فوتو: KAZ.NUR.KZ
جازعى وليمپيا ويىندارىندا ايەلدەر بوكسىنان 50 كگ سالماقتا جۇدىرىقتاسقان نازىم قىزايباي وزىنە كورسەتىلگەن قۇرمەتكە العىس ايتتى.
«جالپى وليمپيادا ويىندارى جاقسى ءوتتى. جاتتىقتىرۋشىممەن جاقسى دايىندالىپ, قولاعا قول جەتكىزدىك. حالىقتىڭ كۇتىپ العانىنا قاراپ, جەڭىسكە جەتكەنىمدى ەندى سەزىنىپ جاتىرمىن. جانكۇيەرلەرگە مىڭ العىس. بارشا قازاقستاننىڭ قولداۋىن سەزىندىم», دەدى ول.
ەسكە سالايىق, 50 كەلى سالماقتا ەل نامىسىن قورعاعان وتانداسىمىز جارتىلاي فينالدا قىتايلىق ۆۋ يۋمەن قولعاپ ءتۇيىستىرىپ, تورەشىلەر شەشىمىمەن ۇتىلدى. وسىلايشا ول وليمپيادا ويىندارىنىڭ قولا جۇلدەسىن قانجىعاسىنا بايلادى.
