭىل باپپەن قاراپ جاتىر. تەرگەۋ دۇرىس ءجۇرىپ جاتقان جوق دەپ ەسەپتەيمىن. ول وسى ۋاقىتقا دەيىن كەشىرىم سۇراپ كەلگەن جوق, ىستەگەن ىسىنە وكىنبەيتىن سەكىلدى», - دەيدى جابىرلەنۋشى.
ماڭعىستاۋ وبلىسى پوليتسياسىنىڭ حابارلاۋىنشا, اتالعان فاكتكە بايلانىستى «دەنساۋلىققا قاساقانا اۋىرلىعى ورتاشا زيان كەلتiرۋ» بابىمەن قىلمىستىق ءىس قوزعالعان. كۇدىكتى ۇستالدى, ساراپتامالار تاعايىندالعان.
